ජාත්‍යන්තර ක්‍රිකට් කවුන්සලයේ කාන්තා විනිසුරුවරුන් සංඛ්‍යාව 12ක් දක්වා ඉහල ගොස් තිබේ. ඒ ඉන්දීය විනිසුරුවරියන් වන ජනනි නාරායනන් හා ව්‍රින්දා රාති ජාත්‍යන්තර ක්‍රිකට් කවුන්සල සංවර්ධන විනිසුරුවරියන් ලෙස නම් කිරීමත් සමඟින්.
රොශාන් මහානාම ස්වයං නිරෝධායනයක
හිටපු ශ්‍රී ලංකා ටෙස්ට් ක්‍රිකට් ක්‍රීඩක සහ වත්මන් තරග තීරක රොෂාන් මහානාම පසුගිය දා පාකිස්තාන් සුපර් ලීග්
කාන්තා ක්‍රිකට් ගොඩනැගීම සඳහා පවත්වන ලද මාස 12ක ව්‍යාපෘතිය දියත් කිරීමෙන් අනතුරුව මේ බව ජාත්‍යන්තර ක්‍රිකට් කවුන්සලය විසින් නිවේදනය කර තිබිණි. ජාත්‍යන්තර කාන්තා දිනයේ දී මෙල්බර්න් ක්‍රිකට් ක්‍රීඩාංගණයේ දී පැවති 2020 කාන්තා ලෝක කුසලාන අවසන් මහා තරගය සඳහා 86174 ක ප්‍රේක්ෂකයන් පිරිසක් සහභාගි වී සිටියහ.
මෙම ව්‍යාපෘතිය නවසීලන්තයේ පැවැත්වෙන ජාත්‍යන්තර ක්‍රිකට් කවුන්සලයේ 2021 කාන්තා ක්‍රිකට් ලෝක කුසලානයට පෙර කාන්තා ක්‍රිකට් ක්‍රීඩාව වටා වඩාත් ප්‍රබෝධයක් ඇති කිරීම අරමුණු කර ගෙන ඇත.
විනිසුරුවරුන් පිළිබඳව ජාත්‍යන්තර ක්‍රිකට් කවුන්සලයේ ජ්‍යේෂ්ඨ අධ්‍යක්ෂක ඒඩ්‍රියන් ග්‍රිෆිත් මේ පිළිබඳව අදහස් දක්වා සිටියා.
“මෙය කාන්තා ක්‍රිකට් ක්‍රීඩාවේ උද්‍යෝගිමත් කාලයක් වන අතර එහි දී ජාත්‍යන්තර මට්ටමින් අපට තවත් කාන්තා නිලධාරීන් සිටීම සුදුසුයි කියලා මම හිතනවා. කාන්තා නිලධාරීන්ගේ වර්ධනයට අවශ්‍ය සහයෝගය ලබා දීම සඳහා අපි සාමාජික මණ්ඩල සමඟ ක්‍රියාශීලීව කටයුතු කරනවා.”
“මට විශ්වාසයි ජනනි සහ ව්‍රින්දා ඔවුන්ගේ කාලය පිළිබඳව බලාපොරොත්තුවෙන් සිටින බව. මම ඔවුන්ට සුබ පතනවා. ඔවුන් පැවරුමේ දී හොඳ ප්‍රතිඵලය ලබා දෙනවා පමණක් නොව, ඔවුන් මේ කාර්‍යයේ යෙදෙන විට අපගේ සහාය ඇතිව ඔවුන්ගේ කුසලතා වර්ධනය කර ගැනීමටත් ඔවුන් සමත්වේවි කියලා මම බලාපොරොත්තු වෙනවා.”
ජනනි නාරායනන් මේ වන විට 34 හැවිරිදි වියේ පසු වන අතර ඇය 2018 වසරේ සිට ඉන්දීය දේශීය තරග විනිසුරුවරියක් ලෙස කටයුතු කරයි. ඇය එංගලන්තයේ අභාවප්‍රාප්ත ඩේවිඩ් ෂෙපර්ඩ් සහ විශ්‍රාමික ඉන්දීය විනිසුරු ශ්‍රීනිවාස් වෙන්කත්‍රාගවන. අනුගමනය කරන බවත් පවසා ඇත.
