රාජ්‍ය සේවා මේසපන්දු සංගමය විසින් සංවිධානය කරන ලද රාජ්‍ය සේවා මේසපන්දු තරගාවලිය පසුගියදා යාපනය මැදි විදුහල් ක්‍රීඩාගාරයේ දි අවසන් විය.
තරගාවලියේ තරග ඉසව් `ඒ´, `බි´,`සි´සහ `ඩි´යන කාණ්ඩයන් ඔස්සේ සංවිධානය වි තිබුණි.
තරගාවලියේ සමස්ත ශූරතාව තමන් සතු කරගන්නට ලකුණු 30 ක් ලබාගත් මහනුවර මහනගර සභාව සමත් විය. ලකුණු 26 ක් ලබාගත් කොළඹ නගර සභාව එහි සමස්ත අනුශූරතාව හිමිවිය.
මෙහි `ඒ´කාණ්ඩයේ පිරිමි මේස පන්දු ශූරතාව මහනුවර නගරසභාව දිනාගන්නට සමත්විය . එම කාණ්ඩයේ ම පිරිමි අනුශුරතාවය දිනාගනු ලැබුවේ කොළඹ මහනගර සභාව විසිනි.
`ඒ´ කාණ්ඩයේ කාන්තා ශූරතාව තමන් සතු කරගන්නට දේශීය ආදායම් දෙපාර්තමේන්තුව සමත් විය. එහි කාන්තා අනුශූරතාව යාපනය අධ්‍යාපන දෙපාර්තමේන්තුව විසින් දිනාගන්නා ලදි.
`බී´ කාණ්ඩයේ මේස පන්දු ශූරතාව ශ්‍රී ලංකා රේගුව විසින්ද, එහි අනුශුරතාවය ගෝනාපීනුවාල ප‍්‍රාදේශීය ලේකම් කාර්යාලය විසින්ද දිනාගනු ලැබිය.
`සී´කාණ්ඩයේ මේස පන්දු ශූරතාව ශී‍්‍ර ලංකා පොලිසියට හිමි වු අතර එහි අනුශුරයන් වුයේ අධ්‍යාපන දෙපාර්තමේන්තුවයි.
`ඩී´කාණ්ඩයේ මේස පන්දු ශූරතාව දේශීය ආදායම් දෙපාර්තමේන්තුව විසින්ද දිනාගන්නා ලදි. එහි අනුශුරතාවය මිනින්දෝරු දෙපාර්තමේන්තුව විසින්ද දිනාගනි ලැබිය.
