ඩයලොග් රග්බි ලීගයේ දෙවන වටයේ තරග කාලසටහන නිකුත් වෙයි

පසුගිය සති අන්තයේ දී (23) සාර්ථකව නිමාවට පත්වූ ඩයලොග් රග්බි ලීගයේ දෙවන වටයේ තරග එළඹෙන 2019 වසරේ ජනවාරි 04 වැනිදා යුධ හමුදා ක්‍රීඩා පිටියේ දී ආරම්භ වීමට නියමිතයි. එහි දී ලීගයේ දෙවන වටය ආරම්භ කරමින් තරග වදින්නේ හැව්ලොක් ක්‍රීඩා සමාජය සමඟ යුධ හමුදා ක්‍රීඩා සමාජයයි.

>>LeaderBoard – Dialog Rugby<<

පසුගිය නොවැම්බර් මස ආරම්භ කළ මෙවර ඩයලොග් රග්බි ලීගයේ පළමු වටයේ තරග සති 7ක් තුළ පැවැත්වුණු අතර එකිනෙකාට නොදෙවෙනි ලෙස ක්‍රීඩා කරමින් ඉතාමත් තියුණු තරග රාශියක් දැකගත හැකි විය. එහි දී මහනුවර ක්‍රීඩා සමාජය ලීගය පුරා දැක්වූ දක්ෂතා කැපී පෙනුණි.

මෙවර ඩයලොග් රග්බි ලීගයේ පළමු වටය අවසන් වන විට අපරාජිතව සිටිමින් ප්‍රසාද ලකුණු සටහනෙහි පෙරමුණ ගැනීමට මහනුවර ක්‍රීඩා සමාජය සමත් වී ඇත. හැව්ලොක් ක්‍රීඩා සමාජය ප්‍රසාද ලකුණු සටහනෙහි දෙවන ස්ථානය හිමිකර ගෙන සිටින්නේ මහනුවර ක්‍රීඩා සමාජය හමුවේ එක් තරගයක් පමණක් පරාජයට පත්වීමෙනි.

පළමු වටය අවසානයේ දී ප්‍රසාද ලකුණු සටහනෙහි හිමිකර ගත ස්ථානය අනුව දෙවන වටයේ තරග පැවැත්වෙන අතර ලීගයේ දෙවන වටයේ තරග ද එළඹෙන ජනවාරි මාසයේ සිට සති 7ක් පුරා පැවැත්වීමට නියමිතයි. අපරාජිත මහනුවර ක්‍රීඩා සමාජය ඔවුන්ගේ දෙවන වටයේ තරග ආරම්භ කරමින් තරග වදින්නේ මෙවර ලීගයේ 8වන ස්ථානය හිමිකර ගත් ගුවන් හමුදා ක්‍රීඩා සමාජය සමඟයි.

මෙවර ඩයලොග් රග්බි ලීගයේ තිබෙන විශේෂිත කරුණක් වන්නේ ශූරතාවය හිමිකර ගැනීමට සඳහා ආරම්භ වීමට නියමිත දෙවන වටයේ තරග වලින් අනතුරුව පැවැත්වීමට නියමිත “සුපර් ලීගය” ද ජයග්‍රහණය කළ යුතු වීමයි. 2019 වසරේ පෙබරවාරි මස 23 වැනිදා ආරම්භ වීමට නියමිත සුපර් ලීගය මාර්තු මස 03 වැනිදා දක්වා පැවැත්වීමට නියමිතයි.

මෙවර ඩයලොග් රග්බි ලීගයේ දෙවන වටයේ තරග කාලසටහන

ආරම්භ වීමට නියමිත ඩයලොග් රග්බි ලීගයේ දෙවන වටයේ තරග වල සජීව දසුන්, තරග වාර්තා, ඡායාරූප සහ විශේෂ අවස්ථා ඔබ වෙත ගෙන ඒමට ශ්‍රී ලංකාවේ අංක 1 ක්‍රීඩා වෙබ් අඩවිය වන ThaPapare.com අපි සූදානමින් සිටින්නෙමු. රැඳී සිටින්න ThePapare.com සමඟම.

>> තවත් රග්බි පුවත් සඳහා පිවිසෙන්න – රග්බි පිටුවට <<