කුසල්ලාගේ සිහින රහීම්ගේ ප්‍රහාරයෙන් සුනුවිසුනු වෙයි

තරගය ජය ගැනීමට සඳහා වෙනසක් අත්‍යවශ්‍ය වූ මෙම තරගයේ දී තමීම් ඉක්බාල් සමඟ ඉනිම කිරීමට උසස්වීමක් ලද ලිටන් දාස්, බංග්ලාදේශය ලද ඓතිහාසික ජයග්‍රහණයට මූලික අඩිතාලම එක් කරන ලද පිතිකරුවා බවට පත්විය. ලිටන් මුහුණ දුන් පන්දු 19 දී හයේ පහර 5ක් සහ හතරේ පහර 2ක් සමඟින් රැස් කරගන්නා ලද ලකුණු 43 බංග්ලාදේශ ජයග්‍රහණයට අවශ්‍ය මූලිකම උත්තේජනය විය. ලිටන්ගේ ඉනිම ප‍්‍රධාන කොට පවර් ප්ලේ අවස්ථාවට හිමි පන්දුවාර 6 දී ලකුණු 74ක් රැස් කර ගැනීමට බංග්ලාදේශ පිලට හැකි විය.

පවර් ප්ලේ අවස්ථාව හෙවත් අධිවේගී පන්දුවාර 6 අවසන් වීමට පෙර ප‍්‍රථම පළමු කඩුල්ල ලෙසින් ධනුෂ්ක ගුණතිලක පිටියෙන් ඉවත් වුවත්, කුසල් මෙන්ඩිස් සමඟ එක්ව වේගවත් ලකුණු 56ක් එක් කිරීමට ඔහු සමත් විය. අනතුරුව මෙන්ඩිස්ට එක්වූ කුසල් පෙරේරා දෙවැනි කඩුල්ල වෙනුවෙන් ලකුණු 85ක් එක් කළේ පන්දු 53ක් පමණක්  වැය කරමිනි.

ශ‍්‍රී ලංකා විස්සයි විස්ස ඉතිහාසයේ පළමු පිතිකරුවන් තිදෙනකු එක්ව ලකුණු 50ට වඩා කඩුලු සම්බන්ධතාවන් එක් කළ දෙවැනි තරගය ලෙස ද මෙම තරගය ඉතිහාස ගත විය. එම වේගවත් සම්බන්ධතාව ප්‍රධාන කොට අධිවේගී පන්දුවාර 6 අවසන් වන විට ශ‍්‍රී ලංකා ලකුණු පුවරුව එක් කඩුල්ලකට ලකුණු 71ක් ලෙසින් සටහන් විය.

මෙන්ඩිස් විසින් ඊයේ රැස් කර ගන්නා ලද්දේ ඔහුගේ විස්සයි විස්ස දිවියේ තෙවැනි අර්ධ ශතකය වන අතර එම ඉනිම තුනම බංග්ලාදේශයට එරෙහිව පිටපිටම රැස් කරන ලද එ්වා වීම විශේෂත්වයක් විය. පන්දු 25 ලකුණු 50 පන්දු 25ක දී ද, දෙවැනි ලකුණු 50 පන්දු 29ක දී ද සපුරාගෙන තිබූ කුසල් මෙම තරගයේ දී අර්ධ ශතකය සම්පූර්ණ කරගන්නා ලද්දේ මුහුණ දුන් 26 වැනි පන්දුවේදීය.

”ඒක මෙතන කියන්න බැහැ. අනිත් කැප්ටන් ලා ඉන්නවනේ.” – චන්දිමාල්

ශ්‍රී ලංකාවේ 70 වන නිදහස් සමරුවට සමගාමීව ඉන්දියාවේ සහ බංග්ලාදේශයේ සහභාගීත්වයෙන් පැවැත්වෙන නිදහස් …

බංග්ලාදේශ පන්දු යවන්නන්ට දැඩි හිසරදයක් බවට පත් වුන කුසල්ලාගේ සම්බන්ධතාවය අතරතුර මෙහෙදි හසන් ක්‍රියාත්මක කරන ලද 11 වැනි පන්දුවාරයේ දෙවැනි පන්දුවට කුසල් පෙරේරාගේ පිත්තෙන් එල්ල වුන 6 පහරත් සමඟ ශ‍්‍රී ලංකාව ලකුණු 100 සීමාව පසු කර ගියේය. 6 වැනි පන්දුවාරයේ 5 වැනි පන්දුවේ සිට 10 වැනි පන්දුවාරයේ දෙවැනි පන්දුව දක්වා වූ පන්දු 21ක තුළ දී කුසල්ලාට අභියෝගයක් එල්ල කිරීමට බංග්ලාදේශ පන්දු යවන්නන් සමත් වූ අතර එ් අතරතුර දී එකම හයේ පහරක් හෝ හතරේ පහරක් හතරේ සීමාවට එපිටින් යැවීමට කුසල් ලා අපෙහොසත් වූහ. යම් ලෙසකින් එම පන්දු 21 තුළ දැවැන්ත පහර කීපයක් එල්ල කිරීමට පිතිකරුවන්ට හැකි වූයේ නම් මීට වඩා ලකුණු සංඛ්‍යාවක් ලකුණු පුවරුවේ රැඳවීමට ශ‍්‍රී ලංකාවට හැකි වනු ඇත.

