එළඹෙන ජූලි 15 වැනිදා සිට 24 වැනිදා දක්වා ඇමරිකා එක්සත් ජනපදයේ Oregon හිදි පැවැත්වීමට නියමිත “2022 ලෝක මලල ක්‍රීඩා ශූරතාවය” සඳහා ශ්‍රේණිගත කිරීම් මත ශ්‍රී ලාංකික ක්‍රීඩක ක්‍රීඩිකාවන් 5 දෙදෙනකු සුදුසුකම් ලබා ගැනීමට ආසන්නව සිටිනවා.
මේ වන තෙක් කිසිදු ශ්‍රී ලාංකිකයෙකු මෙවර තරගාවලියේ පරිසාධන මට්ටම් සපුරා නොමැති අතර තරගාවලිය සඳහා සුදුසුකම් ලබා ගැනීමේ කාලය ජුනි 26 වැනිදායින් අවසන් වීමට නියමිතයි.
කෙසේ නමුත් ලෝක ශ්‍රේණිගත කිරීමේ පදනම මත (World Ranking quota) යුපුන් අබේකෝන් (පිරිමි මීටර් 100), නිලානි රත්නායක (කාන්තා මීටර් 300 බාධක දිවීම) සහ සුමේධ රණසිංහ (පිරිමි හෙල්ල විසි කිරීම) යන ක්‍රීඩක ක්‍රීඩිකාවන් තරගාවලිය සඳහා සුදුසුකම් හිමි වන කොටස අතර සිටිනවා.
- සාරංගි විදෙස් සංචාරයක
- ඉන්දීය මලල ක්‍රීඩා ශූරතාවයකට ශ්‍රී ලංකාවෙන් 12ක්
- ප්‍රබල ක්‍රීඩකයින්ට අභියෝග කරමින් යුපුන්ගෙන් තවත් සටන්කාමී ධාවනයක්
- ඇමරිකාවේ දී උෂාන් නැවතත් පළමු ස්ථානයට
- කල් ගිය ජාතික කනිෂ්ඨ මලල ක්‍රීඩා ශූරතාවය නැවතති
තරගාවලියේ මීටර් 100 පරිසාධන මට්ටම වන තත්පර 10.05 ආසන්නයට පැමිණීමට යුපුන් පසුගිය දා සමත් වුනේ ජාතික මෙන්ම දකුණු ආසියා වාර්තා ද සියතට ගනිමින් තත්පර 10.06ක කාලයක් වාර්තා කරමිනුයි.
කෙසේ නමුත් මේ වන විට ඔහු දක්වා තිබෙන සුපිරි දක්ෂතා අනුව ඔහු ලෝක මීටර් 100 ශ්‍රේණිගත කිරීම් හි 35 වැනි ස්ථානයේ රැඳී සිටින අතර මෙම ඉසව්ව සඳහා quota ක්‍රමය පදනම්ව තෝරා ගන්නා ලබනු ක්‍රීඩකයින් ගණන 48ක්.
බාධක දිවීමේ ශූරි නිලානි ද quota ක්‍රමය මත 35 වැනි ස්ථානයේ පසු වන්නේ සුදුසුකම් ලබා ගැනීමේ කාලසීමාව තුල අඩු තරග සංඛ්‍යාව පැවැත්වෙන පසුබිමක් තුලයි. 31 හැවිරිදි නිලානි නිමා වූ ටෝකියෝ ඔලිම්පික් උළෙල සඳහා ද ඉතාමත් ආසන්නයට පැමිණියත්, පැවැත්වූ තරග ඉසව් සංඛ්‍යාව අඩු වීම නිසාවෙන් අවසන් මොහොතේ ඇයට ඔලිම්පික් වරම් අහිමි වී ගියා.
ලෝක මලල ක්‍රීඩා ශූරතාවය සඳහා සුදුසුකම් ලබා ගැනීමේ කාලසීමාව අවසානයට තවත් සති 3ක් පමණ තිබෙන අතර මිනිත්තු 9:30.00 පරිසාධන මට්ටම අභිබවා යන්නට නිලානි අපේක්ෂාවෙන් පසුවන්නේ ඉසව්ව සඳහා තෝරා ගනු ලබන ක්‍රීඩිකාවන් 45 දෙනා අතරට කෙසේ හෝ සුදුසුකම් ලබා ගැනීමේ දැඩි අපේක්ෂාවෙනි. ඇය විසින් මෙම ඉසව්වට දක්වා තිබෙන හොඳම කාලය වන්නේ මිනිත්තු 9:40.24ක්.
මීටර් 82.18ක තරග වාරයේ හොඳම දක්ෂතාවය සමඟින් quota පදනම මත සුදුසුකම් ලබා ගන්නා ක්‍රීඩකයින් අතර තැනක් වෙන් කරගන්නට ප්‍රවීණ හෙල්ල විසිකිරීමේ ක්‍රීඩක සුමේධ සමත් වී සිටිනවා.
කෙසේ නමුත් ඔහු මේ වන විට රැඳී සිටින 29 වැනි ස්ථානය තවත් සුරක්ෂිතව තබා ගැනීම සඳහා ඉදිරියේ දී ඔහු සහභාගී වීමට නියමිත තරගාවලිවල දී හොඳින් දක්ෂතා දැක්විය යුතු වනවා. මෙම ඉසව්ව සඳහා තෝරා ගනු ලබන ක්‍රීඩකයින් ගණන 32ක් වන අතර පරිසාධන මට්ටම දැක්වෙන්නේ මීටර් 85ක් ලෙසයි. සුමේධගේ හොඳම දක්ෂතාවය ලෙස සටහන් වන්නේ මීටර් 83.04ක දුරක්.
ඉහත සඳහන් ක්‍රීඩක ක්‍රීඩිකාවන්ට අමතරව උෂාන් තිවංක (පිරිමි උස පැනීම), ධනුෂ්ක සඳරුවන් (පිරිමි දුර පැනීම) ද තරගාවලිය සඳහා quota පදනම මත සුදුසුකම් ලබා ගැනීමට අපේක්ෂාවෙන් පසුවනවා.
උෂාන් මේ වන විට 33 වැනි ස්ථානයේ පසු වන අතර ධනුෂ්ක පසුවන්නේ 42 වැනි ස්ථානයේයි. ඔවුන් සහභාගී වන ඉසව්ව සඳහා තෝරා ගනු ලබන සමස්ත ක්‍රීඩකයින් සංඛ්‍යාව පිළිවෙළින් 32ක් සහ 42ක්.
>> තවත් මලල ක්‍රීඩා පුවත් සඳහා පිවිසෙන්න
