ඉන්දීය නායක විරාත් කෝලි හා දකුණු අප්‍රිකා වේගපන්දු යවන ක්‍රීඩක කගීසෝ රබාඩා 2018 වසර නිමා වන විට ICC පිතිකරණ හා පන්දු යවන්නන් ශ්‍රේණිගත කිරීම්වල පළමු ස්ථානයේ සිටීමට සමත් වූයේ විශිෂ්ට වසරක් නිමා කරමිනි.
මෙල්බර්න් හී තෙවැනි ටෙස්ට් ක්‍රිකට් තරගයේ පළමු ඉනිමේ ලකුණු 82ක් වාර්තා කළ ද කෝලිගේ ප්‍රසාද ලකුණු සංඛ්‍යාවෙන් ලකුණු තුනක් අඩු වූ නමුත් තවදුරටත් ඔහු කේන් විලියම්සන්ට වඩා ලකුණු 34ක් ඉදිරියෙන් රැඳී සිටියි. සිය ක්‍රීඩා දිවියේ වැඩිම ප්‍රසාද ලකුණ ලෙස ලකුණු 937ක් 2018 වසරේ රැස්කර ගත් කෝලි ටෙස්ට් ආකෘතියේ ලකුණු 1322ක් ද රැස් කර ගැනීමට සමත් විය. පසුගිය අගෝස්තු මාසයේ දී ස්ටීවන් ස්මිත් පසුකර ගිය කෝලි මේ වන විට දින 135ක් ශ්‍රේණිගත කිරීම්වල පෙරමුණේ සිටියි.
දකුණු අප්‍රිකාවේ කගීසෝ රබාඩා පන්දු යවන්නන් අතර පෙරමුණේ සිටින්නේ ප්‍රවීණ එංගලන්ත පන්දු යවන ක්‍රීඩක ජේම්ස් ඇන්ඩර්සන්ට වඩා ලකුණු 6කින් ඉදිරියෙන් සිටිමිනි. ඔහු පළමු ස්ථානයට පත්වූ ළාබාලතමයා වන අතර ඔහු මේ වන විට දින 178ක් පළමු ස්ථානයේ රැඳී සිටියි. 2018 වසරේ තරග 10ක දී ඔහු ලබාගෙන ඇති කඩුලු ගණන 52කි.
කෝලිගේ අඩිපාරේ යන චෙතෙශ්වර් පුජාරා ශ්‍රේණිගත කිරීම්වල සිව්වැනි ස්ථානයේ රැඳී සිටින්නේ මෙල්බර්න් හී තරගයේ පළමු ඉනිමේ ශතකයක් සමඟිනි. රිශ්බාහ් පන්ට් ස්ථාන 10ක් ඉදිරියට පැමිණ 38 වැනි ස්ථානයේ රැඳී සිටියි. සිය මංගල තරගය ක්‍රීඩා කළ මායන්ක් අගර්වාල් ශ්‍රේණිගත කිරීම්වල 67 වැනි ස්ථානයට පැමිණියේ ඉනිම් දෙකේ දී ලකුණු 76ක් හා 42ක් බැගින් රැස් කරමිනි.
ජස්ප්‍රීත් බුම්රාහ් 28 වැනි ස්ථානයේ සිට 12 වැනි ස්ථානයට පැමිණියේ මෙල්බර්න් තරගයේ දී ලකුණු 86කට කඩුලු 9ක් දවා ගනිමිනි. ඔහු ඉන්දියාව වෙනුවෙන් පන්දු යවන්නන් ශ්‍රේණිගත කිරීම්වල පෙරමුණේම රැඳී සිටින වේගපන්දු යවන්නායි.
Video – නව වසරේ පළමු පැතුම ජයග්‍රාහීව අවසන් කරන්නේ කොහොමද? – පිටියේ කතා
ඕස්ට්‍රේලියාව වෙනුවෙන් පැට් කමින්ස් ඉහළ දක්ෂතා දැක්වූයේ පන්දු යවන්නන් ශ්‍රේණිගත කිරීම්වල තුන්වැනි ස්ථානයට පත් වීම නිසයි. ඔහුත් තෙවැනි ටෙස්ට් තරගයේ දී කඩුලු 9ක් දවා ගැනීමට සමත් විය. ස්ථාන 13ක් ඉදිරියට පැමිණෙමින් ඔහු පිතිකරණ ශ්‍රේණිගත කිරීම්වල 91 වැනි ස්ථානයට පත් විය.
