ස්ටීවන් ස්මිත් හා ඩේවිඩ් වෝනර්ගේ තහනමෙන් පසුව ඕස්ට්‍රේලියා ටෙස්ට් කණ්ඩායමට උදා වූයේ එතරම් සුබ කාලයක් නොවේ. කලක් ටෙස්ට් පිටිය මුළුමනින්ම ආක්‍රමණය කළ ඔවුන් ක්‍රමයෙන් පසුබසින්නට විය.
කෙසේ වෙතත් පසුගිය අළුබඳුන ටෙස්ට් තරගාවලිය සඳහා නැවත පැමිණි වෝනර් හා ස්මිත් ඕස්ට්‍රේලියා ටෙස්ට් ගමන්මග වෙනස් කිරීමට සමත් විය. ලොව ටෙස්ට් ඉතිහාසයේ ප්‍රථම වතාවට ක්‍රීඩක ආදේශයක් සිදු වූයේ ද එම තරගාවලියේ දී ය. ආබාධයකට ලක්වූ ස්ටීව් ස්මිත් වෙනුවට පිටියට පැමිණියේ අමුතු නමක් සහිත ක්‍රීඩකයෙකි. ඒ මාර්නස් ලබුශේන් ය.
කොදෙව්වෝ නිරෝධානයට, එංගලන්ත සංචාරයට කොළ එළියක්!
එංගලන්තය තුල පැවැත්වීමට සැලසුම් කොට තිබූ සියලුම දේශීය සහ අන්තර්ජාතික………………
ස්මිත්ගේ අඩුව පුරවන්නට ඔහුට හැකි වේ දැයි බොහෝ දෙනා විමසූ කාලයක එයට පිත්තෙන් පිළිතුරු දීමට මාර්නස් ලබුශේන් සමත් විය. ස්මිත්ගේ අඩුව මකාලන්නට ඔහු සමත්වූයේ පසුගිය වසරේ දී ඕස්ට්‍රේලියාවේ හොඳම ක්‍රිකට් සොයාගැනීම ලෙස ඔහු පත්කරමිනි.
ඔහුගේ වැටට හානියක් නොවන පරිදි තම නිවසේ පසුපස දැල් සවි කර ටෙනිස් බෝල ටේප්වලින් ඔතාගෙන තම පුහුණු වීම් තනිව කිරීමට මාර්නස්ට සිදුව ඇත. පසුගිය මාස කීපය තුල ඕස්ට්‍රේලියාවේ සියලු තරග අවලංගු වූයේ කොරෝනා වයිරසය නිසාවෙනි.
දීර්ඝ ක්‍රිකට් විරාමයක් අතරතුර තම ක්‍රීඩා දිවියේ හොඳම වසර පිළිබඳව මතකය අවදි කිරීමට මාර්නස් ලබුශේන් අමතක කළේ නැත.
මාර්නස් ලබුශේන් පසුගිය වසර තුල ලබා ගත් ප්‍රගතිය කෙතරම් ද යත්, පසුගිය සතියේ ඔහුට ඔහුගේ පළමු ඕස්ට්‍රේලියානු ක්‍රිකට් කොන්ත්‍රාත්තුව ලැබී තිබුණි. එය එංගලන්තය, පාකිස්තානය සහ නවසීලන්තයට එරෙහිව ඔහු කළ ටෙස්ට් ප්‍රසංගයෙන් පසුව ඔහුගේ ක්‍රිකට් දිවියේ ඉහළම තත්ත්වය විය.
පසුගිය වසරේ මෙම කාලය වන විට මාර්නස් ලබුශේන් ටෙස්ට් කණ්ඩායමේ නිත්‍ය ක්‍රීඩකයෙකු නොවූ අතර ඉන්දියාවට එරෙහි අවසන් ටෙස්ට් තරගයට නැවත කැඳවා තිබුණි. පසුව ශ්‍රී ලංකාවට එරෙහිව ටෙස්ට් තරග දෙකක් ඔහු ක්‍රීඩා කළේය. ගැබා ක්‍රීඩාංගණයේ දී පැවති පළමු තරගයේ දී අර්ධ ශතකයක් වාර්තා කිරීමට ඔහු සමත් විය. කෙසේ වෙතත්, ඔහු අගෝස්තු මාසයේ අළුබඳුන තරගාවලිය ආරම්භයේ දී කණ්ඩායමේ හි නොසිටි නමුත් ස්ටීව් ස්මිත්ගේ ආබාධයත් සමඟින් ඔහුගේ වෘත්තිය වෙනස් විය. ඔහුගේ ඊළඟ ඉනිම් 15 තුළ ඔහු ලකුණු 1249ක් රැස් කළේය.
