සබරගමුව පළාත් මේස පන්දු සංගමය සංවිධානය කරන ලද සමස්ත ලංකා විවෘත ශ්‍රේණිගත මේසපන්දු තරගාවලියේ ශූරයා ලෙස කිරුළ දැරීමට ශ්‍රී ජයවර්ධනපුර විශ්වවිද්‍යාලය නියෝජනය කරන චමිර ගිනිගේ ද ශූරිය ලෙස කිරුළ දැරීමට මහනුවර හිල්වුඩ් විද්‍යාලයේ බිමන්දී බණ්ඩාර ද සමත් වූවා.
මේ වන විටත් ඔවුන් දෙදෙනා මේස පන්දු ශ්‍රේණිගත කිරීම් හී පළමු ස්ථානවලට පත් ව සිටිනවා.
මෙම තරග පසුගියදා බණ්ඩාරගම ගෘහස්ථ ක්‍රීඩාගාරයේ දී පැවැති අතර එහි දී විවෘත කාන්තා ඒකල ඉසව්වේ ශූරිය වූ බිමන්දි බණ්ඩාර වයස අවුරුදු 19න් පහළ බාලිකා ඉසව්වේ ද ශූරිය වෙමින් ද්විත්ව ශූරතා දිනා ගැනීමට සමත් වූවා.
එමෙන් ම අම්බලන්ගොඩ ධර්මාශෝක විද්‍යාලයේ කේ. එස්. ටී. චනුකි අක්ෂනා වයස අවුරුදු 11න් පහළ සහ වයස අවුරුදු 13න් පහළ ඉසව් ද්විත්වයේ ම ශූරිය ලෙසින් අභිශේක ලබමින් කැපී පෙණුනා. ඇය මේ වන විටත් වයස අවුරුදු 11න් පහළ සහ 13න් පහළ ශ්‍රී ලංකා ශ්‍රේණිගත කිරීම් හී පළමු අසුන හිමිකර ගෙන සිටින ක්‍රීඩිකාවයි.
- ශ්‍රී ලංකා පාපන්දුවට නැවුම් ආරම්භයක්!
- රුසියාවට සහ බෙලරුසියාවට ඔලිම්පික් සමාරම්භක උළෙල තහනම්!
- සුපිරි තරු ගැටෙන ලෝක ගෘහස්ථ මලල ක්‍රීඩා ශූරතාවලිය ඇරඹෙයි!
- 2024 ISAC සාර්ථකව නිමා වෙයි; වත්තල ලයිසියම් විද්‍යාලය පෙරමුණේ
- 2024 ISAC පළමු දිනයේ වැඩි ගෞරව වත්තල ලයිසියම් විද්‍යාලයට
තරග ප්‍රතිඵල
විවෘත කාන්තා ඒකල
මහනුවර හිල්වුඩ් විද්‍යාලයේ බිමන්දි බණ්ඩාර විසින් 3-0ක් ලෙසින් GSM මේස පන්දු ඇකඩමියේ මනීශා ශාලින්දි පරාජය කරන ලදි.
- ලකුණු පුවරුව – 13/11, 11/3, 11/8
විවෘත පිරිමි ඒකල
ශ්‍රී ජයවර්ධනපුර විශ්වවිද්‍යාලයේ චමීර ගිනිගේ විසින් 3-0ක් ලෙසින් ශ්‍රී ලංකා යුද හමුදාවේ ඉමන්ත උදංජය පරාජය කරන ලදි.
- ලකුණු පුවරුව – 11/6, 11/7, 11/6
වයස අවුරුදු 11න් පහළ බාලිකා ඒකල
අම්බලන්ගොඩ ධර්මාශෝක විද්‍යාලයේ කේ. එස්. ටී. චනුකි අක්ෂනා විසින් 3-0ක් ලෙසින් මහනුවර උසස් බාලිකා විද්‍යාලයේ යෙහන්සා මිරිහාන පරාජය කරන ලදි.
- ලකුණු පුවරුව – 11/2, 11/5, 11/3
වයස අවුරුදු 11න් පහළ බාලක ඒකල
අම්බලන්ගොඩ ධර්මාශෝක විද්‍යාලයේ දෙරන්‍ය කේසර විසින් 3-2ක් ලෙසින් කොළඹ නාලන්දා විද්‍යාලයේ කෙනුර සිල්වා පරාජය කරන ලදි.