ජනනි නාරායනන්: “ව්‍රින්දා සහ මම අන්තර්ජාතික ක්‍රිකට් කවුන්සිලයේ සංවර්ධන මණ්ඩලයට ඇතුළත් කර ඇති බව දැන ගැනීමට ලැබීම සතුටක්. මෙය මේ ක්ෂේත්‍රයේ සිටින ජ්‍යේෂ්ඨයන්ගෙන් ඉගෙන ගැනීමටත් ඉදිරි වර්ෂවල දී මේ හැකියාවන් වැඩිදියුණු කිරීමටත් අවස්ථාව ලබා දෙනවා. ක්‍රිකට් 90 දශකයේ සිටම මගේ දෛනික චර්යාවේ කොටසක් බවට පත්ව තියෙනවා. මේ අවස්ථාවත් සමඟින් මම ක්‍රීඩාව සමඟ ඉහළ මට්ටමක සම්බන්ධ වීමට බලාපොරොත්තු වෙනවා. ”
“මට මෙම අවස්ථාව ලබා දීම ගැන ඉන්දීය ක්‍රිකට් ආයතනයට හා මට මේ ස්ථානය ලබා දුන් ජාත්‍යන්තර ක්‍රිකට් කවුන්සලයට මම ස්තූතිවන්ත වෙනවා. මා මුලින් විනිසුරු වීමට පටන් ගත් දා සිට මගේ උපදේශකයා ලෙස කටයුතු කළ රාධක්‍රිෂ්ණන් මහතාට මම ස්තූතිවන්ත වෙනවා. රූපවාහිනියෙන් ක්‍රිකට් නැරඹීමෙන් මා කිසි විටෙකත් නතර නොකළ මගේ දෙමව්පියන්ට, මගේ ජ්‍යේෂ්ඨ විනිසුරුවන් වන සායි දර්ශන්, අශ්වින් කුමාර් සහ මගේ ඉගෙනීමට හා වර්ධනය වීමට උදව් කළ මගේ සියලුම රාජ්‍ය විනිසුරුවන්, ජාතික කමිටු විනිසුරුවන් සහ විනිසුරුවන්ට මම ස්තූතිවන්ත වෙනවා.”
31 හැවිරිදි ව්‍රින්දා රාති ජාත්‍යන්තර තරගවල දී ලකුණු රැස් කර ඇති ක්‍රීඩිකාවකි. 2018 සිට ඉන්දීය දේශීය ක්‍රිකට් පිටියේ ද විනිසුරුවරයෙකු ලෙස කටයුතු කර ඇති ඇය විනිසුරුවරියක් ලෙස කටයුතු කිරීමට පෙළඹී ඇත්තේ 2013 වසරේ දී නවසීලන්තය වෙනුවෙන් ක්‍රීඩා කර විශ්‍රාම ගැනීමෙන් අනතුරුව විනිසුරුවරියක් වූ කැත්‍රී ක්‍රොස් දෙස බැලීමෙනි.
ව්‍රින්දා රාති: “මෙය මට නව මංපෙත් විවර කරන අවස්ථාවක්. ඒ නිසා ජාත්‍යන්තර ක්‍රිකට් කවුන්සලයේ සංවර්ධන මණ්ඩලයට ඇතුළත් වීම භාග්‍යයක් ලෙස මට හැඟෙනවා. මේ මණ්ඩලයේ අනෙක් සාමාජිකයන්ගෙන් බොහෝ දේ ඉගෙන ගැනීමට මේක ලොකු අවස්ථාවක් වේවි. ඒ වගේම මම අනාගත පැවරුම. හොඳින් ඉටුකිරීමට බලාපොරොත්තුවෙන් ඉන්නවා.
අතරමග නැවතුණු ශ්‍රී ලංකා ක්‍රිකට් තරගාවලි
පසුගිය වසරේ දෙසැම්බරයේ දී ලොව පුරා පැතිර යාම ආරම්භ කල නව කොරෝනා වයිරසය අද වන විට ලොව පුරා රටවල්
“ක්‍රිකට් ක්‍රීඩා කර ඇති කෙනෙක් හැටියට වගේම ලකුණු සටහන් කර ඇති කෙනෙක් හැටියට මම මෙය ස්වාභාවික දියුණුවක් ලෙස සලකනවා. ඒ වගේම දේවල් සිදුවන ආකාරය ගැන මම සතුටු වෙනවා. වසර ගණනාවක් තිස්සේ මට සහයෝගය දැක්වීම ගැන ඉන්දීය ක්‍රිකට් ආයතනය වෙත සහ මෙම අවස්ථාව ලබා දීම ගැන ජාත්‍යන්තර ක්‍රිකට් කවුන්සලයට මම ස්තූතිවන්ත වෙනවා. මගේ පවුලේ අයට, සගයින්ට සහ උපදේශකයින්ට වසර ගණනාවක් තිස්සේ ලබා දුන් සියලු උපකාර හා සහයෝගය වෙනුවෙන් ස්තූති කිරීමට මම මෙය අවස්ථාවක් කර ගන්නවා.”
ජාත්‍යන්තර ක්‍රිකට් කවුන්සලයේ අනෙකුත් කාන්තා තරග නිලධාරීන්
ජී. එස්. ලක්ෂ්මි, ෂැන්ඩ්‍රේ ෆ්‍රිට්ස් (ජාත්‍යන්තර කමිටු තරග විනිසුරුවන්); ලෝරන් ඇගන්බැග්, කිම් කොට්න්, ශිවානි මිශ්‍රා, ක්ලෙයාර් පොලොසැක්, සූ රෙඩ්ෆර්න්, එලොයිස් ෂෙරිඩන්, මේරි වොල්ඩ්‍රන්, ජැකලින් විලියම්ස් (සියලුම ජාත්‍යන්තර කමිටුව සංවර්ධන විනිසුරුවන්ගේ)
>> තවත් ක්‍රිකට් පුවත් සඳහා පිවිසෙන්න <<
