ඔලිම්පික් රිදී පදක්කම් ලාභී සුසන්තිකා ජයසිංහ මහත්මිය ශ්‍රී ලංකා කාන්තා ක්‍රිකට් උපදේශනය සහ සංවර්ධනය කිරීම සඳහා උපදේශකවරියක් (Consultant—Mentoring and Development of Women’s Cricket) ලෙස එක් වූ බව ශ්‍රී ලංකා ක්‍රිකට් ආයතනය නිවේදනය කර තිබෙනවා.
ශ්‍රී ලංකා මලල ක්‍රීඩා පිටියේ බිහි වූ ශ්‍රේෂ්ඨතම කෙටිදුර ධාවන ශූරියක් වන සුසන්තිකා ජයසිංහ ඔලිම්පික් පදක්කමක් දිනා ගත් එකම ශ්‍රී ලාංකික ක්‍රීඩිකාව මෙන්ම කෙටිදුර ධාවන ඉසව්වක ඔලිම්පික් පදක්කමක් දිනූ එකම ආසියානු ක්‍රීඩිකාව ද වෙනවා.
විශාල කැපවීම් තුළින් ලොව ඉහළ ජයග්‍රහණ ලබා ගත් ඇයගේ නිර්භීතකම සහ අධිෂ්ඨානය පිළිබඳ කතාව තුළින් අනාගත ශ්‍රී ලංකා ක්‍රිකට් ක්‍රීඩිකාවන් දිරි ගැන්වීමට හැකි වෙනු ඇතයි ශ්‍රී ලංකා ක්‍රිකට් ආයතනය නිකුත් කළ නිවේදනයේ සඳහන් වුනා.
“මේ නව අභියෝගය පිළිබඳව මම ගොඩක් සතුටු වෙනවා. එය මගින් මට තරුණ ක්‍රීඩිකාවන්ට අභියෝගවලට සාර්ථකව මුහුණ දීමට සහ ඔවුන්ට අනාගතයේ වීමට අවශ්‍ය තරු බවට පත්වීමට අවශ්‍ය උපකාරය ලබා දීමට මට අවස්ථාවක් හිමි වෙනවා,” යැයි සුසන්තිකා ජයසිංහ ප්‍රකාශ කර තිබුණා.
- සීමාව ඉක්මවා සතුට සැමරූ එංගලන්ත ක්‍රීඩකයාට දඩ!
- මහින්දයේ පන්දු යැවීම හමුවේ සාන්ත පීතරයින් අසරණ වෙයි
- දෙව්මි විහංඟා ලෝක කුසලානයේ හොඳම ක්‍රීඩිකාවන් අතරට
- WPL වෙන්දේසිය කල් යන ලකුණු
එමෙන්ම ශ්‍රී ලංකා ක්‍රිකට් ආයතනය විසින් ඇයව සාදරයෙන් පිළිගන්නා බව සහ ඇය අනාගතයේ ශ්‍රී ලංකා ක්‍රිකට් වෙත ඉතා වටිනා වත්කමක් වෙනු ඇතැයි ශ්‍රී ලංකා ක්‍රිකට් නිකුත් කළ නිවේදනයේ වැඩි දුරටත් සඳහන් වුනා.
ඇයගේ එම පත්වීම පෙබරවාරි 01 වැනිදා සිට බලපැවැත්වෙන බව ද එම නිවේදනයේ සඳහන්.
ශ්‍රී ලංකා ක්‍රිකට් ආයතනය නිකුත් කළ නිවේදනයක් ඇසුරිනි.
>> තවත් ක්‍රිකට් පුවත් සඳහා පිවිසෙන්න <<
 ලෙස එක් වූ බව ශ්‍රී ලංකා ක්‍රිකට් ආයතනය නිවේදනය කර තිබෙනවා.){kind=link}