“එය බොහෝ විට මෙම කාල පරිච්ඡේදයේ ප්‍රධාන කොටස්වලින් එකක් විය හැකියි. නැවත හිඳගෙන සිදු වූ සෑම දෙයක් ගැනම සිතීමට මම පුරුදු වුනා.” යනුවෙන් මාර්නස් ලබුශේන් පැවසීය.
“එය මට විශේෂ වසරක් වෙලා තියනවා. ඒ ගැන කිසිදු සැකයක් නෑ. ඒ දේවල් දිග හැරුණු ආකාරය නියමයි. මේ කාලය තුල ඒ සියල්ලම රැගෙන යාම, ඒ ගැන සතුටු සහ ආඩම්බර වීම, පසුව වඩා හොඳ විය හැකි ආකාරය දෙස බැලීම, අඛණ්ඩව යහපත් වීමට ගොඩක් වැදගත් වුනා. මෙම කාල පරිච්ඡේදය මට වැඩ කළ හැකි ක්ෂේත්‍රයේ සහ පිටත ක්ෂේත්‍රයේ මගේ ක්‍රීඩාවේ විවිධ කොටස් දෙස බැලීමට මම යොදා ගත්තා. ”
“මට නම්, එය මා සූදානම් බව තහවුරු කර ගැනීම සහ ක්‍රීඩාවට අවශ්‍ය දේ තේරුම් ගැනීම සහ ඒ පිළිබඳව තීරණ ගැනීමට වටිනා කාලයක්. එයින් අදහස් කරන්නේ මට ලකුණු ලැබෙනවා කියලා නම් එය විශිෂ්ටයි. ඒකෙන් මට තවත් ඉගෙන ගන්න දේවල් ලැබෙනවා නම් ඒක ගොඩක් වටිනවා ”
ගුරාට අකුරු වැරැද්දූ “වාසි”
“ඔබ වැඩි කල් ශ්‍රී ලංකාවට සෙල්ලම් කරන්නේ නැහැ” ඒ MRF ක්‍රිකට් ඇකඩමියේ…………..
මාර්නස් ලබුශේන් හා ලොව පුරා ක්‍රීඩකයන්ට නැවත පිටියට යෑමට ලැබෙන කාලය කවදා වේ දැයි තවමත් පැහැදිලි නැත. ඕස්ට්‍රේලියාවේ දේශීය තරග සමය කෙසේ හෝ පැවැත්වීමට සැලසුම් සකස් කෙරුණ ද එය පැවැත්වීම තවමත් ස්ථීර නැත. බොහෝ විට එය ප්‍රේක්ෂකයන් නොමැතිව පැවැත්වීමට ඉඩ ඇත.
“ඔබ එම ආරම්භක සමය ක්‍රීඩා කළ පසු, එය ජාත්‍යන්තර ශ්‍රේණියේ ක්‍රිකට් හෝ දේශීය ක්‍රිකට් හෝ ටෙස්ට් ක්‍රිකට් යන ඕනෑම ආකෘතියක් වෙන්න පුළුවන්. මිනිසුන් ඔබව දැන හඳුනා ගැනීමටත්, ඔබ ක්‍රීඩා කරන ආකාරය දැන ගැනීමටත් පටන් ගන්නවා. එබැවින් ප්‍රතිවාදීන් නැවත පර්යේෂණ කර නැවත පැමිණෙනවා. ඔවුන් ඔබේ ක්‍රීඩාව වඩා හොඳින් තේරුම් ගන්නවා.”
