කොරෝනා වයිරසය ක්‍රිකට් ක්‍රීඩාවට කළ බලපෑම කෙතෙක් දැයි කිව නොහැක. ලොව පුරා සියලු තරග අවලංගු කර ඇති පසුබිමක, සියලු ක්‍රිකට් ආයතන හා බලධාරීන් තම පාඩුව මකාගැනීමට ක්‍රම සොයන පසුබිමක ජාත්‍යන්තර ක්‍රිකට් කවුන්සලය ක්‍රිකට් ක්‍රීඩාවේ ශ්‍රේෂ්ඨතම තහනම ඉවත් කිරීමට ඇති හැකියාව පිළිබඳව අවධානය යොමු කර ඇත.
බලධාරීන් සලකන්නේ දිගු කාලීන තරගවල දී විනිසුරුවන්ගේ අධීක්ෂණය යටතේ පන්දුව ඔප දැමීමට කෘත්‍රිම ද්‍රව්‍ය භාවිතා කිරීමට ඉඩ දීමේ හැකියාව පිළිබඳව තමන් සලකා බලන බවයි. නැතහොත් පන්දුව ඔපදැමීම සඳහා තම ඛේටය උපයෝගී කරගැනීමට සිදුවීම මෙයට හේතුවයි.
T20 ලෝක කුසලානය ගැන හෑන්ඩ්ස්කොම්බ්ට සුබවාදී බලාපොරොත්තුවක්
කොරෝනා වයිරසය ජාත්‍යන්තර ක්‍රීඩාවට කළ බලපෑම සුළුපටු නැත. ලොව පුරා සියලු ක්‍රීඩා තරග හා තරගාවලි අවලංගු කර ඇති පසුබිමක මෙම වසරේ…
පන්දුව ඔප දැමීම සඳහා එලෙස ඛේටය භාවිතා කිරීම නිසා ඇති වන ගැටලුව කොරෝනා වයිරසයෙන් පසුව ක්‍රිකට් ක්‍රීඩාව නැවත ආරම්භ වීමට පෙර විසඳිය යුතු බව ජාත්‍යන්තර ක්‍රිකට් කවුන්සලයේ වෛද්‍ය කමිටුව විසින් පවසා ඇත. ක්‍රිකට් ක්‍රීඩාවේ දී පන්දුව වඩාත් සාර්ථකව reverse swing කිරීම සඳහා මෙලෙස පන්දුව ඔපදැමීම අවශ්‍ය වේ. ඒ සඳහා වඩාත් සුදුසු වෙනත් ක්‍රමයක් යොදාගැනීමට ජාත්‍යන්තර ක්‍රිකට් කවුන්සලය අවධානය යොමු කළ යුතු බව වෛද්‍ය කමිටුවේ නිර්දේශයයි.
ඉනිමක මුල් පන්දුවාර වලින් ඔබ්බට පන්දුවට පහර දීම සහ පන්දු යැවීම අතර තරගයේ සාධාරණ සමතුලිතතාවයක් ඇති කර ගැනීම සඳහා පන්දුව ඔප දැමීමේ අවශ්‍යතාවය ක්‍රීඩකයන් හොඳින් වටහාගෙන සිටිති.
එහි ප්‍රතිඵලයක් ලෙස විනිසුරුවන්ගේ අධීක්ෂණය යටතේ පන්දුව ඔප දැමීම සඳහා එකඟ වූ කෘතිම ද්‍රව්‍යයක් භාවිතා කිරීමට ඉඩ දීමේ විකල්පයට ජාත්‍යන්තර ක්‍රිකට් කවුන්සලය විවෘතව සිටිති. මේ ආකාරයෙන් ඔවුන්ගේ අධීක්ෂණය යටතේ ක්‍රීඩකයින් විසින් පන්දුව ඔපදැමීමට ඉඩ ලබා දේ. මෙය සෞඛ්‍යය හා ආරක්ෂාව සඳහා යොදා ගන්නා ආරක්ෂක උපක්‍රමයක් ලෙස සලකනු ලැබේ.
