විශිෂ්ටතම ක්‍රීඩකයාට හිමි සම්මානය උෂාන්ට

ශ්‍රී ලංකා ජාතික උස පැනීමේ ජාතික වාර්තාවට හිමිකම් කියන උෂාන් තිවංක, ඇමරිකාවේ පැවති Lone Star Conference සම්මාන උළෙලේ දී විශිෂ්ටතම පිටියේ මලල ක්‍රීඩකයාට (Outstanding Male Field Athlete) හිමි සම්මානයෙන් පිදුම් ලබා තිබෙනවා.

පසුගිය දා පැවති  Lone Star Conference Indoor Track and Field Championships තරගාවලියට සහභාගි වූ උෂාන් තිවංක එහි දී ගෘහස්ථ උස පැනීමේ ජාතික වාර්තාව අලුත් කිරීමට සමත් වුනේ මීටර් 2.27ක දක්ෂතාවයක් වාර්තා කරමිනුයි.

එම දක්ෂතාවයත් සමඟින් ඉසව්වේ ප්‍රථම ස්ථානය සමඟින් රන් පදක්කම ජයග්‍රහණය කරන්නට උෂාන් සමත් වූ අතර ඔහුගේ එම දක්ෂතාවය ද සැලකිල්ලට ගනිමින් මෙම සම්මානය පිරිනමා තිබෙනවා.

පසුගිය වසරේ දී උස පැනීම ඉසව්වෙන් ඉහළ දස්කම් දක්වමින් එම ඉසව්වේ ගෘහස්ථ සහ එළිමහන් වාර්තා ද්විත්වය (මීටර් 2.30) බිඳ හෙළීමට සමත් වූ උෂාන් මෙම වසරේ සහභාගී වූ පළමු තරගයේම මීටර් 2.25ක කැපී පෙනෙන දස්කමක් දැක්වීමට සමත් වුනා.

• තේරීම් තරගාවලියේ දී වාර්තා බිඳ දමමින් පරිසාධන මට්ටම් ඉක්මවා ගිය ජයග්‍රාහකයෝ
• Gateway සහය දිවීමේ සැණකෙළිය කොළඹ දී
• ආසියානු ක්‍රීඩා උළෙලට සුදුස්සන් තේරීමේ දෙවැනි අදියර දියගම දී
• උෂාන් සුපිරි පිම්මකින් 2022 අරඹයි
• පළමු ස්ථානය සමඟින් උෂාන් ජාතික වාර්තාව අලුත් කරයි

උෂාන්ට අමතරව ඔහුගේ විශ්වවිද්‍යාලය වන Texas A&M University නියෝජනය ක්‍රීඩක ක්‍රීඩිකාවන් 21 දෙනෙකු මෙහි දී ඇගයීමට ලක්වූ අතර ඒ අතරට විශේෂ සම්මාන තුනක් ද ඇතුළත් වුනා.

උෂාන්ට අමතරව Minna Svaerd විශිෂ්ටතම පිටියේ ක්‍රීඩිකාව ලෙස සම්මාන දිනා ගනිද්දී Iniuto Ukpong වසරේ ගෘහස්ථ අධ්‍යන මලල ක්‍රීඩිකාව (Women’s indoor academic athlete of the year) ලෙස විශේෂ සම්මානයට පාත්‍ර වුනා.සම්මාන දිනූ සෙසු ක්‍රීඩක ක්‍රීඩිකාවන්

>>තවත් මලල ක්‍රීඩා පුවත් සඳහා පිවිසෙන්න<<