තරිඳු සඳරුවන් පාපැදි ජාතික කිරුළ දිනා ගනී

ජාතික මහා ක්‍රීඩා උළෙලට සමගාමීව පැවැත්වෙන පිරිමි පාපැදි තරගය පසුගිය දා කතරගම නගරය කේන්ද්‍ර කරගනිමින් පැවැත්වුනා.

කතරගම බස්නැවතුම්පොළ අසලින් ආරම්භ වූ මෙම තරගයේ සමාරම්භය සිදු කළේ ක්‍රීඩා අධ්‍යක්ෂක ජෙනරාල් අමල් එදිරිසූරිය මහතාගේ සංඥාවත් සමඟිනි.

කිලෝමීටර 150.08ක දුරකින් යුක්ත වූ මෙවර තරගය සඳහා මුළු තරගකරුවන් 158 දෙනෙකු සහභාගී වී සිටියා.

ඉතා උණුසුම් මුහුණුවරක් වරක් ගත් මෙම තරගය තියුණු සටනකින් පසුව පැය 3:40:34කින් අවසන් කරමින් ජාතික කිරුළ දිනා ගැනීමට දකුණු පළාත නියෝජනය කළ තරිඳු සඳරුවන් සමත් වුනා.

තවත් ක්‍රීඩා පුවත්:

• ජාතික මැරතන් ශූරයා ශිවරාජන්, ශූරිය ක්‍රිශාන්තී
• 46 වැනි ජාතික මහා ක්‍රීඩා උළෙලේ ඉසව් ආරම්භය සිකුරාදා
• ජාතික ක්‍රීඩා දිනය ජූලි 31ක් වැනිදා

තරගය පැය 3:40:35ක කාලයකින් අවසන් කළ බස්නාහිර ක්‍රීඩක සුරංග රණවීර දෙවැනි ස්ථානයත්, පැය 3:40:42ක කාලයකින් අවසන් කළ බස්නාහිර ක්‍රීඩක තුෂාන් රාජපක්ෂ තෙවැනි තැනත් දිනා ගැනීමට සමත් වුනා.

තරගයේ ජය සංකේත ප්‍රදානෝත්සවය මොනරාගල දිස්ත්‍රික් පාර්ලිමේන්තු මන්ත්‍රී කුමාරසිරි රත්නායක මහතාගේ ප්‍රධානත්වයෙන් කතරගම බස්නැවතුම්පොළේ දී පැවැත්වුනා.

46 වන ජාතික මහා ක්‍රීඩා උළෙල  – 2020

 පාපැදි තරගාවලිය  (පිරිමි )  – ප්‍රතිඵල සටහන  

>> තවත් මලල ක්‍රීඩා පුවත් සඳහා පිවිසෙන්න – මලල ක්‍රීඩා පිටුවට <<