මෙරට දේශීය පිටියේ ප්‍රධානතම ලීග් තරගාවලිය වන ලංකා ප්‍රිමියර් ලීග් තරගාවලියේ ලබන වසරේ අදියර සඳහා කණ්ඩායම් හයක් තරග වැදීමට වැඩි ඉඩකඩක් ඇතැයි තරගාවලියේ අධ්‍යක්ෂක සමන්ත දොඩංවල මහතා ප්‍රකාශ කළා.
ඔහුට අනුව ලබන (2023) වසරේ තරගාවලිය සඳහා උතුර හෝ උතුරු මැද නියෝජනය කරමින් කණ්ඩායමක් සහභාගී වීමට නියමිතයි.
- වත්මන් ශූරයෝ දෙවැන්නා ලෙස මූලික වටයට තිත තබයි
- Falcons ක්‍රීඩකයින් Aura බලාපොරොත්තු තවදුරටත් සුන් කරයි
- Allen සහ Brathwaiteගේ දස්කම් Falconsට ජය ගෙනෙයි
- Colombo Stars කණ්ඩායමෙන් අතිවිශිෂ්ට ලුහුබැඳ යාමක්!
“පසුගිය අදියරවල දී තරගාවලිය ලබා ගත් සාර්ථකත්වය නිසා හයවැනි කණ්ඩායමකට වැඩි ඉල්ලුමක් පවතිනවා. ඒ නිසා හයවැනි කණ්ඩායමක් ලබන වසරේ බොහෝ විට එක් වන අතර එයින් උතුරු සහ උතුරු මැද ක්‍රිකට් ක්‍රීඩකයින්ට අපි ජාතික තලයට පිවිසෙන්න අවස්ථාවක් ලබා දෙන්න සූදානම්. ඒ වගේම ඒ කණ්ඩායම මිල දී ගන්න ද ආයෝජකයින් සූදානම්ව සිටිනවා,” යැයි ඔහු ප්‍රකාශ කළා.
එමෙන්ම ලබන වසරේ සිට ලංකා ප්‍රිමියර් ලීග් තරගාවලිය දෙසැම්බර් මාසයේ නොපවත්වා අගෝස්තු මාසයේ දී පැවැත්වීමට ද එහි සංවිධායකයින් සැලසුම් කර තිබෙනවා.
>> තවත් ක්‍රිකට් පුවත් සඳහා පිවිසෙන්න <<
