ලොව ප්‍රමුඛතම ග්‍රෑන්ඩ් ස්ලෑම් ටෙනිස් ශූරතාවලි අතරින් එකක් ලෙස සැලකෙන විම්බල්ඩන් තරගාවලිය සැලසුම් කළ පරිදි නියමිත කාලසීමාවන් තුල දී පැවැත්වීමට ගත හැකි සෑම පියවරක්ම අනුගමනය කිරීමට බලාපොරොත්තු වන බවට එම තරගාවලි සංවිධායකයන් මාධ්‍ය වෙත අදහස් දක්වමින් සඳහන්කොට තිබුණි.
රුසියාවත් සියලු තරග අවලංගු කරයි
කොරොන වයිරස් වසංගතය හේතුවෙන් අප්‍රේල් 10 වැනිදා දක්වා සියලුම ක්‍රීඩා අත්හිටුවන බව රුසියාව..
කෝවිඩ්-19 හෙවත් නව කොරෝනා වයිරසය මේ වන විට ගෝලීය මට්ටමේ වසංගතයක් දක්වා වර්ධනය වී තිබෙන්නේ ජනයාගේ එදිනෙදා ජීවිතයට මෙන්ම බොහොමයක් ක්‍රීඩාවන්ට ද දැවැන්ත මරු පහරක් එල්ල කරමිනි.
එයට කදිම උදාහරණයක් ලෙස වසරේ දෙවන ප්‍රධානතම ග්‍රෑන්ඩ් ස්ලෑම් ශූරතාවලිය ලෙස සැලකෙන ප්‍රංශ විවෘත ටෙනිස් තරගාවලිය පැවැත්වීමට නියමිතව තිබූ මැයි මාසයේ සිට එය සැප්තැම්බර් මාසය දක්වා ඉදිරියට රැගෙන ඒම සැලකිය හැක.
ප්‍රංශ තරගාවලි සංවිධායක කමිටුව මෙම තීරණයට එළඹුණේ ඊයේ (17) දිනයේ දී කැඳවූ හදිසි සැසිවාරය අතරතුර දී වන අතර මේ වසරේ මැයි මස 24 වැනිදාට දියත් කිරීමට අපේක්ෂාවෙන් සිටි තරගාවලිය, සැප්තැම්බර් මස 20 වැනිදා සිට ඔක්තෝබර් මස 12 වැනිදා දක්වා කල් දැමීමේ අවසන් තීරණයකට එකඟතාව පළකොට සිටියේ පැවති සාකච්ඡාවන්ගේ ප්‍රතිඵලයක් වශයෙනි.
තරගාවලියේ දින වකවානු එසේ වෙනස් වූ නමුත් රාත්‍රි කාලයේ දී සහ වැසි බර කාලගුණ තත්වයන් යටතේ වූවද බාධාවකින් තොරව තරග පැවැත්විය හැකි අයුරින් ක්‍රීඩා පිටි බොහෝමයක් සකස් කොට අලුත්වැඩියා කිරීමට පියවර ගෙන තිබීම මෙවර ප්‍රංශ විවෘත ටෙනිස් තරගාවලියේ ගුණාත්මකභාවය ඉහළ නැංවීමට හේතුපාදක වනු ඇතැයි බොහෝ දෙනාගේ අදහසයි.
රෝලන්ඩ් ගැරෝස්, ෆිලිප් චැට්‍රියර් ඇතුළු කොට ගෙන ඇති සුප්‍රසිද්ධ ක්‍රීඩා පරිශ්‍රයන් කිහිපයක් සඳහා ආලෝක ධාරා කුලුණු සහ පිටිය ආවරණය පරිදි තැනූ පියසි එකතු කර තිබීම එහි දී වඩාත් කැපී පෙනුණි.
ඔලිම්පික් ප්‍රධානියාටත් කොරෝනා වැලඳෙයි
ජපාන ඔලිම්පික් කමිටුවේ නියෝජ්‍ය ප්‍රධානී කොසෝ ටෂිමා අඟහරුවාදා (17) පවසා සිටියේ තමාට..
මේ අතර වයිරසයේ බලපෑම ඉදිරි මාස කිහිපය තුල දී ක්‍රමයෙන් පහව යනු ඇතැයි අපේක්ෂා කරන විම්බල්ඩන් තරගාවලි සංවිධායක කමිටුව තවමත් තරග කාලසටහනේ කිසිදු වෙනස්කමක් සිදු කිරීමට බලාපොරොත්තු නොවන බව සඳහන් කර සිටියි.
නමුත් දැනට පවතින අවදානම්සහගත තත්වයෙහි කිසිදු වෙනසක් සිදු නොවන්නේ නම් වහාම ක්‍රියාත්මක වන පරිදි තරගාවලිය කල් දැමීමට කටයුතු කිරීමට තමන් පසුබට නොවන බව ද ඔවුන් සඳහන් කර තිබුණි.
තරගාවලිය ජුනි මස 29 වැනිදා සිට ජුලි මස 12 වැනිදා දක්වා පැවැත්වීමට සැලැසුම්කොට තිබේ. එංගලන්ත තණබිම් ටෙනිස් සහ ක්‍රොකට් සංගමයේ ප්‍රධාන විධායක නිලධාරි රිචඩ් ලෙවිස් මහතා මේ පිළිබඳව තම අදහස් පළකරමින් සඳහන් කර සිටියේ තමන් ඇතුළුව සෙසු නිලධාරි මඬුල්ල ක්‍රීඩකයින්ගේ සෞඛ්‍ය තත්වය සහ ආරක්ෂාවට ප්‍රමුඛ ස්ථානයක් දී කටයුතු කරන බවයි.
“අපි තරගාවලිය සැලසුම් කරන ක්‍රියාදාමය නොනවත්වා ඉදිරියට අරගෙන යනවත් එක්කම දැනට පවතින තත්වය පිළිබඳවත් ඉතාමත් හොඳ අවධානයකින් ඉන්නේ. ඒක නිසා අපි හැම වෙලාවෙම උත්සාහ කරන්නේ සියලු දෙනාටම යහපතක් වෙන තීරණයක් ගන්න. ඒක නිසා අපි ඉදිරියේ දී බලමු තරගාවලියේ මොනයම් හරි වෙනසක් සිදු කරන්න ඕන ද නැද්ද කියලා.”
“ගෝලීය වශයෙන් අපි මේ මුහුණ පාලා තියෙන අභියෝගාත්මක තත්වය හමුවේ අපිට නොයෙක් ආකාරයෙන් සහයෝගය ලබා දෙන සියලුම පාර්ශවයන්ට මේක අවස්ථාවක් කරගන්නවා අපේ ස්තුතිය පුද කරන්න.”
AFP ඇසුරෙනි.
>> තවත් පුවත් සඳහා පිවිසෙන්න – මුල් පිටුවට <<
