Wall Street Journal හි පළවූ වාර්තාවකට අනුව ක්‍රිකට් ක්‍රීඩාව 2032 ඔලිම්පික් උළෙල සඳහා ඇතුළත් වීමට හැකියාවක් පවතින නමුත් එය 2028 තරගාවලියට ඇතුළත් කිරීමට හැකි වෙතැයි ක්‍රිකට් බලධාරීන් විශ්වාස කරනවා.
“අපගේ ප්‍රධානතම ප්‍රමුඛතාවය වන්නේ 2028 ඔලිම්පික් උළෙලට ඇතුළත් වීමයි. 2028 ඔලිම්පික් උළෙලේ සත්කාරකයින් සමඟ සාකච්ඡා කිරීමෙන් පසුව ජාත්‍යන්තර ඔලිම්පික් කමිටුව විසින් ඒ තීරණය ගනියි. අපට කළ හැක්කේ අපේ උපරිමය ලබා දීම සහ 2028 ඔලිම්පික් උළෙලට ක්‍රිකට් ඇතුළත් කිරීම පිළිබඳව බලාපොරොත්තුවක් තබා ගැනීමයි.
ඒ වගේම ක්‍රිකට් ක්‍රීඩාව සහ 2028 ඔලිම්පික් උළෙල අතර හවුල්කාරිත්වය සුවිශේෂී අවස්ථාවක් වනු ඇති බව අපි විශ්වාස කරනවා. බිලියනයකට අධික අපගේ රසික පිරිස ලොව විශාලතම ක්‍රීඩා උළෙලෙහි කොටසක් කිරීමට අපට අවශ්‍යයි”, යැයි ජාත්‍යන්තර ක්‍රිකට් කවුන්සිලයේ ප්‍රධානී Greg Barclay ප්‍රකාශ කර සිටියා.
- සාරංගි සිල්වා පෝලන්තයේ දී හයවැනි තැනට
- NBA හි පළමු ක්‍රියාකාරී බිලියනපතියා ලෙබ්රෝන්
- ප්‍රබල ක්‍රීඩකයින්ට අභියෝග කරමින් යුපුන්ගෙන් තවත් සටන්කාමී ධාවනයක්
- සාරංගි විදෙස් සංචාරයක
2028 ඔලිම්පික් උළෙල සඳහා මේ වන විට ක්‍රීඩා 28ක් ඇතුළත් කර ඇති අතර වෙනත් ක්‍රීඩාවක් ඇතුළත් කිරීමට බැඳී නොමැති නමුත් එසේ ඇතුළත් කිරීමට ද බාධාවක් නැති බව 2028 ඔලිම්පික් උළෙලේ සංවිධායකයෙක් ප්‍රකාශ කර තිබුණා.
එම ඔලිම්පික් උළෙල සඳහා aquatics, archery, athletics, badminton, basketball, canoe, cycling, equestrian, fencing, golf, gymnastics, handball, hockey, judo, rowing, rugby, sailing, shooting, skateboarding, soccer, sport climbing, surfing, taekwondo, tennis, table tennis, triathlon, volleyball සහ wrestling යන ක්‍රීඩා ඇතුළත් වන බව ජාත්‍යන්තර ඔලිම්පික් කමිටුව මීට පෙර ප්‍රකාශ කර තිබුණා.
“ආරම්භක ක්‍රීඩා 28ට අමතරව තවත් ක්‍රීඩාවක් 2028 ඔලිම්පික් උළෙලට ඇතුළත් කිරීමට සංවිධායක මණ්ඩලයට හැකියාවක් ඇති නමුත් එය වගකීමක් නෙවේ. ඉදිරි මාසවල දී 2028 ඔලිම්පික් සංවිධායකයින් සහ ජාත්‍යන්තර ඔලිම්පික් කමිටුව අදාළ ක්‍රීඩා සංගම් සමඟ සමාලෝචනය කරන්න සූදානම්. ඒ වගේම ඔලිම්පික් කමිටුව විසින් ක්‍රීඩක ක්‍රීඩිකාවන් 10,500ක ගණනකට ඔලිම්පික් උළෙල සීමා කරලා තියෙන්නේ”, යැයි 2028 ඔලිම්පික් උළෙලේ සංවිධායකයෙකු ප්‍රකාශ කළා.
ක්‍රිකට් ක්‍රීඩාව සඳහා අවශ්‍ය යටිතල පහසුකම් සහ ඒ සඳහා අනුග්‍රාහකයන් ඇමරිකාව තුළ අඩු වීම ජාත්‍යන්තර ක්‍රිකට් කවුන්සිලයේ ඉල්ලීමේ අඩුපාඩු ලෙස සලකන නමුත් 2024 වසරේ ඇමරිකාව සහ බටහිර ඉන්දීය කොදෙව් දූපත් තුළ පැවැත්වෙන විස්සයි විස්ස ලෝක කුසලානය මෙයට හොඳ පියවරකි.
එමෙන්ම අගෝස්තු මාසයට පෙර ඉන්දියාව සහ බටහිර ඉන්දීය කොදෙව් කණ්ඩායම සමඟ විස්සයි විස්ස තරග කිහිපයක් ඇමරිකාවේ දී පැවැත්වීමට නියමිතයි.
ජාත්‍යන්තර ක්‍රිකට් කවුන්සිලය විසින් බිලියනයක ප්‍රේක්ෂක තර්ක සමඟ මෙම කරුණු ඉදිරිපත් කිරීමට නියමිත නමුත් ඔවුන් පළමුව 2028 ඔලිම්පික් උළෙලට ඇතුළත් කිරීමට තරග වදින ක්‍රීඩා ලැයිස්තුවට ඇතුළත් විය යුතුයි. එලෙස ඇතුළත් වේද යන්න ඉදිරි සති දෙක තුළ දී දැන ගැනීමට හැකි වනු ඇත.
Cricbuzz ඇසුරිනි.
>> තවත් ක්‍රීඩා පුවත් සඳහා පිවිසෙන්න <<
