බටහිර ඉන්දීය කොදෙව් කණ්ඩායමේ නව එක්දින සහ විස්සයි විස්ස නායකයා ලෙස වමත් පිතිකරු Nicholas Pooran පත්කිරීමට බටහිර ඉන්දීය කොදෙව් ක්‍රිකට් බලධාරීන් කටයුතු කර තිබෙනවා.
කොදෙව් එක්දින සහ විස්සයි විස්ස නායකත්වය දැරූ Kieron Pollard පසුගිය දා ජාත්‍යන්තර ක්‍රිකට් පිටියෙන් සමුගැනීම ප්‍රකාශ කිරීමත් සමඟ හිස්වූ සීමිත පන්දුවාර නායකත්වය සඳහා වසරක පමණ සිට කණ්ඩායමේ උපනායකත්වය දැරූ Nicholas Pooran පත් කිරීමට ඔවුන් තීරණය කර තිබෙනවා.
ඒ අනුව මෙම වසරේ ඕස්ට්‍රේලියාවේ දී පැවැත්වීමට නියමිත විස්සයි විස්ස ලෝක කුසලානය සහ 2023 වසරේ ඉන්දියාවේ දී පැවැත්වීමට නියමිත එක්දින ලෝක කුසලානය සඳහා කණ්ඩායම මෙහෙය වීමේ වගකීම් හිමිවන්නේ Nicholas Pooran හටයි.
- දුශාන්ගේ තුන් ඉරියව් දස්කම් නිසා Mode ඉංජිනියරින්ට පෙරළිකාර ජයක්
- CSK නායකත්වය Jadejaගෙන් නැවතත් Dhoniට
- සම්පත් බැංකු, ජෝන් කීල්ස් සහ CDB ජයග්‍රහණ අතරට
- නිපන්දු ගැටලු අවම කරගන්න මහේලගෙන් යෝජනාවක්
Nicholas Pooran මීට පෙර ඕස්ට්‍රේලියාවට එරෙහිව මව්බිමේ දී පැවති තරගාවලියකට නායකත්වය ලබා දෙමින් එම තරගාවලිය ජයග්‍රහණය කිරීමට සමත්ව තිබෙන අතර නිත්‍ය නායකයා බවට පත්වීමෙන් පසු ඔහු කණ්ඩායම මෙහෙයවන පළමු තරගාවලිය වන්නේ මේ මස අවසානයේ නෙදර්ලන්තය සමඟ පැවැත්වීමට නියමිත එක්දින තරගාවලියයි.
“බටහිර ඉන්දීය කොදෙව් ක්‍රිකට් ක්‍රීඩාවට සුවිශේෂී උරුමයන් දායාද කළ විශිෂ්ටයන්ගේ අඩිපාරේ මම යන්නේ. ක්‍රිකට් කියන්නේ බටහිර ඉන්දීය කොදෙව්වන් සියල්ල එකතු කරන දෙයක් නිසා මෙම තනතුර කොදෙව් සමාජයේ ප්‍රධාන මෙන්ම කීර්තිමත් තනතුරක්. ඒ වගේම කොදෙව් නායකත්වයට පත්වීමට ලැබීම මගේ ක්‍රීඩා ජීවිතයේ ලැබුණ විශේෂම දෙයක්”, යැයි Pooran මාධ්‍ය වෙත ප්‍රකාශ කර තිබුණා.
Cricbuzz ඇසුරෙනි.
>> තවත් ක්‍රිකට් පුවත් සඳහා පිවිසෙන්න<<
