මෙම වසරේ සිට ක්‍රියාත්මක වන පරිදි ජාතික ක්‍රීඩා දිනය ලෙස ජූලි මස 31 වැනිදා නම් කිරීමට තීරණය කළ බව ක්‍රීඩා හා තරුණ කටයුතු අමාත්‍ය ගරු නාමල් රාජපක්ෂ මහතා ප්‍රකාශ කර සිටියා.
මේ පිළිබඳව දැනුම් දෙමින් Twitter සටහනක් නිකුත් කරමින් ක්‍රීඩා අමාත්‍යවරයා ප්‍රකාශ කර සිටියේ ජාතික ක්‍රීඩා දිනය ලෙස නම් කළ එම දිනය ඩන්කන් වයිට් විසින් මෙරටට පළමු ඔලිම්පික් පදක්කම දිනා දීමට සමත් වූ දිනය සංකේතවත් කිරීමට යෝජනා කළ බවයි.
July 31st from now on be recognized as National Sports Day! I proposed the date as it signifies the day Duncan White won #LKA first medal at the Olympics! The date is not only for athletes but for everyone to get outside & truly celebrate the true spirit of #sport! #ජයගමු 🇱🇰
— Namal Rajapaksa (@RajapaksaNamal) March 24, 2021
“අද සිට ජූලි 31 වැනි දිනය ජාතික ක්‍රීඩා දිනය ලෙස පිළිගැනේ. ඩන්කන් වයිට් විසින් මෙරට මුල්ම ඔලිම්පික් පදක්කම දිනා ගත් දිනය සංකේතවත් කිරීමට එම දිනය යෝජනා කළා. එම දිනය ක්‍රීඩකයන්ට පමණක් නෙවෙයි, සෑමකෙනෙකුටම පිටතට ගොස් ක්‍රීඩාවේ සැබෑ හැඟීම සැමරීමේ දිනයක්” යැයි එහි සඳහන්ව තිබුණා.
1948 වසරේ ජූලි 31 වැනිදා ඔලිම්පික් උළෙලේ මීටර් 400 කඩුලු පැනීම ඉසව්ව නියෝජනය කළ ඩන්කන් වයිට් එම තරගය තත්පර 51.1ක කාලයකින් දෙවැන්නා ලෙස අවසන් කරමින් මුල්ම ඔලිම්පික් පදක්කම මෙරටට දිනා දීමට සමත් වුනා.
>> තවත් ක්‍රීඩා පුවත් සඳහා පිවිසෙන්න <<
