ශ්‍රී ලංකා පාසල් ක්‍රිකට් සංගමය සංවිධානය කරන අන්තර් පාසල් වයස අවුරුදු 19න් පහළ සිංගර් කුසලාන ක්‍රිකට් තරගාවලියේ 2017/18 තරග සමයේ දී පළමු කොටසේ ක්‍රීඩා කිරීමට පානදුර සාන්ත ජෝන්ස් විද්‍යාලය සහ මාතර සාන්ත තෝමස් විද්‍යාලය සුදුසුකම් ලබා සිටී.
පසුගිය වසරේ පැවති වයස අවුරුදු 19න් පහළ ක්‍රිකට් තරගාවලියේ දෙවැනි කොටසේ ශූරයන් වූ පානදුර සාන්ත ජෝන්ස් විද්‍යාලය මෙවර පළමු කොටසේ “B” කොටසින් තරග වැදීමට නියමිත ය.
පහත රට සාන්තුවරයෝ ශූරතාව මාතොටට ගෙන යයි
ශ්‍රී ලංකා පාසල් ක්‍රිකට් සංගමය සංවිධානය කළ අන්තර් පාසල් වයස අවුරුදු 17න් පහළ සිංගර් කුසලාන පළමු..
දෙවැනි කොටසේ අනුශූරයන් වූ සාන්ත ජෝන්ස් විද්‍යාලය මෙවර පළමු කොටසේ දී “A” කාණ්ඩයෙන් තරග වැදීමට නියමිත ය. ඔවුන්ට හිමි තරග කාලසටහනේ දී පසුගිය වසරේ ලීග් ශූරයන් වූ කොළඹ තර්ස්ටන් විද්‍යාලය ද සිටියි.
එළඹෙන සතියේ දී ආරම්භ වීමට නියමිත මෙම තරගාවලිය සඳහා කණ්ඩායම් 36ක් සුදුසුකම් ලබා සිටින අතර තරගාවලිය කණ්ඩායම් 9කින් යුත් කාණ්ඩ 4කින් සමන්විත ය. පළමු වටය ලීග් තරගාවලියක් සේ පැවැත්වේ. කාණ්ඩ ශූරයන් තරගාවලියේ පෙර අර්ධ අවසන් පූර්ව වටය සඳහා සුදුසුකම් ලබා ගනී. මෙම වටය පිළිමළුන් පිටු දැකීමේ ක්‍රමයට පැවැත්වේ.
තරගාවලියේ ප්‍රසාද ලකුණු ලබා දීම මෙම කාලසටහනේ තරග 8ට අමතරව තමන් විසින් වාර්ෂිකව සහභාගී වන නම් කරන ලද තවත් කණ්ඩායම් 5ක් සමඟින් තරග 13කින් පමණක් ලබා දීමට සීමා කර තිබේ.
පසුගිය වසරේ දී මෙම ලීග් තරගාවලියේ ශූරයන් ලෙස කොළඹ තර්ස්ටන් විද්‍යාලය සුදුසුකම් ලැබුවේ ය.
පිළිමළුන් පිටු දැකීමේ තරගාවලියේ දී කොළඹ ආනන්ද විද්‍යාලය ශූරතාව දිනා ගත් අතර ගාල්ල රිච්මන්ඩ් විද්‍යාලය අනුශූරතාව දිනා ගත්තේ ය.
ලීග් තරගාවලියේ පෙර අර්ධ අවසන් පූර්ව වටයට සුදුසුකම් ලබන කණ්ඩායම් එක්දින තරගාවලිය සඳහා ද සුදුසුකම් ලබන අතර මෙම තරගාවලිය ද පිළිමළුන් පිටු දැකීමේ ක්‍රමයට පැවැත්වේ.
පසුගිය වසරේ එක් දින තරගාවලියේ ශූරතාව ගාල්ල රිච්මන්ඩ් විද්‍යාලය දිනා ගත් අතර අනුශූරතාව කොළඹ තර්ස්ටන් විද්‍යාලය හිමි කර ගත්තේ ය.
