SLC டி-20 லீக் இம்மாத இறுதியில் ஆரம்பம்

SLC டி-20 லீக் தொடரை நடத்தும் திட்டத்தை இலங்கை கிரிக்கெட் சபை (SLC) இன்று (02) வெளியிட்டது. இந்தப் போட்டித் தொடர் வரும் ஆகஸ்ட் 21ஆம் திகதி தொடக்கம் செப்டம்பர் 2ஆம் திகதி வரை நடைபெறவுள்ளது.

இலங்கை கிரிக்கெட் சபையால் அண்மையில் நடத்தப்பட்ட மாகாண மட்ட நான்கு நாள் மற்றும் ஒருநாள் போட்டித் தொடர்களில் இடம்பெற்ற கொழும்பு, தம்புள்ளை, காலி மற்றும் கண்டி ஆகிய நான்கு அணிகளுமே இந்த டி-20 லீக் போட்டிகளில் ஆடவுள்ளன.

தனன்ஜயவின் அபாரத்தால் பலமான இந்திய இளையோர் அணியை வீழ்த்திய இலங்கை

இலங்கை 19 வயதுக்குட்பட்டோர் மற்றும்…

இதில் ஒவ்வொரு அணியும் முதல் சுற்றில் 6 போட்டிகளில் ஆடவிருப்பதோடு ஒவ்வொரு அணியும் ஏனைய அணிகளுடன் தலா இரண்டு போட்டிகளில் பலப்பரீட்சை நடத்தும். புள்ளிப் பட்டியலில் முதல் இரண்டு இடங்களை பிடிக்கும் அணிகள் செப்டம்பர் 2ஆம் திகதி நடைபெறவுள்ள இறுதிப் போட்டியில் மோதவுள்ளன. தேசிய அணியின் அனைத்து ஒப்பந்த வீரர்கள், முதல்தர ஒப்பந்த வீரர்கள் மற்றும் நம்பிக்கை தரும் 19 வயதுக்கு உட்பட்ட வீரர்கள் இந்த தொடரில் பங்கேற்கவுள்ளனர்.  

ஆர். பிரேமதாச சர்வதேச மைதானம், பல்லேகல சர்வதேச மைதானம் மற்றும் ரங்கிரி தம்புள்ளை சர்வதேச மைதானம் ஆகியவற்றில் இந்த தொடரின் 13 போட்டிகளும் இடம்பெறவுள்ளதோடு இறுதிப் போட்டி கொழும்பில் நடைபெறும்.  

கொழும்பில் நடைபெறவிருக்கும் 13 நாட்கள் கொண்ட இந்த தொடரின் முதல் போட்டியில் கொழும்பு அணி காலியை எதிர்கொள்ளவுள்ளது.

பெரிதும் எதிர்பார்க்கப்பட்ட லங்கா பிரீமியர் லீக் தொடர் துரதிஷ்டவசமாக இந்த ஆண்டு நடைபெறாத நிலையில் அதற்காக ஒதுக்கப்பட்ட காலத்தில் இந்த தொடரை நடத்துவதற்கு இலங்கை கிரிக்கெட் சபையால் முடிந்துள்ளது.

பிரியாவிடை போட்டிக்காக காத்திருக்கும் லசித் மாலிங்க

தனது வெளிப்படையான, நேரடியாகப்…

போட்டி அட்டவணை

இந்த பரபரப்பான டி-20 லீக் போட்டிகளின் நேரடி ஒளிபரப்புகளுக்கு ThePapare.com உடன் இணைந்திருங்கள்