මෙම වසරේ දී ජපානය කේන්ද්‍රකර ගනිමින් පැවැත්වීමට නියමිත ඔලිම්පික් ක්‍රීඩා උළෙල සඳහා මෙරටින් වැඩි ක්‍රීඩක ක්‍රීඩිකාවන් සංඛ්‍යාවක් සහභාගී කර වීම සහ දීර්ඝ කාලීන ජයග්‍රහණය ඉඩෝරයට නිමාව තැබිය යුතු ආකාරය පිළිබඳ සැලසුම් සකස්කොට සාකච්ඡා කිරීම සඳහා ක්‍රීඩා අමාත්‍යංශය, ක්‍රීඩා සංවර්ධන දෙපාර්තමේන්තුව, ශ්‍රී ලංකා මලල ක්‍රීඩා සංගමය සහ ජාතික ඔලිම්පික් කමිටුවේ නිලධාරීන් රැසක් පෙරේදා (22) දිනයේ දී එක්රැස් විය.
ආසියානු කනිෂ්ඨ මලල ක්‍රීඩාවල තේරීම් තරගවලට දින නියම වෙයි
ආසියානු කනිෂ්ට මලල ක්‍රීඩා තරගාවලිය සඳහා සහභාගී …………
පසුගිය දා නිමාව දුටු දකුණු ආසියාතික ක්‍රීඩා උළෙල මෙරට මලල ක්‍රීඩා ක්ෂේත්‍රයේ රන් අකුරින් ලියැවෙන සුවිශේෂී සංධිස්ථානයක් ලෙසින් අවිවාදයෙන්ම හඳුන්වාදිය හැක්කේ රන් පදක්කම් 15කින් ලක් මාතාවගේ ගෙල සැරසීමට ක්‍රීඩා කෞශල්‍යයෙන් හෙඹි අප ක්‍රීඩක ක්‍රිඩිකාවන් සමත් වූ නිසාවෙනි.
වසර ගණනාවකට පසු ඔලිම්පික් පදක්කමක් මෙරටට රැගෙන ඒමේ එම සිහිනය යථාර්ථයක් කරගැනීමට නැවුම් බලාපොරොත්තුවක් ද මේ හා සමඟම බොහෝ දෙනාගේ සිත් තුල දළු ලා වැඩීම මෙවැනි සංචිතයක් නිර්මාණය කිරීමට මූලිකවම හේතු පාදක විය.
එම තරගාවලිය තුල දී අප මව්බිම වෙනුවෙන් පදක්කම් 27කට ආසන්න සංඛ්‍යාවක් දිනා දුන් තරගකරුවන්ගෙන් කැපී පෙනෙන දස්කම් පෑ දක්ෂ ක්‍රීඩක ක්‍රීඩිකාවන් රැසකගෙන් මෙම සංචිතය සන්නද්ධ වන අතර ඉදිරි මාස පහක කාල සීමාව තුල දී ඔවුන් තමන්ට හැකි උපරිමය ලබා දෙමින් ඔලිම්පික් වරම් හිමිකරගනු ඇතැයි බොහෝ දෙනෙකුගේ අපේක්ෂාවයි.
මීටර් 100 කාන්තා සහ පිරිමි සහය දිවීම, මිශ්‍ර සහය දිවීම, මීටර් 400 කාන්තා සහ පිරිමි ඇතුළුව විසි කිරීම් ඉසව්වන් කෙරෙහි වැඩි අවධානයක් මේ වන විට යොමුව ඇති අතර ඔලිම්පික් වරම් හිමිකර ගැනීමේ හැකියාව පවතින තරග ඉසව්වන් සඳහා එම ඉසව්වන්ගේ දැනට ජාත්‍යන්තර මට්ටමේ දක්ෂතා පෙන්වා ඇති ක්‍රීඩක ක්‍රීඩිකාවන් ඒකරාශී කරගනිමින් නම් කළ සංචිතය පහතින් දැක්වේ.
