ලෝක ටෙනිස් පිටියෙහි බිහි වූ ශ්‍රේෂ්ඨතම ක්‍රීඩකයෙකු ලෙස සැලකෙන ස්විස්ටර්ලන්ත ක්‍රීඩක Roger Federer 2020 ටෝකියෝ ඔලිම්පික් උළෙල සඳහා සහභාගී නොවන බව නිවේදනය කර සිටියා.
දණහිසෙහි ඇතිවූ ආබාධයක් නිසාවෙන් ඔහු මෙලෙස ඔලිම්පික් තරගාවලියෙන් ඉවත් වීමට තීරණය කර ඇති අතර ඒ පිළිබඳව Twitter පණිවිඩයක් නිකුත් කරමින් Roger Federer තහවුරු කර තිබුණා.
“grass-court තරගාවලිය අතරතුර දී ඉතා අවාසනාවන්ත ලෙස මම දණහිසේ ආබාධයකට ලක් වුනා. ඒ නිසා මට ටෝකියෝ ඔලිම්පික් උළෙලෙන් ඉවත් වීමට සිදු වනවා. මම ඒ පිළිබඳව ඉතා කනගාටුවට පත්වෙනවා” යැයි එහි සඳහන්ව තිබුණා.
— Roger Federer (@rogerfederer) July 13, 2021
වසර ගණනාවක් ටෙනිස් පිටියේ සිය ආධිපත්‍ය පැතිරවීමට සමත් වූ Roger Federer 2008 ඔලිම්පික් උළෙලේ දී යුගල රන් පදක්කම සහ 2012 ඔලිම්පික් උළෙලේ දී කේවල රිදී පදක්කම දිනා ගැනීමට සමත් වුනා.
- ඩෙල්ටා නිසා ටෝකියෝ නුවර හදිසි තත්වයක්!
- චාමරටත් මිල්කාටත් ඔලිම්පික්වල ලොකු වගකීමක්
- මිලියන ගණනක සිහින අරන් ඔලිම්පික් යන අපේ බලාපොරොත්තු
- නිමාලි ඔලිම්පික් වරම් ලබයි
ආබාධයක් නිසාවෙන් 2016 ඔලිම්පික් උළෙල සඳහා ද සහභාගි වීමේ අවස්ථාව Roger Federer හට අහිමි වූ අතර ඔහු අවසාන වශයෙන් සහභාගී වූ පසුගිය මස පැවති Wimbledon තරගාවලියේ අර්ධ අවසන් පූර්ව වටයේ දී Hubert Hurkacz හමුවේ පරාජය වෙමින් තරගාවලියෙන් ඉවත් වීමට ඔහුට සිදු වුනා.
ඒ Roger Federer නිල වශයෙන් ඔලිම්පික් උළෙලෙන් ඉවත්ව ඇති අතර මේ වන විට 39 වැනි වියෙහි පසුවන ඔහුගේ අවසන් ඔලිම්පික් ගමන ද මෙලෙස අවසන් වනු ඇත.
>> තවත් ක්‍රීඩා පුවත් සඳහා පිවිසෙන්න <<
