ශ්‍රී ලංකාව සමඟ පැවැත්වීමට නියමිත විස්සයි විස්ස සහ එක්දින ක්‍රිකට් තරගාවලි සඳහා නවසීලන්ත සංචිතය ප්‍රකාශයට පත් කර තිබෙනවා.
මෙම සංචිත ද්විත්වයේ ම නායකත්වය Mitchell Santner හට හිමි වී තිබීම විශේෂත්වයක්.
මීට පෙර හිටපු නවසීලන්ත නායක Kane Williamson සීමිත පන්දුවාර නායකත්වයට සමුදීමත් සමඟ එම වගකීමට පුරප්පාඩුවක් ඇති වූ අතර, ඒ අනුව Santner හට නායකත්වය හිමි වී තිබෙනවා.
කෙසේ වෙතත් දීර්ඝ කාලීන ලෙස Santner කණ්ඩායමට නායකත්වය ලබා දෙනවා ද යන්න නිල වශයෙන් තහවුරු වී නැහැ.
මෙම සංචිතය නවක ක්‍රීඩකයින්ගෙන් මෙන්ම අත්දැකීම් බහුල ක්‍රීඩකයින්ගෙන් ද සමන්විත සමබර සංචිතයක් ලෙස හඳුන්වා දිය හැකි අතර, මේ වන විට ඉන්දියාවේ පැවැත්වෙන ටෙස්ට් තරගාවලියට සහභාගී වන ක්‍රීඩකයින් හය දෙනෙකු ද මෙම සංචිතයට ඇතුළත්.
- ශ්‍රී ලංකා පළමු ඉනිමට නවසීලන්තයෙන් ප්‍රබල පිළිතුරක්
- බංග්ලාදේශයට තරග 4-1ක ජයක්
- පවන් දකුණු අප්‍රිකානුවෝ දණ ගස්වයි
- කමිඳු තවත් ශතකයක් කරා; පළමු දිනයේ වැඩි වාසි ශ්‍රී ලංකාවට
- කිවි – සිංහ ගැටුමට පෙර
නවසීලන්ත සංචිතය:
Mitchell Santner (නායක), Michael Bracewell, Mark Chapman, Josh Clarkson, Jacob Duffy, Lockie Ferguson, Zak Foulkes, Dean Foxcroft, Mitch Hay (wk), Henry Nicholls, Glenn Phillips, Tim Robinson, Nathan Smith, Ish Sodhi, Will Young
නොවැම්බර් මස 09 වැනි දා ආරම්භ වීමට නියමිත මෙම තරගාවලිය සඳහා විස්සයි විස්ස තරග 2ක් සහ එක්දින තරග 3ක් ඇතුළත්.
මෙම තරගාවලියේ සියලු උණුසුම් තතු විත්ති ඔබ වෙත සමීප කිරීමට ThePapare සූදානම්, රැඳී සිටින්න ශ්‍රී ලංකාවේ අංක එකේ ක්‍රීඩා නාලිකාව ThePapare සමඟින්.
>> තවත් ක්‍රිකට් පුවත් සඳහා පිවිසෙන්න <<
