இலங்கை பாடசாலைகள் கிரிக்கெட் சங்கத்தினால் நடத்தப்படும் 19 வயதுக்குட்பட்ட பாடசாலை அணிகளுக்கு இடையிலான முதலாம் பிரிவு சிங்கர் கிண்ண இருபது 20 கிரிக்கெட் போட்டியில் கொட்டாஞ்சேனை புனித பெனடிக்ற் கல்லூரி சம்பியனானது
கெத்தாராம ஆர்.பிரேமதாச சர்வதேச விளையாட்டரங்கில் நேற்று பிற்பகல் நடைபெற்ற இறுதிப் போட்டியில் பம்பலப்பிட்டி புனித பீட்டர் கல்லூரியை 22 ஓட்டங்களால் வெற்றிகொண்டு புனித பெனடிக்ற் சம்பியன் கிண்ணத்தை சுவீகரித்தது.
துலின டில்ஷான்இ மஹேல ஜயலத் ஆகியோரின் திறமையான துடுப்பாட்டங்களும் கீதால் பெர்னாண்டோவின் துல்லியமான பந்து வீச்சும் புனித பெனடிக்ற் முதல் தடவையாக பாடசாலை இருபது 20 கிரிக்கெட் போட்டியில் சம்பியனாக வைத்தன.
இப்போட்டியில் முதலில் துடுப்பெடுத்தாடத் தீர்மானித்த புனித பெனடிக்ற் அணிஇ 19.3 ஓவர்களில் சகல விக்கெட்களை யும் இழந்து 114 ஓட்டங்களைப் பெற்றது.
துடுப்பாட்டத்தில் துலின டில்ஷான் 45 ஓட்டங்களையும் மஹேல ஜயலத் 24 ஓட்டங்களையும் பெற்றனர்.
புனித பீட்டர் பந்துவீச்சில் அஷாந்த் மல்கா 15 ஓட்டங்களுக்கு 5 விக்கெட்களைக் கைப்பற்றினார்.
115 ஓட்டங்களை வெற்றி இலக்காகக் கொண்டு பதிலுக்கு துடுப்பெடுத்தாடிய பலம் வாய்ந்த புனித பீட்டர் 17.3 ஓவர்க ளில் சகல விக்கெட்களையும் இழந்து 92 ஓட்டங்களை மாத்திரம் பெற்று தோல்வியைத் தழுவியது.
இதில் லக்ஷித ரொட்றிகோ 39 ஓட்டங்களையும் தனீஷ வீரக்கூன் ஆட்டமிழக்காமல் 25 ஓட்டங்களையும் பெற்றனர்.
புனித பெனடிக்ட் பந்துவீச்சில் கீதால் பெர்னாண்டோ 18 ஓட் டங்களுக்கு 4 விக்கெட்களையும் மதுஷான் குலரத்ன 7 ஓட்டங்க ளுக்கு 2 விக்கெட்களையும் கைப்பற்றினர்.
