අගමැති කුසලානයට ක්‍රීඩා කරන ශ්‍රී ලංකා පාපන්දු සංචිතය

මෙම මස 08 වැනිදා සිට 19 වැනිදා දක්වා පැවැත්වීමට නියමිත අග්‍රාමාත්‍ය මහින්ද රාජපක්ෂ කුසලාන සිව්කොන් තරගාවලිය ඉලක්ක කර ගනිමින් පාපන්දු සංචිතයක් ශ්‍රී ලංකා පාපන්දු සම්මේලනය විසින් නම් කර තිබෙනවා.

එම සංචිතය ශ්‍රී ලංකා පාපන්දු සම්මේලනය විසින් මේ දක්වා නිල වශයෙන් ප්‍රකාශයට පත් කර නැතත් එම සංචිතය සඳහා ක්‍රීඩකයන් 23 දෙනෙකු ඇතුළත් කිරීමට කටයුතු කර තිබෙනවා.

පසුගිය මාසයේ දී නිමා වුන දකුණු ආසියානු පාපන්දු ශූරතාවය සඳහා නම් කළ ශ්‍රී ලංකා සංචිතයට ඇතුළත් වූ ක්‍රීඩකයන් පස් දෙනෙකුට මෙම සංචිතයෙන් ඉවත් කර තිබෙනවා. Edison Figurado, රොෂාන් අප්පුහාමි, මොහොමඩ් මුස්තාක්, රිෆ්කාන් මොහොමඩ් සහ සුපුන් ධනංජය එම ක්‍රීඩකයන්.

• පාපන්දු නොවැම්බරය අගමැති කුසලානයෙන් උණුසුම් වෙයි
• ශ්‍රී ලංකා ගෝල රකින්නා කැපී පෙනෙද්දී අවසන් තරගයේ ජය යේමනයට
• කටාර් ක්‍රීඩකයින් මෙල්ල කරන්නට ශ්‍රී ලංකාවට නොහැකි වෙයි
• WATCH – අමනුල්ලාට ශබීර් පිළිබඳව පැහැදීමක් නැහැ? | Sri Lanka v Syria
• WATCH – ශ්‍රී ලංකා ගෝල රකින්නාගේ දක්ෂතා කැපී පෙනේ | Football Lokaya

එම ක්‍රීඩකයන් වෙනුවට නිමා වූ වයස අවුරුදු 23න් පහළ ආසියානු සුදුසුකම් ලැබීමේ තරගාවලිය ක්‍රීඩා කළ කණ්ඩායමේ නායක සසංග දිල්හාර, Daniel Magrath සහ Abdul Basith මෙම සංචිතයට කැඳවා තිබීම කැපී පෙනුණා.

එමෙන්ම ඔවුන්ට අමතර Shazny සහ වසර තුනක් ජාතික කණ්ඩායමට කැඳවීමක් නොලැබුණු Mohamed Rifnaz ද මෙම මූලික සංචිතයට කැඳවා තිබෙනවා.

23න් පහළ ආසියානු කුසලාන සුදුසුකම් ලැබීමේ තරගාවලිය සඳහා ක්‍රීඩා නොකළ, නිමා වූ දකුණු ආසියානු ශූරතාවයේ දී ඉහළ දස්කම් දැක්වූ ඉදිරිපෙළ ක්‍රීඩක ඩිලොන් ද සිල්වා ද මෙම සංචිතයට ඇතුළත් වන අතර සුපුරුදු පරිදි කණ්ඩායමේ නායකත්වය සුජාන් පෙරේරා විසින් දරනු ලබනවා.

තරගාවලියේ සත්කාරකත්වය ශ්‍රී ලංකාව විසින් දරණ අතර මාලදිවයින, සීෂෙල්ස් සහ බංග්ලාදේශය තරගාවලිය සඳහා සහභාගී වන සෙසු රටවල් වනවා. තරගාවලියේ සියලූම තරග කොළඹ තුරඟ තරග පිටියේ දී පැවැත්වීමට නියමිතයි.

ශ්‍රී ලංකා සංචිතය,

අගමැති කුසලාන සිව්කොන් පාපන්දු කුසලානයේ සියලු තොරතුරු, ඡායාරූප සඳහා රැඳී සිටින්න ThePapare.com අප සමඟින්ම.

>> පාපන්දු පුවත් සඳහා පිවිසෙන්න – පාපන්දු ක්‍රීඩා පිටුවට <<