ஆசிய மெய்வல்லுனர் சம்பியன்ஷிப் போட்டிகளுக்கான இறுதிக்கட்ட தெரிவுகள் ஆரம்பம்

ஆசிய மெய்வல்லுனர் சம்பியன்ஷிப் போட்டியில் பங்கேற்கும் இலங்கை தேசிய குழாமை தெரிவு செய்யும் இறுதிக்கட்ட தெரிவு நடவடிக்கைகளை ஜூன் முதலாம் மற்றும் இரண்டாம் திகதிகளில் டயகம மஹிந்த ராஜபக்ஷ அரங்கத்தில் நடாத்தவுள்ளதாக இலங்கை மெய்வல்லுனர் சங்கம் (AASL) அறிவித்துள்ளது.

எதிர்வரும் ஜூலை மாதம் 6ஆம் திகதி முதல் 9ஆம் திகதி வரை இந்தியாவிலுள்ள புபனேஸ்வரில் நடைபெறும் ஆசிய மெய்வல்லுனர் சம்பியன்ஷிப் போட்டிகளுக்கான இலங்கை குழாம் இதன்போது தெரிவுசெய்யப்படவுள்ளது.

கடந்த மே மாதம் 3ஆம் மற்றும் 4ஆம் திகதிகளில் நடைபெறவிருந்த தெரிவு நடவடிக்கைகள், ஆசிய சம்பியன்ஷிப் போட்டிகள் ஜூலை மாதத்துக்கு மாற்றப்பட்டதால் பிற்போடப்பட்டிருந்தது. அத்துடன் போட்டி நடைபெறவிருந்த ராஞ்சி நகரிலிருந்து இருந்து புபனேஸ்வரத்திற்கு மாற்றப்பட்டது.

அந்த வகையில், இந்த தெரிவுக்கு பங்கேற்க உள்ள வீரர்கள் இலங்கை மெய்வல்லுனர் சங்கத்தால் ஏற்றுக்கொள்ளக்கூடிய குறைந்தபட்ச தகுதிகளை கொண்டிருந்தால் மாத்திரமே தெரிவுக்கு அனுமதிக்கப்படுவார்கள். அதேநேரம், இவ்வருட இறுதியில் இங்கிலாந்தில் நடைபெறவுள்ள உலக சம்பியன்ஷிப் போட்டிகளுக்கான சர்வதேச மெய்வல்லுனர் சங்கத்தின் தரத் தகுதி பெற்றுக்கொள்ளவும் வழியமைத்து கொடுக்கின்றது.

தெரிவுக்கான குறைந்த பட்ச தகைமைகள்