නවසීලන්ත කණ්ඩායමේ ශ්‍රී ලංකා තරග සංචාරයේ පළමු ටෙස්ට් තරගයෙන් ලකුණු 63ක ජයග්‍රහණයක් ලබා ගැනීමට ශ්‍රී ලංකාව අද (23) සමත් වුනා.
ඊයේ (22) තරගයේ සිව්වැනි දිනය නිමා වන විට සිය දෙවැනි ඉනිමේ දී ලකුණු 275ක ඉලක්කයක් හඹා යමින් සිටි නවසීලන්තය කඩුලු 8ක් දැවී ලකුණු 207ක් ලබා ගැනීමට සමත් වී සිටියා.
කෙසේ වෙතත් අද දිනය ආරම්භ වීමත් සමඟම එතෙක් වේලා විශිෂ්ට පිතිකරණයක නියැලෙමින් සිටි Rachin Ravindraගේ ඉනිම ලකුණු 92කට සීමා කිරීමට ප්‍රභාත් ජයසූරිය විසින් සමත් වුනා.
- ශ්‍රී ලංකා පළමු ඉනිමට නවසීලන්තයෙන් ප්‍රබල පිළිතුරක්
- බංග්ලාදේශයට තරග 4-1ක ජයක්
- පවන් දකුණු අප්‍රිකානුවෝ දණ ගස්වයි
- කමිඳු තවත් ශතකයක් කරා; පළමු දිනයේ වැඩි වාසි ශ්‍රී ලංකාවට
- කිවි – සිංහ ගැටුමට පෙර
ඉන් පසුව නැවතත් ක්‍රියාත්මක වූ ජයසූරිය විසින් නවසීලන්ත ඉනිමේ දස වැනි කඩුල්ල ලෙස William O’Rourke දවා ගැනීමට සමත් වූ අතර, එය ඔහු විසින් මෙම ඉනිමේ දවා ගත් පස් වැනි කඩුල්ල ලෙස ද සටහන් වීම විශේෂත්වයක්.
සමස්ත තරගයේ දී ජයසූරිය විසින් කඩුලු 9ක් බිඳ හෙළීමට සමත් වූ අතර, ශ්‍රී ලංකාවට තරගයෙන් පහසු ජයක් ද උරුම වුනා. තරගයේ වීරයා ලෙස ප්‍රභාත් ජයසූරිය සම්මාන ලබා ගත්තා. එමෙන්ම සමස්ත තරගයේ දී ශ්‍රී ලංකා දඟපන්දු යවන්නන් විසින් කඩුලු 18ක් බිඳ හෙළීමට (ප්‍රභාත් – කඩුලු 9 රමේෂ් මෙන්ඩිස් – කඩුලු 6, ධනංජය ද සිල්වා – කඩුලු 3) සමත් වීමත් විශේෂත්වයක්.
මෙම ජයග්‍රහණයත් සමඟින් ශ්‍රී ලංකාව ටෙස්ට් ලෝක ශූරතා ලකුණු සටහනේ තෙවැනි ස්ථානය දක්වා ඉදිරියට පැමිණීමට ද සමත් වුනා.
තරගාවලියේ දෙවැනි ටෙස්ට් තරගය එළඹෙන 26 වැනි දා ආරම්භ වීමට නියමිතයි.
තරගාවලියේ සියලු උණුසුම් තතු විත්ති ඔබ වෙත සමීප කිරීමට ThePapare සූදානම්, රැඳී සිටින්න ශ්‍රී ලංකාවේ අංක එකේ ක්‍රීඩා නාලිකාව ThePapare සමඟින්.
>> තවත් ක්‍රිකට් පුවත් සඳහා පිවිසෙන්න <<
 සමත් වුනා.){kind=link}