මහමුදුල්ලාගේ පළමු පන්දුවාරයේ පළමු පන්දුවට ලෝන්  ඕන් කලාපයට ඉහළින් හයේ පහරක් එල්ල කළ කුසල්, එ් අයුරින්ම ලකුණු ලබා ගැනීමට උනන්දු වද්දී පෙර පහරට සාපේක්ෂව වඩා අඩු ජවයක් එම පහරේ තිබීම නිසා එය උඩ පන්දුවක් වශයෙන් සබීර් රෙහ්මාන්ගේ දෑතේ සිරවිය. මෙන්ඩිස්ගේ ඉනිම නිමාවට පත්වන විට ඔහු සිය ඉනිම හයේ පහර 5කින් සහ හතරේ පහර 2කින් අලංකාර කර ගනිමින් පන්දු 30ක දී ලකුණු 57ක් රැස් කරගෙන සිටියේය.

හතේ හත වැදී සිටි ලංකාවට කුසල් පිහිට වුන හැටි

අවසන් වසර 2ක කාලය තුල දී විස්සයි විස්ස තරග අංශයේ දී ඉන්දියාව හමුවේ හතේ හත වැදී සිටි ශ‍්‍රී ලංකා කණ්ඩායමේ …

මෙන්ඩිස්ගේ දැවී යෑමෙන් පන්දු 3කට පසු දසුන් ශානකව තවත් ලකුණු 08ක් ලකුණු පුවරුවට එක් වන විට නායක චන්දිමාල් ද දැවී යෑම නිසා ශ‍්‍රී ලංකාවට යම් අවදානමක් එක් කරන්නක් විය. එහෙත් වගකීම කරට ගත් කුසල් පෙරේරා ශ‍්‍රී ලංකා ඉනිමේ සාර්ථකම පිතිකරුවා වෙමින් පන්දු 48ක දී ලකුණු 74ක් රැස් කළේය. 34 වැනි පන්දුවාරයේ දී 9 වැනි අර්ධ ශතකය සම්පූර්ණ කර ගත් කුසල් සිය ඉනිම හයේ පහර 2කින් සහ හතරේ පහර 8කින් සරසා ගෙන තිබුණි. ශ‍්‍රී ලංකා ඉනිමේ 5 වැනි පිතිකරුවා ලෙසින් කුසල් දැවී යෑමට පෙර උපුල් තරංග සමඟ පන්දු 26ක දී ලකුණු 55ක වේගවත් සම්බන්ධතාවක් පවත්වා ශ‍්‍රී ලංකා පිලේ ලකුණු සංඛ්‍යාව ලකුණු 200 ඔබ්බට රැගෙන ගොස් තිබුණි. ලකුණු 205ක් තිබිය දී කුසල් දැවී ගිය ද සිය සටන අත් නොහළ උපුල් තරංග හයේ පහරක් සහ හතරේ පහර 4ක් සමඟින් පන්දු 15ක දී ලකුණු 32ක් ලබා ශ‍්‍රී ලංකා ඉනිම අවසාන වන තෙක්ම කඩුල්ල ආරක්ෂා කරගෙන සිටියේය.

ශ‍්‍රී ලංකාව පන්දුවාර 20 දී 214/6 යි – කුසල් පෙරේරා 74, කුසල් මෙන්ඩිස් 57, ධනුෂ්ක ගුණතිලක 26, උපුල් තරංග 32*, මුස්ටෆිසූර් රෙහ්මාන් 48/3, මහමුදුල්ලා 15/2*

බංග්ලාදේශය පන්දුවාර 19.4 කදී ලකුණු 215/5 යි – ලිටන් දාස් 43, තමීම් ඉක්බාල් 47, මුෂ්ෆිකර් රහීම් 72*, සෞම්‍ය සර්කාර් 24, මහමුදුල්ලා 20, නුවන් ප‍්‍රදීප් 37/2, දුෂ්මන්ත චමීර 44/1, තිසර පෙරේරා 36/1*

>> තවත් ක්‍රිකට් පුවත් සඳහා පිවිසෙන්න <<