- ලකුණු පුවරුව – 9/11, 11/5, 7/11, 11/3, 11/3
වයස අවුරුදු 13න් පහළ බාලිකා ඒකල
අම්බලන්ගොඩ ධර්මාශෝක විද්‍යාලයේ කේ. එස්. ටී. චනුකි අක්ෂනා විසින් 3-0ක් ගාල්ල සවුත්ලන්ඩ් බාලිකා විද්‍යාලයේ නිසදි නිමිතරා පරාජය කරන ලදි.
- ලකුණු පුවරුව – 11/8, 11/4, 11/9
වයස අවුරුදු 13න් පහළ බාලක ඒකල
කොළඹ ආනන්ද විද්‍යාලයේ යෙනුල් අබේවික්‍රම විසින් 4-1ක් ලෙසින් කොළඹ නාලන්දා විද්‍යාලයේ කෙනුර සිල්වා පරාජය කරන ලදි.
- ලකුණු පුවරුව – 3/11, 11/7, 11/4, 11/4
වයස අවුරුදු 15න් පහළ බාලිකා ඒකල
මහනුවර මහාමාය විද්‍යාලයෙ යෝෂිනී ජයවර්ධන විසින් 3-1ක් ලෙසින් ගාල්ල සවුත්ලන්ඩ් බාලිකා විද්‍යාලයේ මුතුලි ශාන්‍යා පරාජය කරන ලදි.
- ලකුණු පුවරුව – 11/4, 10/12, 11/7, 12/10
වයස අවුරුදු 15න් පහළ බාලක ඒකල
අම්බලන්ගොඩ ධර්මාශෝක විද්‍යාලයේ අකේන් බෝජිත් විසින් 3-2ක් ලෙසින් අම්බලන්ගොඩ ධර්මාශෝක විද්‍යාලයේ ම නවිරු නෙත්සිත පරාජය කරන ලදි.
- ලකුණු පුවරුව – 6/11, 11/7, 11/5, 10/12, 11/9
වයස අවුරුදු 17න් පහළ බාලිකා ඒකල
අම්බලන්ගොඩ ශ්‍රී දේවානන්ද විද්‍යාලයේ ටමාදි කවින්ද්‍යා විසින් 3-1ක් ලෙසින් ගම්පහ සිරිකුරුස විද්‍යාලයේ ශමල්ෂා දෙවිමි පරාජය කරන ලදි.
- ලකුණු පුවරුව – 7/11, 11/6, 20/18, 11/9
වයස අවුරුදු 17න් පහළ බාලක ඒකල
මහනුවර ත්‍රිත්ව විද්‍යාලයේ ශෆ්රුල්ලා අක්‍රම් විසින් 3-0ක් ලෙසින් කොළඹ රාජකීය විද්‍යාලයේ ජනිත් බටුගෙදර පරාජය කරන ලදි.
- ලකුණු පුවරුව – 11/6, 12/10, 11/5
වයස අවුරුදු 19න් පහළ බාලිකා ඒකල
මහනුවර හිල්වුඩ් විද්‍යාලයේ බිමන්දි බණ්ඩාර විසින් 3-2ක් ලෙසින් අම්බලන්ගොඩ ධර්මාශෝක විද්‍යාලයේ විද්‍යා ධරණි පරාජය කරන ලදි.
- ලකුණු පුවරුව – 9/11, 13/11, 11/6, 7/11, 11/9
වයස අවුරුදු 19න් පහළ බාලක ඒකල
කොළඹ ආනන්ද විද්‍යාලයේ රෙහාන් සේනානායක විසින් 3-2ක් ලෙසින් කොළඹ රාජකීය විද්‍යාලයේ ජනිත් බටුගෙදර පරාජය කරන ලදි.
- ලකුණු පුවරුව – 13/11, 11/8, 7/11, 8/11, 11/9
දිනෙන් දින උණුසුම් වන දෙස් විදෙස් ක්‍රීඩා පිටියේ උණුසුම් පුවත් ඔබ වෙත සමීප කිරීමට ThePapare.com සූදානම්, රැඳී සිටින්න ThePapare.com සමඟින්.
>> තවත් ක්‍රීඩා පුවත් සඳහා පිවිසෙන්න <<
