ජාතික රග්බි නායකත්වයට මහනුවරින් දෙදෙනෙක්?

ශ්‍රී ලංකා රග්බි  ආයතනය (SLR) විසින්, එළඹෙන ජාත්‍යන්තර රග්බි තරගාවලි සඳහා සහභාගී වන ශ්‍රී ලංකා ජාතික කණ්ඩායම් (සත්සාමාජික සහ පහළොස් සාමාජික) තෝරා ගැනීම වෙනුවෙන් දීර්ඝ ක්‍රීඩකයන් ලැයිස්තුවක් නම් කොට ඇත. ක්‍රීඩකයන් 41ක් දෙනෙකු සත්සාමාජික සංචිතයටත්, 41 දෙනෙකු පහළොස් සාමාජික සංචිතයටත් යොමු කොට තිබේ.

5 වන ස්ථානය සඳහා සටනින් ගුවන් හමුදාවට පහසු ජයක්

මෙවර ඩයලොග් ලීග් රග්බි තරගාවලියේ අවසන් දිනයේ දී ප්‍රසාද ලකුණු සටහනේ 5 වන සහ 6 වන ස්ථාන වල පසු වූ ගුවන් හමුදාව සහ යුධ හමුදාව තරග වැදුනේ 5 වන ස්ථානයේ අයිතිය තහවුරු කර ගැනීම සඳහායි.

ශ්‍රී ලංකා සත්සාමාජික රග්බි කණ්ඩායම, මාර්තු 17 සහ 18 යන දිනයන් වල දී ඉන්දුනීසියාවේ බෝනියෝ හිදීත්, අප්‍රේල් 7 සිට 9 වැනිදා දක්වා සත්සාමාජික ලෝක කුසලාන තරගාවලියට සුදුසුකම් ලැබීමේ තරග සඳහා හොංකොංහිදීත් තරග වදිනු ඇත.

පහළොස් දෙනාගෙන් යුත් ජාතික කණ්ඩායම (Tuskers), පළමු කාණ්ඩයේ ආසියානු රග්බි ශූරතාවලිය සඳහා මැලේසියාවේ දී තරග වදින්නට නියමිතව ඇත්තේ මැයි 14 වැනිදා සිට 20 වැනිදා දක්වාය.

පසුගිය දා අවසන් වූ ඩයලොග් රග්බි ලීග් තරගාවලියේ වැඩිම උත්සාහක දිනුම් වාර්තා කළ ක්‍රීඩකයා මෙන්ම මහනුවර ක්‍රීඩා සමාජයේ සෙන්ටර් ක්‍රීඩකයා ද වන ධනුෂ්ක රංජන්, තවදුරටත් ශ්‍රී ලංකා සත්සාමාජික රග්බි කණ්ඩායමේ නායකත්වය තමා වෙතම තබා ගැනීමේ වැඩි ඉඩකඩක් පවතින අතර පෙර වසරේ ආසියානු රග්බි තරගාවලියේ දෙවන ස්ථානය ශ්‍රී ලංකාවට හිමිකර දුන් කණ්ඩායමේ ද නායකත්වය දැරුවේ ඔහු ය.

පසුගිය වසරේ පහළොස් දෙනාගෙන් යුත් ශ්‍රී ලංකා රග්බි කණ්ඩායමේ නායකත්වය සුදර්ශන මුතුතන්ත්‍රීට හිමිව තිබූ අතර මේ වසරේ කණ්ඩායම් නායකත්වය ලීග් ශූර මහනුවර කණ්ඩායමේ නායකත්වය දැරූ රොෂාන් වීරරත්න හට ලැබීමේ ඉඩක් ඇතැයි ද වාර්තා වේ. කෙසේ නමුත් ශ්‍රී ලංකා රග්බි තේරීම් කමිටුව විසින් ඉදිරි සති කිහිපය ඇතුළත දී එය ප්‍රකාශයට පත් කරනු ඇත.

ක්‍රීඩකයින් 82කින් යුත් සංචිතය

පහළොස් දෙනාගෙන් යුත් කණ්ඩායම වෙනුවෙන්

තවත් රග්බි පුවත් සඳහා පිවිසෙන්න – රග්බි ක්‍රීඩා පිටුවට