நியூசிலாந்து கிரிக்கெட் அணி அடுத்த மாதம் பாகிஸ்தானுக்கு சுற்றுப்பயணம் மேற்கொண்டு ஐந்து போட்டிகள் கொண்ட T20i தொடரில் விளையாடவுள்ளதாக உத்தியோகபூர்வமாக அறிவிக்கப்பட்டுள்ளது.
அதன்படி அடுத்த மாதம் 14ம் திகதி பாகிஸ்தானுக்கு புறப்படவுள்ள நியூசிலாந்து அணி முதல் மூன்று போட்டிகளையும் ராவல்பிண்டியில் விளையாடவுள்ளது.
செவிப்புலனற்றோருக்கான T20 உலகக் கிண்ணத்தை வென்றது பாகிஸ்தான்
முதல் போட்டி ஏப்ரல் 18ம் திகதி ஆரம்பமாகவுள்ளதுடன், இரண்டாவது போட்டி 20ம் திகதியும், மூன்றாவது போட்டி 21ம் திகதியும் நடைபெறவுள்ளன.
குறித்த இந்த மூன்று போட்டிகளை அடுத்து நான்காவது மற்றும் ஐந்தாவது போட்டிகள் லாஹூரில் நடைபெறவுள்ளன. இந்தப் போட்டிகள் ஏப்ரல் 25 மற்றும் 27ம் திகதிகளில் நடைபெறவுள்ளன.
பாகிஸ்தான் மற்றும் நியூசிலாந்து அணிகளுக்கு இடையிலான இந்த T20i தொடர் இந்தியாவில் ஆரம்பமாகவுள்ள IPL தொடர் காலப்பகுதியில் நடைபெறவுள்ளது. கடந்த ஆண்டும் இதுபோன்ற தொடரொன்றை இரண்டு அணிகளும் விளையாடியிருந்தன.
கடந்த ஆண்டு நியூசிலாந்து அணியின் முன்னணி வீரர்கள் IPL தொடர் காரணமாக பாகிஸ்தான் தொடரில் விளையாடவில்லை. இந்த ஆண்டும் கேன் வில்லியம்சன், ரச்சின் ரவீந்திர, டெரைல் மிச்சல், கிளேன் பிலிப்ஸ், டெவோன் கொன்வே, லொக்கி பேர்கஸன் மற்றும் ட்ரெண்ட் போல்ட் ஆகியோர் இந்த தொடரில் விளையாடமாட்டார்கள் என எதிர்பார்க்கப்படுகிறது.
>> மேலும் கிரிக்கெட் செய்திகளைப் படிக்க <<