“මට නම්, ඔවුන් කුමක් කිරීමට යන්නේ ද යන්න තේරුම් ගැනීම සහ මගේ දුර්වලතා සහ මගේ ශක්තීන් කොතැන ද යන්නත් මට තේරිලා තියෙන්නේ. පසුව ඒවා අඛණ්ඩව වැඩිදියුණු වේවි. නිසැකවම මම උත්සාහ කරනවා වෙනත් මට්ටමකට යන්න.”
මේ වසර මුලදී ඕස්ට්‍රේලියාවේ එක්දින කණ්ඩායමට එක්වීමෙන් පසු මාර්නස් දකුණු අප්‍රිකාවට එරෙහිව මංගල ශතකයක් රැස් කළේය. එම තරගාවලිය තුල ඔහුගේ සාමාන්‍ය ලකුණු 50ට වඩා වැඩි විය.
“දියුණු වීමට සෑම විටම බාධා තියනවා. එක්දින ක්‍රිකට් ක්‍රීඩාවේ දී, මට තව දුරටත් දියුණු කරගැනීමට අවශ්‍ය දේවල් ගොඩක් තියනවා. ඉනිමේ පසුකාලීන අවධීන් වගේම එක්දින තරඟයක අවසන් අවස්ථා ක්‍රීඩා කරන ආකාරය මගේ විකල්පයන් විය හැකියි. එය ක්‍රීඩාවේ සුන්දරත්වයයි.”
“ඔබ සිටින තැන ගැන ඔබ කිසි විටෙකත් සෑහීමකට පත් වෙන්නේ නෑ. ඔබ සිටින තැන ගැන ඔබ පැහැදිලිවම සතුටු වන නමුත් ඔබට වඩා හොඳ වීමට අවශ්‍ය වෙනවා. ඔබෙන් උපරිම ප්‍රයෝජන ලබා ගැනීම සඳහා ඔබම දිගටම උත්සාහ කිරීමට අවශ්‍යයි.”
මේ වන විට විස්සයි විස්ස තරග සඳහා තවමත් මාර්නස් ලබුශේන් ප්‍රවේශයක් ලබාගෙන නැත. බ්‍රිස්බේන් හීට් සඳහා තරඟ දහයක් පමණක් ක්‍රීඩා කර ඇති මාර්නස් ලබුශේන්ගේ වෘත්තීය දිවියේ තුන්වැනි ස්ථානය විස්සයි විස්ස තරග සඳහා ලැබී ඇත.
ඕස්ට්‍රේලියා කණ්ඩායමේ කොන්ත්‍රාත් නම් කරන විට ජාතික තේරීම් කමිටුවේ ට්රෙවර් හෝන්ස් කියා සිටියේ, ඔහු විස්සයි විස්ස ආකෘතියට එතරම් තදින් තල්ලු කිරීමට බලාපොරොත්තු නොවන බවත්, ජාත්‍යන්තර කාලසටහනට අනුව ඔහුගේ අවස්ථාවන් සීමිත විය හැකි බවත්ය. ඔහුගේ අවස්ථා උපයා ගැනීමට මාර්නස් ලබුශේන් උනන්දු වන බවත් ඔහු පැවසීය.
“කිසිසේත් මට එම ආකෘතීන් දෙකට සීමා වීමට අවශ්‍ය නැහැ. ඕස්ට්‍රේලියාව වෙනුවෙන් විස්සයි විස්ස ක්‍රිකට් ක්‍රීඩා කිරීමේ අභිලාෂය මට අනිවාර්යයෙන්ම තිබෙනවා” යැයි මාර්නස් ලබුශේන් පැවසීය.
“මගේ අවස්ථා අවම වී තියනවා මේ කාලසටහන අනුව. වෙනත් බොහෝ අවස්ථාවන් ඇති බවක් පේන්නේ නෑ. නමුත් මට නම් එය එක්දින හා ටෙස්ට් ක්‍රිකට් ක්‍රීඩාවේ දී මෙන් ලකුණු රැස් කිරීමක් පමණයි. මට අවස්ථා ලැබුණහොත් ලකුණු ලබා ගන්න අනිවාර්යෙන්ම මම ඒවා ගන්නවා.”
>> තවත් ක්‍රිකට් පුවත් සඳහා පිවිසෙන්න <<
