රුසියාවේ එන්නත ශ්‍රී ලංකා ක්‍රීඩකයින්ට

සියලුම ආකෘතීන් අතරින් තෝරාගත් ක්‍රිකට් ක්‍රීඩකයින් 40 දෙනෙකු සඳහා, රුසියාවේ නිෂ්පාදනය කරන ලද COVID එන්නත වන Sputnik හි පළමු මාත්‍රාව ලබා දීමට තීරණය කර තිබෙනවා.

තෝරාගන්නා ලද ක්‍රීඩකයින් 40 දෙනාගෙන් 18 දෙනෙක් පසුගිය ඉරිදා (09) ඔවුන්ගේ ප්‍රථම මාත්‍රාව ලබා ගෙන තිබෙන අතර ඉතිරි සියලු දෙනාට මේ සතිය ඇතුළත එන්නත ලබා දීමට නියමිතයි.

එන්නත ලබා දීමට ප්‍රථම සියලුම ක්‍රීඩකයින් සඳහා ඇන්ටිජන් පරීක්ෂණයක් සිදු කර තිබෙනවා. මෙම එන්නත්කරණ වැඩසටහන බටහිර ඉන්දීය කොදෙව් සංචාරයට පෙර පැවැත්වීමට නියමිතව තිබුනත් පසුව එය කල් ගොස් තිබුණා.

• අවිශ්කට එක්දින සංචිතයේ දොර වැසෙයි
• ටෙස්ට් පිටියේ අන්තිමයා, පළමුවැනියාට ගෙනා අයුරු
• මාලිංග T20 ලෝක කුසලානය ක්‍රීඩා කරයි ද?
• අවිශ්ක ගුණවර්ධන සියලු චෝදනාවලින් නිදහස්
• ධනංජය ලක්ෂාන් සහ ඉෂාන් ජයරත්නට කොරෝනා

බංග්ලාදේශය බලා පිටත් වීමට නියමිත 18 දෙදෙනෙකුගෙන් සැදුම්ලත් ශ්‍රී ලංකා සංචිතය ඊයේ (10) ජෛව ආරක්ෂිත වටපිටාවකට (Bio Bubble) ඇතුළු වූ අතර ඔවුන් සිය පුහුණු සැසි අද (11) කෙත්තාරාමයේ දී ආරම්භ කළා. 

ශ්‍රී ලංකා එක්දින කණ්ඩායම මේ මස 16 වැනිදා බංග්ලාදේශය බලා පිටත්ව යෑමට නියමිත අතර ඔවුන් එහි දී බංග්ලාදේශ සමඟින් එක්දින තරග 3ක් ක්‍රීඩා කිරීමට නියමිතයි.

තරගාවලියේ කාලසටහන 

>> තවත් ක්‍රිකට් පුවත් සඳහා පිවිසෙන්න <<