ICCය විසින් ගෙවුණු අගෝස්තු මාසය සඳහා තෝරාගන්නා මාසයේ ක්‍රීඩකයා සහ ක්‍රීඩිකාව සම්මාන ශ්‍රී ලංකාවේ දුනිත් වෙල්ලාලගේ සහ හර්ෂිතා සමරවික්‍රම දෙදෙනා හට හිමි වී තිබෙනවා.
දුනිත් වෙල්ලාලගේ
ඉන්දියාව සමඟ පැවැත්වුණු එක්දින ක්‍රිකට් තරගාවලියේ දී ශ්‍රී ලංකාව තරගාවලි ජයක් කරා රැගෙන යාමට සමත් වූ දුනිත් විසින් තරග තුනක් තුළ ලකුණු 108ක් සහ කඩුලු 7ක් බිඳ හෙළීමට සමත් වුනා.
තරගාවලියේ පළමු තරගයේ දී ඔහු නොදැවුණු ලකුණු 67ක් ද සමඟ කඩුලු 2ක් දවා ගැනීමට සමත් වූ අතර, දෙවැනි තරගයේ දී ලකුණු 39ක් ලබා ගැනීමට සමත් වුනා.
තෙවැනි තරගයේ දී ඔහුට පිත්තෙන් එතරම් සාර්ථක වීමට නොහැකි වූ නමුත්, තම එක්දින දිවියේ හොඳම පන්දු යැවීම සිදු කළ දුනිත් එහි දී ලකුණු 27ක් පමණක් ලබා දෙමින් කඩුලු 5ක් බිඳ හෙළීමට සමත් වුනා.
දුනිත්ට අමතරව මෙම සම්මානය සඳහා දකුණු අප්‍රිකාවේ Keshav Maharaj සහ බටහිර ඉන්දීය කොදෙව් දේශයේ Jayden Sealesගේ නම් ද යෝජනා වී තිබුණා.
මෙය මෙම වසරේ දී ශ්‍රී ලාංකික ක්‍රීඩකයකු මාසයේ ක්‍රීඩකයා සම්මානය ජයග්‍රහණය කළ දෙවැනි අවස්ථාව ලෙස සටහන් වුනා. මීට පෙර මාර්තු මාසයේ දී කමිඳු මෙන්ඩිස් විසින් මෙම සම්මානය දිනා ගැනීමට සමත් වුනා.
- Major Club කාන්තා එක්දින තරගාවලියටත් දින තබයි
- Youth පිටිය වැනසූ කෙල්ලෝ
- ශ්‍රී ලංකා – එංගලන්ත ටෙස්ට් තරග ඉතිහාසය
- England Lions පහසු ජයක් කරා
- එංගලන්ත නායකයාට ශ්‍රී ලංකා තරගාවලිය අහිමි වෙයි
හර්ෂිතා සමරවික්‍රම
නිමා වූ කාන්තා ආසියානු කුසලානය ශ්‍රී ලංකාවට දිනා දීමේ පුරෝගාමී මෙහෙවරක් සිදු කළ හර්ෂිතා, ඉන් පසුව ගෙවුණු මාසයේ දී අයර්ලන්ත කාන්තා කණ්ඩායමට එරෙහිව ද පිත්තෙන් විශිෂ්ට දස්කම් දැක්වීමට සමත් වුනා.
අයර්ලන්තය සමඟ පැවැත්වුණු විස්සයි විස්ස තරගාවලියේ දී නොදැවුණු ලකුණු 86ක් සහ 65ක් ලබා ගැනීමට සමත් වූ හර්ෂිතා, එතැනින් ද නොනැවතී එක්දින තරගාවලියේ දී පිළිවලින් ලකුණු 19ක්, 105ක් සහ නොදැවුණු ලකුණු 48ක් ලබා ගැනීමට සමත් වුනා.
හර්ෂිතාට අමතරව මෙම සම්මානය සඳහා අයර්ලන්තයේ Olga Prendergast සහ Gaby Lewis යන දෙදෙනා ද සුදුසුකම් ලබා තිබුණා.
මෙම වසරේ දී ශ්‍රී ලාංකික ක්‍රීඩිකාවක් විසින් මෙම සම්මානය ජයග්‍රහණය කළ තෙවැනි අවස්ථාව මෙය වීමත් විශේෂත්වයක්. මීට පෙර ශ්‍රී ලංකා නායිකා චමරි අතපත්තු ගෙවුණු මැයි සහ ජුලි මාසවල දී මෙම සම්මානය දිනා ගැනීමට සමත් වුනා.
දෙස් විදෙස් ක්‍රිකට් පිටියේ සියලු උණුසුම් තතු විත්ති ඔබ වෙත සමීප කිරීමට ThePapare සූදානම්, රැඳී සිටින්න ශ්‍රී ලංකාවේ අංක එකේ ක්‍රීඩා නාලිකාව ThePapare සමඟින්.
>> තවත් ක්‍රිකට් පුවත් සඳහා පිවිසෙන්න <<
