ශ්‍රී ලංකා පාසල් රග්බි පිටියේ 2022 වසර සඳහා අපේක්ෂිත තරග කාලසටහන ශ්‍රී ලංකා පාසල් රග්බි සම්මේලනය විසින් මාධ්‍ය වෙත නිකුත් කර තිබුණා.
පවතින වාතාවරණය යටතේ නියමිත සෞඛ්‍යාරක්ෂිත ක්‍රම අනුගමනය කරමින් මෙම වසරේ දී සියලුම වයස් කාණ්ඩ ආවරණය වන පරිදි තරගාවලි විස්සකට ආසන්න සංඛ්‍යාවක් පවත්වමින් ඔක්තෝබර් දක්වා රග්බි පිටිය කාර්යබහුල කිරීමට දැනට සැලසුම් කර තිබෙනවා.
2022 වසරේ රග්බි තරග පසුගිය මාසයේ පැවති 14න් පහළ සංවර්ධන තරගාවලියත් සමඟින් ආරම්භ වූ අතර කණ්ඩායම් 20කින් සමන්විත දෙවැනි කාණ්ඩයේ තරගාවලියක් මාර්තු 12 වැනිදා මහනුවර දී පැවැත්වීමට නියමිතයි.
මෙවර පාසල් රග්බි පිටියේ පළමු කාණ්ඩයේ තරග ආරම්භ කරමින් වයස අවුරුදු 14න් පහළ දස සාමාජික තරගාවලිය අප්‍රේල් 23 සහ 24 යන දෙදින තුළ කොළඹ දී පැවැත්වීමට සැලසුම් කර තිබෙනවා.
- සුමංගල ක්‍රීඩකයින්ගේ පල්ලෙකැලේ ආක්‍රමණය අසාර්ථකයි
- ත්‍රිත්ව කඳවුරේ දී ධර්මරාජයට දැවැන්ත ප්‍රහාරයක්
- 2022 ගුවන් හමුදා ක්‍රීඩා සැලසුම් එළිදැක්වේ
- රුවන්වැල්ලෙන් ඇරඹෙන පාසල් රග්බි වසන්තය!
පාසල් රග්බි පිටියේ වැඩි අවධානයක් දිනා ගත් තරගාවලිය වන 19න් පහළ තරගාවලියේ මූලික වටයේ තරග ජුනි සහ ජූලි මාසයේ දී පැවැත්වීමට නියමිත අතර එහි Knock-Out වටය අගෝස්තු මාසයේ දී පැවැත්වීමට නියමිතයි.
එමෙන්ම කාන්තා රග්බි ක්‍රීඩාව දියුණු කිරීමේ අරමුණින් කාන්තා තරගාවලි පහක් ද මෙම වසරේ දී පැවැත්වීමට සැලසුම් කර ඇති අතර එහි පළමු තරගාවලිය වන 14න් පහළ සත් සාමාජික තරගාවලිය මැයි මාසයේ දී පැවැත්වීමට නියමිතයි.
වයස අවුරුදු 19න් පහළ සහ 16න් පහළ කාන්තා තරගාවලි සැප්තැම්බර් මාසයේ දී පැවැත්වීමට සැලසුම් කර ඇති අතර ඔක්තෝබර් මාසයේ දී 12න් පහළ සහ 18න් පහළ තරගාවලි පැවැත්වීමට සැලසුම් කර තිබෙනවා.
2022 පාසල් රග්බි පිටියෙහි යෝජිත කාලසටහන,
| EVENT | MONTH | Date |
| U-14 DIV III Development 7s Tournament Boys (Western / Southern / Sabaragamuwa) | February | 20 |
| U-14 DIV III Development 7s Tournament Boys (Central / Uva / Wayamba) | March | 12 |
| U-14 DIV 1 10 a side Tournament Boys | April | 23/24 |
| U-12 Provincial 7 a side Tournament Boys | April | 30 |
| U-14 DIV II 10 a side Tournament Boys | May | 07/08 |
| U-14 7 a side Tournament Girls | May | 21/22 |
| U-19 League Tournament Boys | June/ July | 20-24 |
| U – 16 DIV 1 10a side Tournament Boys | July | 30-31 |
| U-19 Knock-Out Tournament Boys | August | 06-20 |
| U-16 DIV II 10 a side Tournament Boys | August | 27-28 |
| U-19 7 a Side Tournament Girls | September | 03-04 |
| U-16 7 a side Tournament Girls | September | 10-11 |
| U-19 DIV 1 7 a side Tournament Boys | September | 17-18 |
| U-19 DIV 11 7 a side Tournament Boys | September | 24-25 |
| U- 18 7 a side Tournament Girls | October | 01-02 |
| U-18 DIV 1 7 a side Tournament Boys | October | 07-08 |
| U-18 DIV II 7 a side Tournament Boys | October | 15-06 |
| U-12 7 a side Tournament Girls | October | 29-30 |
>>තවත් රග්බි පුවත් සඳහා පිවිසෙන්න – රග්බි පිටුවට<<
