மேற்கிந்திய தீவுகள் கிரிக்கெட் அணியின் முன்னணி வேகப்பந்துவீச்சாளரான கேமர் ரோச் இங்கிலாந்துடன் நடைபெறவிருக்கும் டெஸ்ட் தொடரில் பங்கெடுக்க மாட்டார் எனத் தெரிவிக்கப்பட்டிருக்கின்றது.
இங்கிலாந்துக்கு சுற்றுப்பயணம் மேற்கொள்ளும் மேற்கிந்திய தீவுகள் அணி அங்கே மூன்று போட்டிகள் கொண்ட டெஸ்ட் தொடரில் ஆடுகின்றது. இந்த டெஸ்ட் தொடருக்கான 15 பேர் அடங்கிய மேற்கிந்திய தீவுகள் குழாத்தில் உள்வாங்கப்பட்டிருந்த கேமர் ரோச் கவுண்டி போட்டிகளில் ஆடும் போது ஏற்பட்ட முழங்கால் உபாதை காரணமாகவே தற்போது டெஸ்ட் தொடரில் ஆட மாட்டார் எனத் தெரிவிக்கப்பட்டுள்ளது.
அதேநேரம் கேமர் ரோச் இல்லாத நிலையில் மேற்கிந்திய தீவுகள் அணியானது தமது வீரர்கள் குழாத்தில் அறிமுகவீரர் ஜேரேமியா லூயிஸை இணைத்திருப்பதாக கூறப்பட்டுள்ளது.
இங்கிலாந்து – மேற்கிந்திய தீவுகள் அணிகள் இடையிலான டெஸ்ட் தொடர் ஜூலை மாதம் 10ஆம் திகதி லோர்ட்ஸ் அரங்கில் ஆரம்பமாகுவதோடு, குறிப்பிட்ட டெஸ்ட் தொடருக்கு முன்னதாக மேற்கிந்திய தீவுகள் அணியானது இங்கிலாந்தில் பயிற்சி ஆட்டமொன்றில் பங்கேற்கவிருப்பதும் குறிப்பிடத்தக்கது.
>>மேலும் கிரிக்கெட் செய்திகளைப் படிக்க<<