එවැනි පියවරක් ගන්නේ නම් ඒ සඳහා භාවිතා කරන ද්‍රව්‍ය තෝරාගැනීම සඳහා නම්‍යශීලී බවක් අවශ්‍ය වේ. දැනට ජාත්‍යන්තර ක්‍රීඩාව තුල භාවිතා වන Kookaburra, Dukes හා SG පන්දු සියල්ලම ලෙදර් මොයිස්චරයිසර්, ඉටි හෝ සපත්තු ඔප දැමීමට භාවිතා කරන පොලිෂ් සඳහා යහපත් ප්‍රතිචාරයක් ලබා දෙනු ඇත. නමුත් ක්‍රීඩාවේ සෑම තරාතිරමකම තරග සඳහා හා සෑම මට්ටමකම ක්‍රීඩකයන්ට මෙලෙස පන්දුව ඔපදැමීමට කෘතීම ද්‍රව්‍ය යොදාගැනීමට හැකි වන සේ නීති සම්පාදනය කළ යුතු වේ.
පන්දුව ඔප දැමීම සම්බන්ධයෙන් ජාත්‍යන්තර ක්‍රිකට් කවුන්සලයේ දැනට පවතින නීති.
41.3 තරග පන්දුව – එහි තත්වය වෙනස් කිරීම
41.3.1 විනිසුරුවන් විසින් පන්දුව නිරන්තරයෙන් හා අක්‍රමවත් ලෙස පරීක්ෂා කළ යුතුය. මීට අමතරව, 41.3.2 හි අවසර දී ඇති පරිදි හැර යමෙකු පන්දුවෙහි තත්වය වෙනස් කිරීමට උත්සාහ කරයි යැයි සැක කරන්නේ නම් ඔවුන් වහාම පන්දුව පරීක්ෂා කළ යුතුය.
41.3.2 පන්දුවෙහි තත්වය වෙනස් කිරීමට ඕනෑම ක්‍රීඩකයෙකු සිදු කරන ඕනෑම ක්‍රියාවක් වරදකි. ඔහුගේ/ ඇයගේ සාමාන්‍ය රාජකාරි ඉටු කිරීම හැර, පිතිකරුවෙකුට හිතාමතාම පන්දුවට හානි කිරීමට ඉඩ නොදේ. නීතිය 5.5 (පන්දුවට හානි වීම).
කෙසේ වෙතත්, පන්දු රකින්නෙකුට එය කළ හැකිය.
41.3.2.1 පන්දුව ඔහුගේ / ඇයගේ ඇඳුම් මත ඔප දැමීමට අවසර හිමි වේ. ඒ සඳහා කෘත්‍රිම ද්‍රව්‍යයක් භාවිතා නොකළ යුතුය. එවැනි ඔප දැමීමක් සඳහා කාලය නාස්ති නොකළ යුතුය.
41.3.2.2 විනිසුරුවරයෙකුගේ අධීක්ෂණය යටතේ පන්දුවෙන් මඩ ඉවත් කළ හැක.
41.3.2.3 විනිසුරුවන් විසින් අනුමත කරන ලද රෙදි කැබැල්ලක් භාවිතයෙන් තෙත් බෝලයක් වියළා ගත හැක.
41.3.3 කිසියම් ක්‍රීඩකයෙකුගේ කිසියම් ක්‍රියාවක් 41.3.2 හි කොන්දේසිවලට අනුකූල නොවන්නේ නම් පන්දුවෙහි තත්වය අසාධාරණ ලෙස වෙනස් කර ඇත්දැයි විනිසුරුවන් විසින් සලකා බැලිය යුතුය.
