இறுதியாக இடம்பெற்ற உலகக் கிண்ணத்தை வெல்லும் கோலை புகுத்திய ஜெர்மனி அணியின் மரியோ கொட்சே, ஜுன் மாதம் ரஷ்யாவில் ஆரம்பமாகும் அடுத்த உலகக் கிண்ண கால்பந்து போட்டிக்கான ஜெர்மனி குழாமில் இருந்து நீக்கப்பட்டுள்ளார்.
2014ஆம் ஆண்டு உலகக் கிண்ண கால்பந்து போட்டியின் ஆர்ஜன்டீனாவுக்கு எதிரான இறுதிப் போட்டியில் கொட்சே மேலதிக நேரத்தில் புகுத்திய கோல் மூலமே ஜெர்மனி நான்காவது முறை உலகக் கிண்ணத்தை வென்றது.
உலகக் கிண்ணத்திற்கான ரொனால்டோவின் போர்த்துக்கல் குழாம் அறிவிப்பு
உலகக் கிண்ண கால்பந்து தொடருக்கு அறிவிக்கப்பட்டிருக்கும் கிறிஸ்டியானோ ரொனால்டோ
கடந்த செப்டெம்பர் மாதம் தனது பாதத்தில் ஏற்பட்ட காயத்தால் எட்டு மாதங்களாக போட்டியில் பங்கேற்காமல் இருக்கும் பயெர்ன் முனிச் கோல் காப்பாளர் மனுவேல் நியுர், ஜேர்மனி குழாத்தில் இடம்பெற்றுள்ளார்.
ஜெர்மனி அணித்தலைவரும் கோல் காப்பாளருமான நியுர் அடுத்த வாரம் ஆரம்பமாகவிருக்கும் பயிற்சி முகாமில் தனது உடற் தகுதியை நிரூபிப்பது கட்டாயமாகும்.
நடப்புச் சம்பியனான ஜெர்மனி தனது சம்பியன் பட்டத்தை தக்கவைக்கும் முயற்சியை வரும் ஜுன் 17 ஆம் திகதி மெக்சிகோ அணிக்கு எதிரான போட்டியுடன் ஆரம்பிக்கவுள்ளது. F குழுவில் இடம்பிடித்திருக்கும் அந்த அணி தென் கொரியா மற்றும் சுவீடனுடனும் முதல் சுற்றில் மோத வேண்டி உள்ளது.
ஜெர்மனி குழாம்
கோல் காப்பாளர்கள்
பெர்ன்ட் லெனோ (பயெர் லெவர்குசன்), மனுவேல் நுவெர் (பயெர்ன் முனிச்), மார்க் அன்ட்ரே டெர் ஸ்டெகன் (பார்சிலோனா), கெவின் டிரப் (PSG).
பின்கள வீரர்கள்
ஜெரோம் போடெங் (பயெர்ன் முனிச்), மத்தியஸ் கின்டர் (பொருசியா மொன்சன்லட்பஜ்), ஜோனஸ் ஹெக்டர் (கொலேன்), மட்ஸ் ஹம்மல்ஸ் (பயெர்ன் முனிச்), ஜோஷுவா கிம்மிச் (பயேர்ன் முனிச்), மர்வின் ப்ளட்டன்ஹார்ட் (ஹெர்தா பெர்லின்), அன்டோனியோ ருடிகர் (செல்சி), நிக்லஸ் சுலே (பயெர்ன் முனிச்), ஜொனதன் டாஹ் (பயெர்ன் லெவர்குசேன்).
காயத்திலிருந்து மீண்டு வரும் நெய்மார் பிரேசில் உலகக் கிண்ண குழாமில்
காயத்தில் இருந்து மீண்டு வரும் பாரிஸ் செயின்ட் ஜெர்மைன் கழக
மத்திய கள வீரர்கள்
ஜுலியன் பிரன்த் (பயெர் லெவர்குசன்), ஜுலியன் ட்ரெக்லர் (PSG), லியொன் கொரெட்ஸ்கா (ஷெல்கே), இல்கை குன்டொகன் (மன்செஸ்டர் சிட்டி), சமி கதிரா (ஜுவென்டஸ்), டோனி க்ரூஸ் (ரியெல் மெட்ரிட்), மெசட் ஒசில் (ஆர்சனல்), செபஸ்டியன் ருடி (பயெர்ன் முனிச்), லெரோய் சனே (மன்செஸ்டர் சிட்டி).
முன்கள வீரர்கள்
மரியோ கோமஸ் (ஸ்டுட்கார்ட்), தோமஸ் முல்லர் (பயெர்ன் முனிச்), நில்ஸ் பீட்டர்ஸன் (எஸ்.சி. பிரைபேர்க்), மார்கோ ரியூஸ் (பொருசியா மொன்சன்லட்பஜ்), டிமோ வோர்னர் (ஆர்.பி. லிப்சிக்)
மேலும் பல கால்பந்து செய்திகளைப் படிக்க
