ආසියානු පදක්කම් ලාභී කාලිංග කුමාරගේ එළඹෙන සති අන්තයේ දී ජපානයේ Nigata හිදි පැවැත්වීමට නියමිත World Athletics Continental Tour Bronze Label තරගාවලියට සහභාගී වීමට නියමිත බව වාර්තා වනවා.
මීට පෙර මෙම ඉසව්වට සහභාගී වීමට නියමිත ව සිටි ඔලිම්පික් සුදුසුකම් ලැබූ අරුණ දර්ශන අසනීප තත්වයක් හේතුවෙන් සිය සහභාගීත්වය ඉවත් කර ගත්තා. ඒ අනුවයි කාලිංග හට මෙම අවස්ථාව හිමි වී තිබෙන්නේ.
- Nadalට පරාජයක්, රුමේනියාවට ඉතිහාසගත ජයග්‍රහණයක්!
- පිහිනන්න නොදැන ඔලිම්පික් ගිය පිහිනුම් ශූරයා
- ගංගා සිය තරග වටයේ පළමු ස්ථානයට!
- ඉන්දියාව පළමු පදක්කම දිනයි, බ්‍රසීලයට නොසිතූ පරාජයක්!
- විරේන්ට පළමු තරගයෙන් පරාජයක්
මීට අමතරව මෙම වසරේ දී පිරිමි හෙල්ල විසි කිරීමේ ඉසව්වෙන් මීටර් 85.45ක දක්ෂතාවක් ප්‍රදර්ශනය කළ රුමේශ් තරංග ද මෙම තරගාවලියට සහභාගී වීමට නියමිත ව සිටියත් ඔහුට තරග සංවිධායකයින්ගෙන් ඒ සඳහා අවසර ලැබීම ප්‍රමාද වීම නිසා ඔහු ද තම සහභාගීත්වය ඉවත් කර ගැනීමට තීරණය කර තිබෙනවා.
මෙම වසර තුල ලොව හොඳම හෙල්ල විසි කිරීමේ දක්ෂතා අතර 13 වැනි ස්ථානයේ රුමේශ්ගේ දක්ෂතාව රැඳීමත් විශේෂත්වයක්. ඔහු මෙම තරගාවලියට සහභාගී නොවෙමින් ඉදිරි තරගවාරය වෙනුවෙන් සූදානම් වීමට අරමුණු කර ගෙන තිබෙනවා.
මෙම තරගාවලිය පිළිබඳව සවිස්තරාත්මක තතු විත්ති ඔබ වෙත රැගෙන ඒමට ThePapare සූදානම්, රැඳී සිටින්න ශ්‍රී ලංකාවේ අංක එකේ ක්‍රීඩා නාලිකාව ThePapare සමඟින්.
>>තවත් ක්‍රීඩා පුවත් සඳහා පිවිසෙන්න<<
