විස්සයි විස්ස අවසන් වටයේ තරග 24දා සිට

ශ්‍රී ලංකා ක්‍රිකට් සංවිධානය කරන අන්තර් ක්‍රීඩා සමාජ Major Clubs විස්සයි විස්ස ක්‍රිකට් තරගාවලියේ අවසන් වටයේ තරග හෙට (24) සිට පැවැත්වීමට නියමිතයි.  

මෙම වටය සඳහා කාණ්ඩ 4ක් යටතේ පැවැති තරගාවලියෙන් A කාණ්ඩයෙන් NCC සහ CCC කණ්ඩායම් ද B කාණ්ඩයෙන් Moors සහ BRC කණ්ඩායම් ද C කාණ්ඩයෙන් Ace Capital සහ Tamil Union කණ්ඩායම් ද සහ D කාණ්ඩයෙන් Colts සහ Bloomfield කණ්ඩායම් ද සුදුසුකම් ලබා තිබෙනවා.  

ඒ අනුව පැවැත්වෙන අර්ධ අවසන් පූර්ව වටයේ තරග SSC ක්‍රීඩාංගණයේ දී සහ P. Sara Oval ක්‍රීඩාංගණයේ දී පැවැත්වීමට නියමිතයි.  

තරග කාලසටහන 

1 වැනි අර්ධ අවසන් පූර්ව තරගය (පෙරවරු 9.45)  

• NCC සහ Colts CC අතර SSC ක්‍රීඩාංගණයේ දී.

2 වැනි අර්ධ අවසන් පූර්ව තරගය (පස්වරු 2.00) 

• Bloomfield C & AC සහ CCC අතර P. Sara Oval ක්‍රීඩාංගණයේ දී.

3 වැනි අර්ධ අවසන් පූර්ව තරගය (පෙරවරු 9.45) 

• Moors SC  සහ Ace Capital CC අතර P. Sara Oval ක්‍රීඩාංගණයේ දී.

4 වැනි අර්ධ අවසන් පූර්ව තරගය (පස්වරු 2.00) 

• Tamil Union C & AC සහ BRC අතර SSC ක්‍රීඩාංගණයේ දී.

මෙම තරගවලින් ජයග්‍රහණය කරන කණ්ඩායම් මේ මස 26 වැනිදා P. Sara Oval ක්‍රීඩාංගණයේ දී පැවැත්වෙන අවසන් පූර්ව වටය සඳහා සුදුසුකම් ලබා ගන්නා අතර එම තරගවල ජයග්‍රාහකයන් අතර පැවැත්වෙන අවසන් මහා තරගය මේ මස 28 වැනිදා එම ක්‍රීඩාංගණයේ දී ම පැවැත්වීමට නියමිතයි.  

• එංගලන්තයට යන 19න් පහළ කණ්ඩායම නම් කරයි
• කොදෙව් ක්‍රිකට් ක්‍රීඩිකාවෝ මෙරට පැමිණෙයි
• T20 ලෝක කුසලානයේ දී අපිට හමුවෙන ප්‍රතිවාදීන්
• 61 වැනි සහෝදර ගැටුම ජය පරාජයෙන් තොරයි
• කොල්කටාව තෙවැනි වරටත් IPL ශූරතාව දිනා ගනී!

මේ දක්වා පැවැති තරගාවලියේ දී පිතිකරුවන් අතුරින් ඉදිරියෙන් සිටීමට NCC කණ්ඩායමේ කමිල් මිෂාර සමත් ව සිටිනවා. ඔහු තරග 3ක දී ලබා ගත් ලකුණු සංඛ්‍යාව 114ක්.  

එම ලැයිස්තුවේ 2 වැනි ස්ථානය තරග 3ක දී ලකුණු 100ක් ලබා සිටින Police කණ්ඩායමේ කුසල් පෙරේරා ද සහ 3 වැනි ස්ථානය තරග 3ක දී ලකුණු 98ක් ලබා සිටින Moors කණ්ඩායමේ සොහාන් ද ලිවේරා ද සතු කරගෙන සිටිනවා.  

පන්දු යැවීමේ දී වඩාත් දක්ෂතා දැක් වූ ක්‍රීඩකයා බවට පත් ව සිටින්නේ Colts කණ්ඩායමේ අකිල දනංජය. ඔහු තරග 3ක දී කඩුලු 8ක් දවා ගනිමින් එම ස්ථානයට පත් ව සිටිනවා.  

එම ලැයිස්තුවේ කඩුලු 6ක් බැගින් දවා ගනිමින් සම 2 වැනි ස්ථානයන් හී රැදී සිටීමට Bloomfield කණ්ඩායමේ සචිත ජයතිලක, Tamil Union කණ්ඩායමේ තීසාන් විතුසාන්, Police කණ්ඩායමේ සුපුන් මධුශංක, BRC කණ්ඩායමේ දුශාන් හේමන්ත සහ NCC කණ්ඩායමේ චාමික කරුණාරත්න සමත් ව සිටිනවා.  

Major Clubs T20 තරගාවලියේ උණුසුම් පුවත් සහ දෙස් විදෙස් පිටියේ උණුසුම් පුවත් දැන ගැනීමට රැදී සිටින්න ThePapare.com අප සමඟ ම. 

>> තවත් ක්‍රිකට් පුවත් සඳහා පිවිසෙන්න <<