ශ්‍රී ලංකා විස්සයි විස්ස කණ්ඩායම පසුගිය වසරේ විස්සයි විස්ස ලෝක කුසලානයේ දී ඉතා ඉහළ දස්කම් දක්වන්නට සමත් වුනා. එම තරගාවලියේ දී ඉහළ දස්කම් දැක්වූ වනිඳු හසරංග, දුෂ්මන්ත චමීර, භානුක රාජපක්ෂ හා මහිෂ් තීක්ෂණ මෙවර IPL තරගාවලියේ දී ද සිය කණ්ඩායම් වෙනුවෙන් ඉතා ඉහළ දස්කම් දක්වන්නට සමත් වුනා.
වයස අවුරුදු 19න් පහළ ලෝක කුසලාන තරගාවලියේ දී ඉහළ දස්කම් දැක්වූ මතීෂ පතිරණ ද Chennai Super Kings වෙනුවෙන් ක්‍රීඩා කරමින් සිය මංගල තරගයේ දී ඉතා සාර්ථක වුනා.
“මට සතුටුයි IPL තරගාවලියේ දී ශ්‍රී ලාංකිකයින්ට හොඳ අවස්ථාවක් ලැබීම ගැන වගේම ඔවුන් විශ්වාස කිරීම ඔවුන්ට IPL තරගාවලියේ ලොකු දේවල් කරන්න පුළුවන් කියලා. හොඳම උදාහරණය වනිඳු. ඔහු තරුවක් ඒ වගේම ඔහු ශ්‍රී ලංකා කණ්ඩායම වෙනුවෙන් ඉහළ දස්කම් දක්වනවා. අනෙක් ක්‍රීඩකයිනුත් තමන්ගේ වගකීම ඉටු කරනවා. ශ්‍රී ලංකාවේ අනාගත ක්‍රීඩකයින් IPL ක්‍රීඩා කිරීම වටිනවා”, වාස් පවසා සිටියා.
- උම්රාන් මලික්ගේ වේගය ගැන ඕස්ට්‍රේලියානු විරුවෙකුගේ පැසසුම්
- එංගලන්ත සුදු පන්දුවට නව පුහුණුකරුවෙක්
- Gayle හා de Villiers, RCB විශිෂ්ටයින් අතරට
- SunRisers නායකයා ගෙදර යයි
2022 IPL තරගාවලියේ දී නවක ඉන්දීය ක්‍රිකට් ක්‍රීඩකයින් රැසක්ම ඉහළ දස්කම් දක්වන්නට සමත් වුනා.
පිතිකරුවන් ලෙස Tilak Varma හා Abhishek Sharma ඉහළ දස්කම් දක්වද්දී නවක ක්‍රීඩකයින් අතර කැපී පෙනෙනම දස්කම් දැක්වූ ක්‍රීඩකයා වුනේ Sunrisers Hyderabad වේගපන්දු යවන ක්‍රීඩක Umran Malik. මේ වන විට තරග 13ක දී කඩුලු 21ක් දවා ගෙන සිටින ඔහු 2022 IPL වැඩිම කඩුලු ලාභීන් අතර 4 වැනි ස්ථානයේ රැඳී සිටිනවා.
මෙවර තරගාවලියේ වේගවත්ම පන්දුව (157 kph) ද යැවූ Umran Malik, ශ්‍රී ලංකා සුපිරි වේගපන්දු යවන ක්‍රීඩක චමින්ද වාස්ගේ ද පැසසුමට ලක් වුනා. වාස් පවසා සිටියේ Malik දිනෙන් දින දියුණු වන බවත්, ඔහු යම් දිනක ඉන්දියාව වෙනුවෙන් දක්ෂතම පන්දු යවන්නෙක් වනු ඇති බවත්ය.
“මම හිතන්නේ ඔහු දිනෙන් දින දියුණු වෙනවා. මම දැක්කා ඔහු පසුගිය වසරේ දීත් IPL ක්‍රීඩා කරනවා. ඔහුගේ අඛණ්ඩව එකම ස්ථානයේ පන්දු යවනවා වගේම විස්සයි විස්ස තරගවල දී ඉලක්කයත් ඉතා වැදගත්. ඔහු ඉන්දියාව වෙනුවෙන් විශිෂ්ට පන්දු යවන්නෙක් බවට පත් වේවී. ඔහු Bumrahගේ මට්ටමට එයි. මම හිතන්නේ ඉන්දියාව ඔහුට අවස්ථාවක් දුන්නොත් ඔහු ගොඩක් දුර යයි”, Mumbai හිදී පැවැත්වුණු උත්සවයක දී ඔහු පවසා තිබුණා.
මෙවර IPL තරගාවලියේ දී Mukesh Choudhary, Arshdeep Singh, Avesh Khan හා Mohsin Khan වැනි යොවුන් ක්‍රීඩකයින්ට සිය දක්ෂතා පෙන්වන්නට හොඳ අවස්ථා ලැබුණා. වාස් පවසා සිටියේ ඉන්දියාවේ පළමු පෙළ තරගාවලිය ඉතා හොඳ බවයි.
“ඉන්දියාවට හොඳ පළමු පෙළ තරගාවලි තිබෙනවා. ගොඩක් පළමු පෙළ ක්‍රීඩා සමාජ හොඳ ක්‍රීඩකයින් බිහි කරනවා. ඒ නිසයි මේ වගේ දක්ෂ පන්දු යවන්නන් බිහි වෙන්නේ.”
Hindustan Times ඇසුරින්
>> තවත් ක්‍රිකට් පුවත් සඳහා පිවිසෙන්න <<
