பாகிஸ்தான் கிரிக்கெட் சபை (PCB), பாகிஸ்தான் கிரிக்கெட் அணியின் முன்வரிசை வீரரான பக்கார் சமான் தனது சக வீரர் பாபர் அசாம் தொடர்பில் சமூக வலைதளத்தில் வெளியிட்ட கருத்திற்கு விளக்கம் கோரியிருப்பதாக தெரிவிக்கப்பட்டுள்ளது.
>>அசத்தல் வெற்றியுடன் மே.இ.தீவுகள் T20 தொடரை சமநிலை செய்த இலங்கை<<
பாகிஸ்தான் டெஸ்ட் அணியில் காணப்பட்ட அனுபவமிக்க துடுப்பாட்டவீரரான பாபர் அசாம் தொடர்ச்சியாக வெளிப்படுத்தி வந்த மோசமான ஆட்டம் காரணமாக தற்போது நடைபெற்று வரும் இங்கிலாந்து – பாகிஸ்தான் டெஸ்ட் தொடரில் இருந்து அதிரடியான முறையில் நீக்கப்பட்டிருந்தார்.
இந்த நிலையில் பாபர் அசாம் பாகிஸ்தான் டெஸ்ட் அணியில் இருந்து நீக்கப்பட்டது தொடர்பில், பாகிஸ்தான் கிரிக்கெட் தெரிவுக்குழுவினை பக்கார் சமான் சமூக வலைதளமான X (Twitter) ஊடாக விமர்சித்திருந்தார். இந்த விமர்சனமே பக்கார் சமானிடம் பாகிஸ்தான் கிரிக்கெட் சபை விளக்கம் கோர காரணமாக அமைந்திருக்கின்றது.
தற்போது பக்கார் சமானிற்கு தனது விமர்சன நிலைப்பாடு தொடர்பில் விளக்கம் வழங்க பாகிஸ்தான் கிரிக்கெட் சபையினால் 7 நாட்கள் அவகாசம் வழங்கப்பட்டிருக்கின்றமை குறிப்பிடத்தக்கது.
அதேநேரம் பக்கார் சமான் இதற்கு முன்னதாக தனக்கு வெளிநாட்டு T20 லீக் தொடர்களில் விளையாட ஆட்சேபனையற்ற மனு வழங்காததன் (NOC) காரணமாக தனது அதிருப்தியினை வெளியிட்டிருந்ததும் சுட்டிக்காட்டத்தக்கது.
, பாகிஸ்தான் கிரிக்கெட் அணியின் முன்வரிசை வீரரான பக்கார் சமான் தனது சக வீரர் பாபர் அசாம் தொடர்பில் சமூக வலைதளத்தில் வெளியிட்ட கருத்திற்கு விளக்கம் கோரியிருப்பதாக தெரிவிக்கப்பட்டுள்ளது. ){kind=link}