තහනම ඉවත් කරන්න මලික්ගෙන් ආයාචනයක්
පාකිස්තානයේ හිටපු ක්‍රිකට් නායක සලීම් මලික් තමන්ට ජීවිතාන්තය දක්වා පනවා ඇති ක්‍රිකට් තහනම ඉවත් කර පුහුණුකරුවෙකු වීමට අවස්ථාව ලබා දෙන…
ක්‍රිකට් ක්‍රීඩාවට නැවත පැමිණීමට පෙර මේ පිළිබඳව සාකච්ඡා කිරීමට ඉඩ ඇති ප්‍රධාන කණ්ඩායම් දෙක වන්නේ ජාත්‍යන්තර ක්‍රිකට් කවුන්සලයේ ක්‍රිකට් කමිටුව හා MCC ලෝක ක්‍රිකට් කමිටුවයි. ජාත්‍යන්තර ක්‍රිකට් කවුන්සලය මැයි අග හෝ ජුනි මස මුල දී වීඩියෝ සම්මන්ත්‍රණ හරහා රැස්වීමට නියමිතව ඇත. MCC ලෝක කමිටුවේ නවතම රැස්වීම ශ්‍රී ලංකාවේ දී පැවැත්වීමට නියමිතව තිබුණි. එහෙත් එය අවලංගු කිරීමට සිදුව ඇත.
මෑත සතිවල දී පන්දුව ඔප දැමීමට ඛේටය භාවිතා කිරීමේ ගැටලුව ගැන විමසූ විට, ඕස්ට්‍රේලියානු වේගපන්දු යවන්නන් වන පැට් කමින්ස් සහ ජොෂ් හැස්ල්වුඩ් දැඩි ලෙස විශ්වාස කළේ පන්දුව ඔප දැමීමේ ක්‍රමයක් නොමැති නම් පන්දු යවන්නන්ට එය විශාල බලපෑමක් ඇති කරන බවයි. විශේෂයෙන් ටෙස්ට් තරගවල දී පන්දු පැත්තකට ගමන් කිරීම වැඩි විය හැකි බවත් ඔවුන් පවසා තිබුණි.
“මම හිතන්නේ සුදු පන්දුවට එතරම් බලපෑමක් වෙන්නේ නැති වේවි. නමුත් ටෙස්ට් ක්‍රිකට් ඉතා දුෂ්කර වේවි.” හේසල්වුඩ් පැවසීය.
“පන්දු යවන්නන්ට වාතයේ ඕනෑම ආකාරයක චලනයක් මත රඳා පවතින්න වෙනවා.”
“ඔබ පන්දුවාර 80ක දී ම පන්දුව නඩත්තු කළේ නැත්නම් එම ආරම්භක ඔපය නැති වූ පසු පන්දුවට පහර දීම පහසුයි. ඔබ ඛේටය හෝ දහඩිය භාවිතා කළත් එක් පුද්ගලයෙකුට එය කළ හැකියි. මට ඒ ගැන විශ්වාසයක් නෑ. එය අපි නැවත ක්‍රිකට් ක්‍රීඩාව ආරම්භ කළාම කතා කළ යුතු දෙයක්. මම හිතනවා අපිට විසඳුමක් ඉදිරිපත් කරන්න පුළුවන් වේවි කියලා.”
හිටපු ටෙස්ට් වේගපන්දු යවන්නෙකු සහ වත්මන් පුහුණුකරුවෙකු වන ජේසන් ගිලෙස්පී ද මේ සම්බන්ධයෙන් ක්‍රීඩාව සඳහා පුළුල් ප්‍රශ්නයක් ඇති කළේය. සාම්ප්‍රදායික වුවත්, ඛේටය භාවිතය ක්‍රිකට් ක්‍රීඩාවේ වඩාත් සනීපාරක්ෂක අංගවලින් එකක් නොවේ. “මම හිතන්නේ නැහැ කිසිම දෙයක් විකල්පයක් නොවේවි කියලා.” ඔහු ABC Grandstand වෙත පැවසීය.
“සෑම ඕවරයක් අවසානයේම විනිසුරුවන් ක්‍රීඩකයන්ට පන්දුව ඔප දමන්න ඉඩ දෙන නමුත් ඔබට එය කළ හැක්කේ එවිට පමණයි. මට එයට පිළිතුරක් නෑ. නමුත් එය නිසැකවම වේවි.”
