1998 වසරේ දී පළමු වතාවට ශ්‍රී ලංකා ජාතික ක්‍රිකට් කණ්ඩායම නියෝජනය කිරීමට වරම් දිනා ගත් තිලාන් සමරවීර දක්ෂ දකුණත් මැදපෙළ පිතිකරුවෙක්. ජාත්‍යන්තර එක්දින ක්‍රිකට් තරග 53ක් හා ටෙස්ට් තරග 81කට ක්‍රීඩා කරමින් ලකුණු 6324ක් රැස්කරගත් සමරවීර මෙතෙක් සිය මංගල ටෙස්ට් තරගයේ දී ම ශතක ලබාගෙන තිබෙන ශ්‍රී ලාංකික ක්‍රීඩකයින් තිදෙනාගෙන් එක් අයෙක් වෙනවා.
ශ්‍රී ලංකා ක්‍රිකට් ක්‍රීඩාව වෙනුවෙන් අනගි මෙහෙයක් ඉටු කළ හා ඉටු කරමින් සිටින සමරවීර කුඩා කාලයේ සිට ජාත්‍යන්තර ක්‍රිකට් පිටියේ අවසානය දක්වා සහ ශ්‍රී ලංකා ජාතික ක්‍රිකට් කණ්ඩායමේ පිතිකරණ පුහුණුකරු ලෙස කළ කී දෑ ඇතුළු සොඳුරු අතීත මතකයන් අප සමඟ මෙසේ බෙදා ගත්තේ ඉතාමත් සුහදත්වයෙනි. නරඹන්න ThePapare.com හා ප්‍රවීණ ක්‍රිකට් ලේඛක රෙක්ස් ක්ලෙමන්ටයින් එක්ව ඔබ වෙත ගෙන එන “Legends” වැඩසටහනේ හත්වැනි දිගහැරුම.
