சுற்றுலா இந்தியா மற்றும் இலங்கை கிரிக்கெட் அணிகள் இடையே நடைபெறும் இருதரப்பு தொடர்களின் போட்டி அட்டவணைகள் வெளியிடப்பட்டுள்ளது.
>>அதிரடி ஆட்டத்துடன் பயிற்சிப் போட்டியில் வெற்றியீட்டிய இலங்கை U19 அணி
இலங்கைக்கு ஜூலை மாத இறுதியில் சுற்றுப்பயணம் மேற்கொள்ளும் இந்திய கிரிக்கெட் அணி இங்கே மூன்று போட்டிகள் கொண்ட ஒருநாள் மற்றும் T20 தொடர்களில் ஆடவிருக்கின்றது.
இதில் T20 தொடர் முதலாவதாக இடம்பெறவிருப்பதோடு, அது ஜூலை மாதம் 27ஆம் திகதி தொடக்கம் 30ஆம் திகதி வரை நடைபெறுகின்றது.
மறுமுனையில் T20 தொடரினை அடுத்து ஒருநாள் தொடர் ஒகஸ்ட் 02ஆம் திகதி தொடக்கம் 07ஆம் திகதி வரை நடைபெறுகின்றது. ஒருநாள் தொடரின் போட்டிகள் அனைத்தும் பகலிரவு ஆட்டங்களாக நடைபெறுகின்றன.
இதேவேளை இலங்கை – இந்திய அணிகள் இடையிலான கிரிக்கெட் தொடரின் போட்டிகள் நடைபெறும் மைதானங்கள் விரைவில் அறிவிக்கப்படும் எனத் தெரிவிக்கப்பட்டுள்ளது.
T20I தொடர்
முதல் போட்டி – ஜூலை 27 – மாலை 7 மணி
இரண்டாவது போட்டி – ஜூலை 28 – மாலை 7 மணி
மூன்றாவது போட்டி – ஜூலை 30 –மாலை 7 மணி
ஒருநாள் தொடர்
முதல் போட்டி – ஒகஸ்ட் 2 – பிற்பகல் 2.30 மணி
இரண்டாவது போட்டி – ஒகஸ்ட் 4 – பிற்பகல் 2.30 மணி
மூன்றாவது போட்டி – ஒகஸ்ட் 7 – பிற்பகல் 2.30 மணி
