இலங்கை கிரிக்கெட் சபையினால் நடாத்தப்படும் முதல்தர கிரிக்கெட் சுற்றுப்போட்டியான பிரீமியர் லீக் தொடரில் B மட்ட அணிகளுக்கான இரண்டு போட்டிகள் இன்று நடைபெற்றன.
இதில், சானக கோமசாரு, ஷனுக்க திசாநாயக்க மற்றும் சமிகற எதிரிசிங்க ஆகியோரின் சிறந்த பந்து வீச்சின் மூலம் பொலிஸ் விளையாட்டுக் கழகத்தை இலங்கை துறைமுக அதிகார சபை கிரிக்கெட் கழகம் இன்னிங்ஸ் மற்றும் 14 ஓட்டங்களால் வெற்றி கொண்டது.
முன்னைய செய்திகள்: அஷான் ரணசிங்கவின் அபார பந்து வீச்சினால் கடற்படை அணிக்கு இன்னிங்ஸ் வெற்றி
பொலிஸ் விளையாட்டுக் கழகம் எதிர் இலங்கை துறைமுக அதிகார சபை கிரிக்கெட் கழகம்
இலங்கை துறைமுக அதிகார சபை கிரிக்கெட் கழகம் நேற்றைய நாள் ஆட்ட நேர முடிவின்போது 8 விக்கெட்டுகள் இழப்பிற்கு 223 ஓட்டங்களை பெற்ற நிலையில், 12௦ ஓட்டங்களால் முன்னிலை வகித்திருந்தது. இறுதி நாளான இன்று குறித்த ஓட்டங்களுடன் தாங்களது முதல் இன்னிங்சை இடைநிறுத்திய அவ்வணி, பொலிஸ் விளையாட்டுக் கழகத்தை துடுப்பாடுமாறு பணித்தது.
12௦ ஓட்டங்களுடன் பின்னிலை பெற்று மிகவும் இக்கட்டான சூழ்நிலையில் களமிறங்கிய பொலிஸ் விளையாட்டுக் கழக துடுப்பாட்ட வீரர்கள் கூடிய அழுத்தத்தினால் சொற்ப ஓட்டங்களுக்கு ஆட்டமிழந்து சென்றனர். இரண்டாவது இன்னிங்சில் அவ்வணி சகல விக்கெட்டுக்களையும் இழந்து 106 ஓட்டங்களை மாத்திரமே பெற்றது. அவ்வணி சார்பாக கூடிய ஓட்டங்களாக ஹெஷான் பெரேரா 36 ஓட்டங்களை பதிவு செய்தார்.
நேர்த்தியாக பந்து வீசிய ஷனுக்க திசாநாயக்க 29 ஓட்டங்களுக்கு 5 விக்கெட்டுக்களையும், அவருடன் முதல் இன்னின்சில் 4 விக்கெட்டுக்களை வீழ்திய சமிகற எதிரிசிங்க இரண்டாவது இன்னிங்சுக்காக 3 விக்கெட்டுகளையும் வீழ்த்தினார்.
இதனால் இலங்கை துறைமுக அதிகார சபை கிரிக்கெட் கழகம் இன்னிங்ஸ் மற்றும் 14 ஓட்டங்களால் வெற்றியீட்டியது.
போட்டியின் சுருக்கம்
பொலிஸ் விளையாட்டுக் கழகம் (முதல் இன்னிங்ஸ்) : 103 (50) – சமித் துஷாந்த 26, துஷிற மதனாயக்க 19, அசேல அழுத்கே 14, சானக கோமசாரு 35/5, சமிகற எதிரிசிங்க 29/4
துறைமுக அதிகார சபை கிரிக்கெட் கழகம் (முதல் இன்னிங்ஸ்) : 223/8d (87) – ஹஷான் குணதிலக 99, யோஹான் டி சில்வா 32, கல்யாண ரத்னபிரிய 65/4, மகேஷ் ப்ரியதர்ஷன 58/3, சுவஞ்சி மதனாயக 35/1
பொலிஸ் விளையாட்டுக் கழகம் (இரண்டாம் இன்னிங்ஸ்) : 106 (39) – ஹெஷான் பெரேரா 36*, தறிந்து தில்ஷன் 21, ஷனுக்க திசாநாயக்க 29/5 சமிகற எதிரிசிங்க 34/3, சானக கோமசாரு 31/1
முன்னைய செய்திகள்: மீண்டும் 5 விக்கெட்டுக்களை வீழ்த்திய சானக : பாணதுறை அணியை மீட்ட சில்வா
களுத்துறை நகர விளையாட்டுக் கழகம் எதிர் குருநாகல இளையோர் கிரிக்கெட் கழகம்
மூன்று நாள் கொண்ட இந்த போட்டியில், களுத்துறை நகர விளையாட்டுக் கழகம் 161 ஓட்டங்களுக்கு 2 விக்கெட்டுகளை இழந்திருந்த நிலையில் இரண்டாவது நாளான இன்றைய ஆட்டத்தை தொடர்ந்தது. நிதான ஆட்டத்தினை வெளிப்படுத்திய அவ்வணி இன்றைய ஆட்ட நேர நிறைவின் போது 3 விக்கெட் இழப்பிற்கு 258 ஓட்டங்களை பெற்றுக்கொண்டதோடு 26 ஓட்டங்களால் முன்னிலை வகிக்கிறது.
இன்றைய நாள் 2௦ ஓட்டங்களுடன் களமிறங்கிய ரிஷித் உபமால் சிறப்பாக துடுப்பாடி 16 பௌண்டரிகள் உள்ளடங்கலாக ஆட்டமிழக்காமல் 116 ஓட்டங்களை பெற்றுக்கொண்டார். அத்துடன் கீத் பெரேரா அணி சார்பாக 57 ஓட்டங்களை பெற்றுக்கொடுத்தார். எனினும் அவர் மிதுன் ஜெயவிக்ரமவின் பந்து வீச்சில் திலின ஹேரத்திடம் பிடி கொடுத்து ஆட்டமிழந்தார். நிபுன கமகே ஆட்டமிழக்காமல் 34 ஓட்டங்களுடன் களத்தில் இருக்கிறார்.
குருநாகல இளையோர் கிரிக்கெட் கழக பந்து வீச்சாளர்களுக்கு எதிராக மிகவும் நிதான ஆட்டத்தினை வெளிப்படுத்தியதன் காரணமாக இன்றைய நாள் ஒரே ஒரு விக்கெட்டை மாத்திரமே களுத்துறை அணி இழந்தது.
நாளை போட்டியின் இறுதி நாளாகும்.
போட்டியின் சுருக்கம்
குருநாகல இளையோர் கிரிக்கெட் கழகம் (முதல் இன்னிங்ஸ்) – 232 (70.2) – ருவந்த ஏக்கநாயக்க 111, ஹஷான் பிரபாத் 50, தமித் பெரேரா 19, தாரக வடுகே 14, விஹங்க கல்ஹாற 64/3, தறிந்து சிரிவர்தன 20/3, மங்கல குமார 63/2
களுத்துறை நகர விளையாட்டுக் கழகம் (முதல் இன்னிங்ஸ்) – 258/3 (81) – தரிந்து சிரிவர்தன 29, ரிஷித் உபமால் 116*, கீத் பெரேரா 57, நிபுன கமகே 34*, மிதுன் ஜயவிக்ரம 64/3