නවසීලන්ත කණ්ඩායම ශ්‍රී ලංකාවට එරෙහිව ලකුණු 423ක දැවැන්ත ජයක් වාර්තා කළේ ඔවුන්ගේ පන්දු යවන්නන්ගේ දක්ෂතා නිසාවෙනි. ට්‍රෙන්ට් බෝල්ට් එම තරගයේ දී කඩුලු නවයක් දවා ගත් අතර එම දක්ෂතාව නිසා ස්ථාන හතක් ඉදිරියට පැමිණි ඔහු ශ්‍රේණිගත කිරීම්වල හත්වැනි ස්ථානයට පත් වීමට සමත් විය. ටිම් සවුති නවවැනි ස්ථානයේත්, නීල් වෙග්නර් 15 වැනි ස්ථානයටත් පැමිණීමට සමත් විය.
ක්‍රයිස්ට්චර්ච් හිදී ශතක වාර්තා කළ හෙන්රි නිකොලස් හත්වැනි ස්ථානයටත්, ටොම් ලේතම් 14 වැනි ස්ථානයටත්, ජීට් රැවල් 35 වැනි ස්ථානය දක්වාත් ඉදිරියට පත් වීමට සමත් විය.
දකුණු අප්‍රිකාව වෙනුවෙන් හෂීම් අම්ලා 11 වැනි ස්ථානයට පැමිණීමට සමත් විය. ටෙම්බා බවුමා 31 වැනි ස්ථානයට පත් වෙද්දී තරගයේ වීරයා වූ ඩුආන් ඔලිවියර් 36 වැනි ස්ථානය දක්වා ඉදිරියට ඒමට සමත් විය.
පාකිස්තානයේ බාබර් අසාම් 27 වැනි ස්ථානය දක්වා ඉදිරියට පැමිණෙද්දී, මොහොමඩ් අමීර් 34 වැනි ස්ථානයටත්, ශහීන් අෆ්රිඩි 73 වැනි ස්ථානය දක්වාත් ඉදිරියට යෑමට සමත් විය.
මේ අතරම නවසීලන්තය දකුණු අප්‍රිකාව පසු කරමින් ටෙස්ට් කණ්ඩායම් ශ්‍රේණිගත කිරීම්වල 3 වැනි ස්ථානයට පත්වන්නට සමත් විය.
| ස්ථානය | කණ්ඩායම | ලකුණු |
| 1 | ඉන්දියාව | 116 |
| 2 | එංගලන්තය | 108 |
| 3 | නවසීලන්තය | 107 |
| 4 | දකුණු අප්‍රිකාව | 106 |
| 5 | ඔස්ට්‍රේලියාව | 102 |
| 6 | පකිස්ථානය | 92 |
| 7 | ශ්‍රී ලංකාව | 91 |
| 8 | බටහිර ඉන්දීය කොදෙව් | 70 |
| 9 | බංගලාදේශය | 69 |
| 10 | සිම්බාබ්වේ | 13 |
| 11 | ඇෆ්ගනිස්ථානය | 00 |
| 12 | අයර්ලන්තය | 00 |
ක්‍රිකට් පිටියෙන් පාර්ලිමේන්තුවට කරණම් ගැසූ බංග්ලාදේශ සුපිරි තරුව
2018 දෙසැම්බර් 31 වනදා වන විට ක්‍රීඩක ශ්‍රේණිගත කිරීම්
පිතිකරුවන්
| ස්ථානය | (+/-) | ක්‍රීඩකයා | කණ්ඩායම | ලකුණු | සාමාන්‍ය | ඉහළම ප්‍රසාද ලකුණ |
| 1 | ( – ) | විරාට් කෝලි | ඉන්දියාව | 931 | 54.01 | 937 |
| 2 | ( – ) | කේන් විලියම්සන් | නවසීලන්තය | 897 | 51.44 | 915 |
| 3 | ( – ) | ස්ටීවන් ස්මිත් | ඔස්ට්‍රේලියාව | 883 | 61.37 | 947 |
| 4 | ( – ) | සී. පුජාරා | ඉන්දියාව | 834 | 49.83 | 888 |
| 5 | ( – ) | ජෝ රූට් | එංගලන්තය | 807 | 50.44 | 917 |
| 6 | ( – ) | ඩේවිඩ් වෝනර් | ඔස්ට්‍රේලියාව | 780 | 48.20 | 880 |
| 7 | (+2) | හෙන්රි නොකොල්ස් | නවසීලන්තය | 763*! | 43.54 | 763 |
| 8 | ( – ) | ඩින් එල්ගාර් | දකුණු අප්‍රිකාව | 728 | 40.92 | 784 |
| 9 | (-2) | දිමුත් කරුණාරත්න | ශ්‍රී ලංකාව | 715 | 37.08 | 754 |
| 10 | (-1) | අසාර් අලී | පකිස්ථානය | 697 | 44.45 | 787 |
| 11= | (+3) | හෂීම් අම්ලා | දකුණු අප්‍රිකාව | 689 | 47.35 | 907 |
| (+1) | උස්මාන් කවාජා | ඔස්ට්‍රේලියාව | 689 | 42.29 | 747 | |
