ශ්‍රී ලංකා මේස පන්දුව ආසියානු ශූරතාවයට සුදුසුකම් ලබයි

ගල්කිස්ස සාන්ත තෝමස් විද්‍යාලයීය ගෘහස්ථ ක්‍රීඩාංගණයේ දී පැවැත්වෙන දකුණු ආසියානු මේස පන්දු තරගාවලියේ දෙවන දිනය වන අද (20) නිමාවට පත් වූයේ කණ්ඩායම් තරගාවලියේ දී ශ්‍රී ලංකාව රිදි පදක්කම ජයග්‍රහණය කරමිනි.

ශ්‍රී ලංකාව මේස පන්දුවෙන් ඉතිහාසයට

ආසියානු හා දකුණු ආසියානු කනිෂ්ඨ මේස පන්දු තරගාවලිය ඊයේ (19) ගල්කිස්ස ‍ස‍ාන්ත තෝමස් විද්‍යාලයීය ගෘහස්ථ ක්‍රීඩාංගණයේ දී ආරම්භ වූයේ ගරු ක්‍රීඩා අමාත්‍ය දයාසිරි ජයසේකර මැතිතුමාගේ ප්‍රධානත්වයෙනි.

මෙම තරගාවලිය අදියර දෙකකින් පැවැත්වෙන අතර පළමු අදියරේ දී අවුරුදු 18න් පහළ හා 15න් පහළ වයස් කාණ්ඩ සඳහා පැවති කණ්ඩායම් තරග අද (20) අවසන් වූ අතර එම අදියරේ රන් පදක්කම ඉන්දීය කණ්ඩායම විසින් දිනා ගත්තේය.

එම අංශයේම රිදී පදක්කම දිනා ගැනීමට ශ්‍රී ලංකා කණ්ඩායම සමත් වූයේ අවුරුදු 18න් පහළ බාලක අංශය ප්‍රසාද ලකුණු 7කුත්, එම අංශයේම බාලිකා කාණ්ඩය ප්‍රසාද ලකුණු 5කුත්, අවුරුදු 15න් පහළ බාලක හා බාලිකා අංශ පිළිවෙළින් ප්‍රසාද ලකුණු 7ක්, හා 5කුත් ලබා ගනිමිනුයි.

වයස අවුරුදු 15න් පහළ ශ්‍රී ලංකා කණ්ඩායමට ප්‍රබල අභියෝගයක් වූයේ ප්‍රබල ඉන්දීය කණ්ඩායමේ භාර්ගාවා වන්ශිකා සහ කේ. අනූෂා යන ක්‍රීඩිකාවන් දෙපලයි. ඔවුන්ගෙන් එල්ල වූ ප්‍රබල පීඩනය හමුවේ ජිතාරා වර්ණකුලසූරිය හා ඩී. එච්. කොළඹගේ අසරණ විය.

ඊට අමතරව වයස 18න් පහළ බාලිකා අංශයේ තරගවල දී පකිස්ථාන ක්‍රීඩිකාවන් දෙදෙනෙකු වන ෆාතිමා කාන් සහ හරීන් අලි ඉතා දක්ෂ ලෙස ප්‍රතිවාදීන්ට මුහුණ දෙනු දක්නට ලැබුණි. එහෙත් ශ්‍රී ලංකා කණ්ඩායමේ හංසනී පියුමිලා සහ හරීන් අලී අතර තරගයේ දී වට 3/0 ලෙස ජය ගැනීමට හංසනී සමත් විය. (11/07,11/05,11/04).

හංසනී පියුමිලා සහ මාලදිවයින් කණ්ඩායම අතර පැවති තරගයේ දී ද අයි. ලයිසා ක්‍රීඩිකාව පරාජය කළේ ද වට 3/0ක් ලෙස වන අතර එහි පළමු වටයේ දී 11/05ක්, දෙවන වටයේ දී 13/11, අවසන් වටයේ දී 11/06ක් ලෙස ලකුණු පුවරුව දිස්විය.

අවුරුදු 15න් පහළ බාලක අංශයේ ශ්‍රී ලංකාව නියෝජනය කළ චන්දූප අලහකෝන් ප්‍රතිවාදී කණ්ඩායම්වලට ප්‍රබල අභියෝගයක් විය. ඊට නොදෙවෙනි අභියෝගයක් එල්ල කරන්නට තිසස් රංචාගොඩ සහ දෙම්මින් වීරසේනට ද හැකි විය.

මේ අයුරින් දස්කම් දැක්වූ ශ්‍රී ලංකා 15න් පහළ බාලක හා බාලිකා කණ්ඩායමත්, 18න් පහළ බාලක හා බාලිකා කණ්ඩායමත් දිනය අවසන් වන විට රිදී පදක්කමට හිමිකම් කියන්නට සමත් වූ අතර තෙවන තැන හිමි කර ගනිමින් ලෝකඩ පදක්කම හිමි වූයේ පකිස්ථාන කණ්ඩායමටයි.

18න් පහළ බාලක අවසන් ප්‍රතිඵල

18න් පහළ බාලිකා අවසන් ප්‍රතිඵල

15න් පහළ බාලක අවසන් ප්‍රතිඵල

15න් පහළ බාලිකා අවසන් ප්‍රතිඵල

ඒ අනුව ශ්‍රී ලංකා 15න් පහළ බාලක, බාලිකා කණ්ඩායම හා 18න් පහළ බාලක බාලිකා කණ්ඩායම් එළඹෙන ආසියානු ශූරතාවලිය සඳහා මේ වන විට සුදුසුකම් ලබා තිබෙන අතර මෙම තරගාවලිය ශ්‍රී ලංකාවේ පැවැත්වීම ඒ සඳහා සුදුසුකම් ලැබීමට මහත් වූ පිටිවහලක් වූ බව සංවිධාන කමිටුවේ සභාපති චන්දන පෙරේරා මහතා ThePapare.com සමඟින් ප්‍රකාශ කර සිටියේය.

“ඇත්තටම අද (20) දවසේ අපේ කණ්ඩායමට රිදී පදක්කම හිමි වුනා. ඒත් අපිට කනගාටුවක් නැහැ. හේතුව අපේ කණ්ඩායම් දෙකම මේ දක්වපු දක්ෂතා හේතුවෙන් මේ වන විට ආසියානු ශූරතාවලියට සුදුසුකම් ලබාගෙන අවසන්”.

වයස අවුරුදු 18න් පහළ බාලක

වයස අවුරුදු 18න් පහළ බාලක

අවුරුදු 15න් පහළ බාලිකා

අවුරුදු 15න් පහළ බාලක

හෙට (21) තරගාවලියේ තුන්වන දිනය හෙවත් අවසන් දිනය වන අතර දෙවන අදියරේ කේවල හා යුගල තරග ද හෙට පැවැත්වීමට නියමිත ඇත. ඊට අමතරව වයස අවුරුදු 18න් පහළ පිරිමි අවසන් තරග ද පැවැත්වීමට නියමිතයි.

 තවත් පුවත් සඳහා පිවිසෙන්න – මුල් පිටුවට