නාලන්ද විද්‍යාලයීය ආදි ක්‍රිකට් සංගමය විසින් සංවිධානය කරනු ලබන 2023 ආරාධිත පාසල් T10 විස්සයි විස්ස ක්‍රිකට් තරගාවලිය අප්‍රේල් 10 සහ 11 දෙදින පුරාවට ක්‍රීඩාංගණ 4ක දී පැවැත්වීමට නියමිතයි.
එය ශ්‍රී ලංකාව තුල පාසල් කණ්ඩායම් රැසක් එක්කර ගනිමින් පැවැත්වෙන පළමු T10 ක්‍රිකට් තරගාවලියයි.
Photos – Inaugural Inter schools U -19 Invitational T-10 Cricket Tournament-2023 Press Conference
ශ්‍රී ලංකා පාසල් ක්‍රිකට් සංගමය විසින් සංවිධානය කරනු ලැබූ වයස අවුරුදු 19න් පහළ පළමු පෙළ එක්දින පාසල් ක්‍රිකට් තරගාවලියේ Tier A කොටසේ පළමු ස්ථාන දිනා ගත් පාසල් 16 සහ Tier B කොටසේ පළමු ස්ථාන 16 දිනා ගත් පාසල් 16 මේ තරගාවලිය සඳහා සහභාගී වීමට නියමිතයි.
- තියුණු සටනකට පසුව ශ්‍රී ලංකාවට අවාසනාවන්ත අවසානයක්
- කාන්තා T20 ලෝක කුසලාන නිලධාරි මඩුල්ලට ශ්‍රී ලංකාවෙන් කාන්තාවන් දෙදෙනෙක්
- ඉතිහාසය අලුත් කරවන ශ්‍රී ලාංකික තරග තීරකවරිය
- WPL වැඩිම වටිනාකම Adani Sportsline ආයතනයෙන්
අප්‍රේල් 10 සහ 11 පැවැත්වීමට නියමිත මෙම තරගාවලියේ තරග CCC, NCC, MCA සහ ඩී. එස්. සේනානායක විදුහල් පිටියේ දී පැවැත්වීමට නියමිතයි. මූලික වටයේ දී තරග 16ක් පැවැත්වෙන අතර එය අවසානයේ දී කණ්ඩායම් 16ක් පිළිමළුන් පිටුදැකීමේ වටයට සුදුසුකම් ලබා ගන්නවා.
මේ සඳහා ජාතික මට්ටමේ විනිසුරුවරුන් සහ නිවේදකයන් ද සහභාගි කරගැනීමට නියමිත බව මාධ්‍ය දැනුවත් කිරීමේ හමුවේ දී අනාවරණය කර අතර මෙම තරගාවලියේ තරග සැකැස්ම සඳහා වන කුසපත් ඇදීම ඉදිරියේ දී සිදු කිරීමට නියමිතයි.
තරගාවලිය පිළිබඳව මාධ්‍ය දැනුවත් කිරීමේ හමුවට ශ්‍රී ලංකා පාසල් ක්‍රිකට් සංගමයේ වත්මන් සභාපති වන නාලන්දා විද්‍යාලයේ විදුහල්පති තිලක් වත්තුහේවා මහතා ඇතුළු පිරිසක් එක්ව සිටියා.
>> තවත් ක්‍රිකට් පුවත් සඳහා පිවිසෙන්න <<