පන්දුව පළුදු කිරීම ප්‍රබල අපකීර්තියක් ලෙස සැලකුවද, පන්දුව ඔප දැමීමට හෝ ග්‍රහණය කර ගැනීමට කෘත්‍රිම ද්‍රව්‍ය භාවිතා කිරීමේ සැඟවුණු ඉතිහාසයක් ඇත. මීට අමතරව මින්ට් හෝ ලෝලීස් වලින් ලබා ගත් සීනි, ඛේටය සමඟ සංයෝජනය කර භාවිතා කිරීම ද පසුගිය කාලය තුල දක්නට ලැබුණි. විසිවැනි ශතවර්ෂයේ මුල් භාගයේ දී, පන්දුව ග්‍රහණය කිරීමට හා ඔප දැමීම සඳහා පන්දු යවන්නන් විසින් දුම්මල බහුලව භාවිතා කරන ලදි.
දඟපන්දු යවන ක්‍රීඩක ආතර් මේලි සිය ස්වයං චරිතාපදානයේ “එය නීතියට පටහැනි වුවත්, මම සෑම විටම මගේ සාක්කුවේ කුඩු දුම්මල රැගෙන ගිය බව පිළිගත යුතුය” ලෙස සඳහන් කර තිබේ. 1931 වන තෙක් ඕස්ට්‍රේලියාවේ ක්‍රිකට් ක්‍රීඩාවෙන් එය තහනම් කර නොතිබූ අතර, තුන් ඉරියව් ක්‍රීඩක මොන්ටි නොබෙල් වරක් ඉංග්‍රීසි විරෝධතා ප්‍රකාශ කරමින් “ඔවුන් එය භාවිතා නොකරන්නේ නම් ඔවුන් ඉතා මෝඩයෝ ය” යැයි පවසා තිබුණි.
“ඉන්දියාවට 2020 T20 ලෝක කුසලානය පවත්වන්න පුළුවන්”
දකුණු ආසියානු උප මහාද්වීපයේ කොරෝනා වයිරස් අර්බුදය ලිහිල් වුවහොත් ඕස්ට්‍රේලියාවේ පැවැත්වීමට නියමිත විස්සයි විස්ස ලෝක කුසලාන තරගාවලිය එහි…
වඩාත් මෑතක දී ඩෙනිස් ලිලී මෙලෙස පන්දුව ඔප දැමීමට ලොම් ඉටි වර්ගයක් වන ලැනොලින් භාවිතා කළ ආකාරය විවෘතව විස්තර කර ඇත. ඔහු සෙල්ලම් කරන කමිසවලට ලොම් යොදා තිබූ අතර එය පන්දුව ඔප දැමීමට ඔහුට උපකාර කර තිබුණි.
“බොහෝ වේගපන්දු යවන්නන් පන්දුව ඔප දැමීමට යමක් භාවිතා කළා; ඒ ගැන කිසිදු සැකයක් නෑ,” ලිලී සිය ස්වයං චරිතාපදානය වන Menace හි ලියා තිබේ.
“මම මගේ තෙල් සහිත සමෙන් ගත් දහඩිය හා කෙළ පාවිච්චි කළා. ලැනොලින් අඩංගු පිරිසිදු ලොම් ජම්පර් ඇඳගෙන පන්දුව ජම්පරය මත ආලේප කළහොත් එය සැබවින්ම දිලිසෙන බව මම සොයා ගත්තා.”
කොරෝනා වයිරසය නිසා පැනවූ සීමාවන් අනුගමනය කරමින් නැවත ක්‍රීඩා කිරීම සඳහා වන පිරික්සුම් ලැයිස්තුවේ සංචාරක තරගාවලි වැනි පුළුල් ගැටලු ද ඇතුළත් වේ.
>> තවත් ක්‍රිකට් පුවත් සඳහා පිවිසෙන්න <<