පසුගිය වසරේ පළමු කොටසින් තරග වැදුණ කොළඹ රාජකීය විද්‍යාලය සහ අනුරාධපුර මධ්‍ය මහා විද්‍යාලය මෙවර දෙවැනි කොටස දක්වා පහත වැටී ඇත. අනුරාධපුර මධ්‍ය මහා විද්‍යාලය අඩු ප්‍රසාද ලකුණු ලබා ගැනීම හේතුවෙන් දෙවැනි කොටස දක්වා පහත වැටුණි. රාජකීය විද්‍යාලය මෙම කොටසට එක් වූයේ ලියා පදිංචි නොවූ ක්‍රීඩකයෙක් තරගවලට සහභාගී කරවීම හේතුවෙන් ඔවුන්ට එරෙහිව පැවති විමර්ශන කටයුත්තක දී ඔවුන්ගේ ප්‍රසාද ලකුණු අඩු කිරීම හේතුවෙනි.
තරගාවලියේ කාල සටහනේ තරගවලින් තරග 3ක් දෙසැම්බර් මස 31 වැනි දිනට පෙර පැවැත්විය යුතු අතර සියලු තරග පෙබරවාරි මස 15 වැනි දිනට පෙර පැවැත්විය යුතු බවට ශ්‍රී ලංකා පාසල් ක්‍රිකට් සංගමය පවසයි.
තරගාවලිය සඳහා සහභාගී වන කණ්ඩායම්
Group “A”
තර්ස්ටන් විද්‍යාලය (කොළඹ), සාන්ත තෝමස් විද්‍යාලය (මාතර), ධර්මාශෝක විද්‍යාලය (අම්බලන්ගොඩ), මොරටු විද්‍යාලය, ත්‍රිත්ව විද්‍යාලය (මහනුවර), බණ්ඩාරනායක මධ්‍ය මහා විද්‍යාලය (ගම්පහ), ඩී. එස්. සේනානායක විද්‍යාලය (කොළඹ), සාන්ත බෙනඩික්ට් විද්‍යාලය (කොටහේන), සාන්ත සෙබස්තියන් විද්‍යාලය (මොරටුව)
Group “B”
මාරිස් ස්ටෙල්ලා විද්‍යාලය (මීගමුව), සාන්ත ජෝන්ස් විද්‍යාලය (පානදුර), සාන්ත ඇලෝසියස් විද්‍යාලය (ගාල්ල), සාන්ත අන්තෝනි විද්‍යාලය (වත්තල), මහානාම විද්‍යාලය (කොළඹ), ජනාධිපති විද්‍යාලය (කෝට්ටේ), වේල්ස් කුමාර විද්‍යාලය (මොරටුව), සාන්ත මරියා විද්‍යාලය (කෑගල්ල), ඉසිපතන විද්‍යාලය (කොළඹ)
Group “C”
රිච්මන්ඩ් විද්‍යාලය (ගාල්ල), ධර්මපාල විද්‍යාලය (පන්නිපිටිය), සාන්ත පීතර විද්‍යාලය (කොළඹ), වෙස්ලි විද්‍යාලය (කොළඹ), නාලන්ද විද්‍යාලය (කොළඹ), ධර්මරාජ විද්‍යාලය (මහනුවර), සාන්ත සර්වේශස් විද්‍යාලය (මාතර), ගුරුකුල විද්‍යාලය (කැළණිය), සාන්ත ජෝසප් වාස් විද්‍යාලය (වෙන්නප්පුව)
Group “D”
සාන්ත තෝමස් විද්‍යාලය (ගල්කිස්ස), මහින්ද විද්‍යාලය (ගාල්ල), ආනන්ද විද්‍යාලය (කොළඹ), ද මැසිනොද් විද්‍යාලය (කඳාන), සාන්ත ජෝසප් විද්‍යාලය (කොළඹ), සාන්ත සිල්වෙස්තර විද්‍යාලය (මහනුවර), ලුම්බිණි විද්‍යාලය (කොළඹ), සහිරා විද්‍යාලය (කොළඹ), මලියදේව විද්‍යාලය (කුරුණෑගල)
>> තවත් ක්‍රිකට් පුවත් සඳහා පිවිසෙන්න –ක්‍රිකට් ක්‍රීඩා පිටුවට <<