මලල ක්‍රීඩාවට අළුත් පුහුණුකරුවෙක්
ශ්‍රී ලංකා මලල ක්‍රීඩා පුහුණුකරු ලෙස වයි. කේ. කුලරත්න මහතා ……
ඔලිම්පික් ක්‍රීඩා උළෙල අරමුණු කරගනිමින් නම් කොට ඇති ශ්‍රී ලංකා මලල ක්‍රීඩා සංචිතය
- ඉඳුනිල් හේරත් – 800m
- අරුණ දර්ශන – 400m
- ජනක විමලසිරි – දුර පැනීම
- අමිල ජයසිරි – දුර පැනීම
- ෂෆ්‍රීන් අහමඩ් – තුන් පිම්ම
- ග්‍රේෂන් ධනංජය – තුන් පිම්ම
- හිමාෂ ඒෂාන් – 4x100m
- විනෝජ් සුරංජය – 4x100m
- යුපුන් අබෙකෝන් – 4x100m
- චානුක ධර්මකීර්ති – 4x100m
- චමෝද් යෝධසිංහ – 4x100m
- දිල්ෂි කුමාරසිංහ – 400m
- නිලානි රත්නායක – 3000m බාධක දිවීම
- සාරංගි සිල්වා – දුර පැනීම
- විදූෂා ලක්ෂානි – තුන් පිම්ම
- හෂිනි ප්‍රබෝධා – තුන් පිම්ම
- ලක්ෂිකා සුගන්ධි – සත්ප්‍රයාම
- නදීෂා ලේකම්ගේ – හෙල්ල විසිකිරීම
- නදීකා ලක්මාලි – හෙල්ල විසිකිරීම
- අමාෂා ද සිල්වා – 4x100m
- ෂර්මිලා ජෑන් – 4x100m
- සදීපා හෙන්ඩර්සන් – 4x100m
- ශෙලින්ඩා ජෙන්සන් – 4x100m
- ලක්මාල් ගුණතරත්න – මිශ්‍ර සහය දිවීම
- රජිත රාජකරුණා – මිශ්‍ර සහය දිවීම
- කෞශල්‍යයා මධුෂානි
- නදීෂ රාමනායක
මෙම ක්‍රීඩක ක්‍රීඩිකාවන් සඳහා අවශ්‍ය ගුරුහරුකම් සහ මඟ පෙන්වීම නොඅඩුව ලබා දීමේ අරමුණින් මලල ක්‍රීඩා ක්ෂේත්‍රයේ අත්දැකීම් බහුල පුහුණුකරුවෙකු වන Y. K. කරුණාරත්න මහතාගේ සේවය ඉදිරි කාල සීමාව තුල දී ලබා ගැනීමට බලාපොරොත්තු වන අතර අදාල පාර්ශවයන් සමඟ එක්ව දේශීය සහ විදේශීය වශයෙන් ක්‍රියාවට නැංවිය හැකි ඵලදායී සැලසුම් කිහිපයක් දියත් කිරීමට වැඩිදුරටත් අපේක්ෂා කෙරෙයි. මෙමඟින් සංචිතයේ වැඩි පිරිසකට ඔලිම්පික් සිහිනය සැබෑ කරගැනීමේ මංපෙත් විවර කරදීම මූලික ඉලක්කය බවට පත්ව ඇත.
“ඇත්ත වශයෙන්ම මේ වෙනකොට අතිදක්ෂ මලල ක්‍රීඩක ක්‍රීඩිකාවන් රැසක් අපි සතුව සිටිනවා. ඔවුන්ව රැක බලා ගනිමින් ලෝකය ජය ගැනීමට අවශ්‍ය වේදිකාව නිර්මාණය කරලා දීම මඟින් ඔවුන්ගේ හැකියා දක්ෂතා තවත් ඔප්නැංවෙනවා විතරක් නෙමෙයි තවදුරටත් හැකි උපරිමය ලබා දීමට ඔවුන් දිරිමත් වෙනවා.” යනුවෙන් කරුණාරත්න මහතා මෙම ගෙන ඇති සාධනීය ඉදිරි පියවරයන් පිළිබඳ තම ප්‍රසාදය පළකොට සිටියේය.
තවද ක්‍රීඩක ක්‍රීඩිකාවන් හට තම හැකියා දක්ෂතා ඔප්නංවා ගැනීමට අවශ්‍ය කරන නවාතැන් පහසුකම්, පෝෂණ දීමනා වැනි මූලික අවශ්‍යතාවන් කිහිපයක් සඳහා අනුග්‍රහකත්වය ලබා දීමට ක්‍රීඩා අමාත්‍යංශය සමඟ එක්ව ක්‍රීඩා සංවර්ධන දෙපාර්තමේන්තුව පියවර ගෙන ඇති අතර මෙය ක්‍රීඩක ක්‍රීඩිකාවන් හට තවදුරටත් තම අරමුණ, ඉලක්ක කරා ගමන් කිරීම උදෙසා සුවිශාල පන්නරයක් වනු ඇත.
>> තවත් මලල ක්‍රීඩා පුවත් සඳහා පිවිසෙන්න – මලල ක්‍රීඩා පිටුවට <<
 දිනයේ දී එක්රැස් විය.){kind=link}