වසරක ක්‍රිකට් තහනමකට ලක්ව සිටින ශ්‍රී ලංකා ක්‍රිකට් ක්‍රීඩක කුසල් මෙන්ඩිස් එළඹෙන අන්තර් සමාජ පළමු පෙළ ක්‍රිකට් තරගාවලියේ සිට සිය කණ්ඩායම වෙනස් කරමින් නව ක්‍රිකට් ගමනක් ආරම්භ කිරීමට සූදානමින් සිටින බව වාර්තා වෙනවා.
ඒ අනුව මෙන්ඩිස් 2015 වසරේ සිට වසර 6කට ආසන්න කාලයක් තිස්සේ නියෝජනය කළ කොළඹ ක්‍රිකට් සමාජ (CCC) කණ්ඩායමෙන් ඉවත් වී, සිංහල ක්‍රිකට් සමාජය (SSC) වෙනුවෙන් ක්‍රීඩා කිරීමට තීරණය කර තිබෙනවා.
- තවමත් T20 ලෝක කුසලානයක ජයක් නොලද කැන්ගරු ශූරයෝ
- “වනිඳු සහ චමීර කණ්ඩායමට නව මානයක් එක් කරනවා” – Virat Kohli
- “නවසීලන්තය පාකිස්තාන ක්‍රිකට් මැරුවා!” – Shoaib Akhtar
- ඉසුරු උදාන නැවතත් Bangla Tigers කණ්ඩායමට
- ඕමානයට සහ ලෝක කුසලානයට යන ශ්‍රී ලංකා සංචිතයට තවත් ක්‍රීඩකයින් 4ක්
SSC කණ්ඩායමේ ප්‍රධාන පුහුණුකරු ලෙස කටයුතු කරනු ලබන්නේ ශ්‍රී ලංකා හිටපු ක්‍රිකට් ක්‍රීඩක තිලිණ කන්ඩම්බි මහතා වන අතර එහි ක්‍රිකට් කමිටුවේ ප්‍රධානියා ලෙස කටයුතු කරනු ලබන්නේ මහේල ජයවර්ධන මහතායි.
මෙන්ඩිස්, නිරෝෂන් දික්වැල්ල සහ ධනුෂ්ක ගුණතිලක යන ක්‍රීඩකයින් තිදෙනා පසුගිය ජුනි මාසයේ පැවති එංගලන්ත තරග සංචාරය අතරතුර ජෛව ආරක්‍ෂිත බුබුලේ නීති උල්ලංඝනය කිරීමේ වරදකට හසුවුණා. ඒ නිසාවෙන් ඔවුන් තිදෙනා හට වසරක ජාත්‍යන්තර ක්‍රිකට් තරග තහනමක් සහ මාස 6ක දේශීය ක්‍රිකට් තරග තහනමක් පැනවීමට ශ්‍රී ලංකා ක්‍රිකට් විනය කමිටුව තීරණය කළා.
කෙසේ නමුත් ඔවුන් තිදෙනාගේ දේශීය ක්‍රිකට් තරග තහනම යම් මට්ටමකට ලිහිල් වීමට වැඩි ඉඩක් තිබෙන අතර ඒ අනුව ඔවුන් තිදෙනාට එළඹෙන ජනවාරි මාසයේ සිට අන්තර් සමාජ පළමු පෙළ ක්‍රිකට් තරගාවලිය නියෝජනය කිරීමට අවස්ථාව ලැබෙනු ඇත.
>> තවත් ක්‍රිකට් පුවත් සඳහා පිවිසෙන්න <<
