மீண்டும் கிரிக்கெட் களத்திற்கு திரும்பும் சங்கக்கார

முன்னாள் கிரிக்கெட் ஜாம்பவான்கள் பங்கேற்கும் சர்வதேச மாஸ்டர்ஸ் லீக் (International Masters League) தொடரில் களமிறங்கும் இலங்கை அணியின் தலைவராக குமார் சங்கக்கார நியமிக்கப்பட்டுள்ளார்.

இந்தியா, இலங்கை, அவுஸ்திரேலியா, இங்கிலாந்து, தென்னாப்பிரிக்கா மற்றும் மேற்கிந்தியத் தீவுகள் ஆகிய ஆறு முன்னணி கிரிக்கெட் நாடுகளின் சம்பியன் வீரர்களை ஒன்றிணைத்து நடத்தப்படவிருக்கும், மிகவும் எதிர்பார்க்கப்பட்ட சர்வதேச மாஸ்டர்ஸ் லீக் (ஐஆடு) தொடரானது எதிர்வரும் நவம்பர் மாதம் 17ஆம் திகதி முதல் டிசம்பர் மாதம் 8ஆம் திகதி வரை இந்தியாவில் நடைபெறவுள்ளது.

இம்முறை போட்டித் தொடரில் களிமறங்கும் இந்திய அணியின் தலைவராக சச்சின் டெண்டுல்கரும், மேற்கிந்தியத் தீவுகள் அணியின் தலைவராக பிரையன் லாராவும், தென்னாப்பிரிக்கா அணியின் தலைவராக ஜாக் கலிஸும், இங்கிலாந்து அணியின் தலைவராக இயென் மோர்கனும், அவுஸ்திரேலியா அணியின் தலைவராக ஷேன் வொட்சனும் செயல்படவுள்ளமை மற்றுமொரு சிறப்பம்சமாகும்.

சர்வதேச மாஸ்டர்ஸ் லீக் தொடரின் முதல் 4 போட்டிகளானது, நாவி மும்பையில் உள்ள டி.ஒய். பாட்டீல் கிரிக்கெட் மைதானத்தில் நவம்பர் 17ஆம் திகதி இந்தியா மற்றும் இலங்கை அணிகள் இடையேயான முதல் போட்டியுடன் ஆரம்பமாகவுள்ளது. இந்திய அணியை வழிநடத்தும் சச்சின் டெண்டுல்கர், இலங்கையை வழிநடத்தும் குமார் சங்கக்காரவுடன் மோதுகிறார்.

• புதிய BPL பருவத்தில் விளையாடவிருக்கும் அஞ்செலொ மெதிவ்ஸ்
• அசலன்கவின் அபார இரட்டைச் சதத்தோடு சம்பியனான கொழும்பு
• CPL சம்பியன் கிண்ணத்தை சுவீகரித்த சென். லூசியா கிங்ஸ்!

இரண்டாவது போட்டியில், ஷேன் வொட்சனின் அவுஸ்திரேலியா, ஜாக் கலிஸின் தென்னாப்பிரிக்காவை எதிர்கொள்கிறது, அதைத் தொடர்ந்து இலங்கை மற்றும் இயன் மோர்கனின் இங்கிலாந்து அணிகள் மோதுகின்றன. பின்னர் பிரையன் லாரா மற்றும் அவரது மேற்கிந்திய தீவுகள் அணி ஷேன் வொட்சனின் அவுஸ்திரேலியாவை எதிர்கொள்ளவுள்ளது.

இதனையடுத்து நான்கு நாட்கள் ஓய்வுக்குப் பிறகு போட்டிகள் மீண்டும் நவம்பர் 21ஆம் திகதி லக்னோவில் உள்ள பாரத ரத்னா ஸ்ரீ அடல் பிஹாரி வாஜ்பாய் ஏகானா கிரிக்கெட் மைதானத்தில் நடைபெறும். அங்கு நடைபெறும் முதல் போட்டியில் இந்தியா தென்னாப்பிரிக்காவை எதிர்கொள்கிறது. இந்த லக்னோ மைதானத்தில் மொத்தம் 6 போட்டிகள் நடைபெறவுள்ளமை குறிப்பிடத்தக்கது.

அதன் பிறகு நடைபெறவுள்ள எஞ்சிய லீக் போட்டிகள் முதல் 8ஆம் திகதி நடைபெறுகின்ற இறுதிப்போட்டி வரையான அனைத்துப் போட்டிகளும் ராய்ப்பூரில் உள்ள ஷாஹீத் வீர் நாராயண் சிங் சர்வதேச கிரிக்கெட் மைதானத்தில் நடைபெறவுள்ளது.

>> மேலும் கிரிக்கெட் செய்திகளைப் படிக்க <<