එළඹෙන නොවැම්බර් මාසයේ දී පැවැත්වීමට නියමිත Abu Dhabi T10 තරගාවලිය සඳහා ශ්‍රී ලාංකික ක්‍රීඩකයින් 21 දෙනෙකු තෝරාගෙන තිබෙනවා.
තරගාවලියේ වත්මන් ශූරයින් වන New York Strikers කණ්ඩායම විසින් මතීෂ පතිරණ, කුසල් ජනිත් පෙරේරා සහ යොවුන් ක්‍රීඩක දුමිඳු සෙව්මිණ තම කණ්ඩායමට තෝරා ගෙන ඇති අතර, Chennai Brave Jaguars කණ්ඩායමේ ශ්‍රී ලංකා සහභාගීත්වය ක්‍රීඩකයින් හය දෙනෙක් ලෙස සටහන් වී තිබීමත් විශේෂත්වයක්.
තිසර පෙරේරා, ඇන්ජලෝ මැතිව්ස්, භානුක රාජපක්ෂ, දසුන් ශානක ඇතුළු ශ්‍රී ලංකාවේ මුල් පෙළේ ක්‍රීඩකයින් රැසක් මෙවරත් තරගාවලියේ දී ක්‍රීඩා කරනු ඇති.
- ශ්‍රී ලංකා පළමු ඉනිමට නවසීලන්තයෙන් ප්‍රබල පිළිතුරක්
- Major Club කාන්තා එක්දින තරගාවලියටත් දින තබයි
- Youth පිටිය වැනසූ කෙල්ලෝ
- ශ්‍රී ලංකා – එංගලන්ත ටෙස්ට් තරග ඉතිහාසය
- England Lions පහසු ජයක් කරා
තරගාවලියට තෝරා ගැනුණු ශ්‍රී ලාංකික ක්‍රීඩකයින්;
- ශෙවෝන් ඩැනියෙල්, දුනිත් වෙල්ලාලගේ (Ajman Bolts)
- දසුන් ශානක, රවිඳු රත්නායක (Bangla Tigers)
- තිසර පෙරේරා, නුවන් තුෂාර, භානුක රාජපක්ෂ, අකිල ධනංජය, ගරුක සංකේත්, කවිඳු නදීශාන් (Chennai Brave Jaguars)
- මහීෂ් තීක්ෂණ, මල්ශ තරුපති (Decan Gladiators)
- වනිඳු හසරංග, කසුන් රාජිත, පවන් රත්නායක (Delhi Bulls)
- මතීෂ පතිරණ, කුසල් පෙරේරා, දුමිඳු සෙව්මිණ (New York Strikers)
- මුදිත ලක්ෂාන්, ඇන්ජලෝ මැතිව්ස් (Team Abu Dhabi)
- බිනුර ප්‍රනාන්දු (UP Warriors)
එළඹෙන නොවැම්බර් මස 21 සිට දෙසැම්බර් 2 දා දක්වා ක්‍රියාත්මක වීමට නියමිත මෙවර තරගාවලියට කණ්ඩායම් දහයක් සහභාගී වීමට නියමිතයි.
මෙම තරගාවලිය පිළිබඳ සියලු උණුසුම් තතු විත්ති ඔබ වෙත සමීප කිරීමට ThePapare සූදානම්, රැඳී සිටින්න ශ්‍රී ලංකාවේ අංක එකේ ක්‍රීඩා නාලිකාව ThePapare සමඟින්.
>> තවත් ක්‍රිකට් පුවත් සඳහා පිවිසෙන්න <<
