அவுஸ்திரேலியாவில் தொடர் ஆட்ட நாயகி விருதை வென்ற சமரி அதபத்து!

அவுஸ்திரேலியாவில் நடைபெற்றுவரும் மகளிர் பிக் பேஷ் லீக்கின் (WBBL) தொடர் ஆட்ட நாயகியாக இலங்கை அணியின் தலைவி சமரி அதபத்து தெரிவுசெய்யப்பட்டுள்ளார். 

சமரி அதபத்து மகளிருக்கான பிக் பேஷ் லீக்கில் சிட்னி தண்டர்ஸ் அணிக்காக விளையாடி வருவதுடன், சகலதுறைகளிலும் பிரகாசித்து வருகின்றார். 

>> ரொஷான் அதிரடி நீக்கம்; புதிய அமைச்சராக ஹரின் நியமனம்

இவர் சிட்னி தண்டர்ஸ் அணிக்காக 14 போட்டிகளில் விளையாடியுள்ளதுடன், 129.69 என்ற ஓட்ட வேகத்துடன் 42.58 என்ற ஓட்ட சராசரியில் 511 ஓட்டங்களை இதுவரை குறித்துள்ளார். இதில் 5 அரைச்சதங்களை கடந்துள்ள இவர், 17 சிக்ஸர்கள் மற்றும் 69 பௌண்டரிகளை விளாசியுள்ளார். 

பெத் மூனிக்கு அடுத்தப்படியாக ஓட்டக்குவிப்பில் இரண்டாவது இடத்தில் உள்ள சமரி அதபத்து பந்துவீச்சிலும் பிரகாசித்துள்ளார். சமரி அதபத்து பந்துவீச்சில் 9 விக்கெட்டுகளை வீழ்த்தியுள்ளதுடன், சிட்னி சிக்ஸர்ஸ் அணிக்கு எதிராக 20 ஓட்டங்களுக்கு 3 விக்கெட்டுகளையும் வீழ்த்தியிருந்தார் என்பது குறிப்பிடத்தக்கது. 

>>மேலும் கிரிக்கெட் செய்திகளைப் படிக்க<<