| 13 | (+3) | ඇන්ජෙලෝ මැතිව්ස් | ශ්‍රී ලංකාව | 687 | 44.79 | 877 |
| 14 | (+8) | ටොම් ලේතම් | නවසීලන්තය | 676! | 41.59 | 676 |
| 15 | (-2) | දිනේෂ් චන්දිමාල් | ශ්‍රී ලංකාව | 675 | 43.53 | 755 |
| 16 | (+2) | කුසල් මෙන්ඩිස් | ශ්‍රී ලංකාව | 671 | 37.90 | 693 |
| 17 | (-6) | ඒඩන් මාර්කම් | දකුණු අප්‍රිකාව | 654* | 43.83 | 759 |
| 18= | (+2) | ජොනී බෙයාර්ස්ටෝව් | එංගලන්තය | 653 | 37.71 | 772 |
| (-3) | අජින්ක්යා රහනේ | ඉන්දියාව | 653 | 40.82 | 825 | |
| 20 | (-1) | රෝස් ටේලර් | නවසීලන්තය | 646 | 45.93 | 871 |
පන්දු යවන්නන්
| ස්ථානය | (+/-) | ක්‍රීඩකයා | කණ්ඩායම | ප්‍රසාද ලකුණු | සාමන්‍යය | ඉහළම ප්‍රසාද ලකුණ |
| 1 | ( – ) | කගිසෝ රබාඩා | දකුණු අප්‍රිකාව | 880 | 21.56 | 902 |
| 2 | ( – ) | ජේම්ස් ඇන්ඩර්සන් | එංගලන්තය | 874 | 26.98 | 903 |
| 3 | (+5) | පැට් කමින්ස් | ඔස්ට්‍රේලියාව | 836*! | 23.25 | 836 |
| 4 | (-1) | වර්නන් ෆිලෑන්ඩර් | දකුණු අප්‍රිකාව | 817 | 21.54 | 912 |
| 5 | (-1) | එම්. අබ්බාස් | පකිස්ථානය | 813* | 16.62 | 838 |
| 6 | (-1) | රවින්ද්‍ර ජඩේජා | ඉන්දියාව | 796 | 23.55 | 899 |
| 7 | (+7) | ට්‍රෙන්ට් බෝල්ට් | නවසීලන්තය | 771 | 27.90 | 825 |
| 8 | (-2) | ආර්. අශ්වින් | ඉන්දියාව | 770 | 25.43 | 904 |
| 9 | (+2) | ටීම් සවුදි | නවසීලන්තය | 767 | 29.93 | 799 |
| 10 | (+2) | ජේසන් හෝල්ඩර් | බටහිර ඉන්දීය කොදෙව් | 751* | 28.50 | 766 |
| 11 | (-2) | ජෝෂ් හේසල්වුඩ් | ඔස්ට්‍රේලියාව | 748 | 26.83 | 863 |
| 12 | (-2) | යසීර් ෂාහ් | පකිස්ථානය | 745 | 28.33 | 878 |
| 13 | ( – ) | ශැනොන් ගේබ්‍රියෙල් | Win | 742 | 29.73 | 757 |
| 14 | (-7) | නේතන් ලියොන් | ඔස්ට්‍රේලියාව | 727 | 31.95 | 774 |
| 15 | (+1) | නීල් වෙග්නර් | නවසීලන්තය | 721 | 28.88 | 785 |
| 16 | (+12) | ජස්ප්‍රීත් බුම්රාහ් | ඉන්දියාව | 708*! | 21.02 | 708 |
| 17 | ( – ) | මෙහෙදී හසන් | Ban | 696*! | 29.78 | 696 |
| 18 | (-3) | මිචෙල් ස්ටාර්ක් | ඔස්ට්‍රේලියාව | 695 | 28.43 | 805 |
| 19 | (-1) | ස්ටුවර්ට් බ්‍රෝඩ් | එංගලන්තය | 694 | 29.04 | 880 |
| 20 | ( – ) | ෂකිබ් අල් හසන් | Ban | 675 | 31.27 | 705 |
තුන් ඉරියව් ක්‍රීඩකයෝ
| ස්ථානය | (+/-) | ක්‍රීඩකයා | කණ්ඩායම | ප්‍රසාද ලකුණ | ඉහළම ප්‍රසාද ලකුණ |
| 1 | ( – ) | ෂකිබ් අල් හසන් | Ban | 415 | 489 |
| 2 | (+2) | ජේසන් හෝල්ඩර් | Win | 365/* | 381 |
| 3 | (-1) | රවින්ද්‍ර ජඩේජා | ඉන්දියාව | 364 | 438 |
| 4 | (-1) | වර්නන් ෆිලැන්ඩර් | දකුණු අප්‍රිකාව | 362 | 378 |
| 5 | ( – ) | බෙන් ස්ටොක්ස් | එංගලන්තය | 342 | 396 |
