13 වැනි අසියානු දැල්පන්දු ශූරතාවලියේ නොකඩවා ලද සිව්වැනි ජයග්‍රහණයත් ලබා ගැනීමට ශ්‍රී ලංකාව අද (22) සමත් වුනා.
ජපානය සමඟ පැවැත්වුණු මෙම තරගයේ පළමු කාර්තුව තුළ ලකුණු 17ක් ලබා ගැනීමට ශ්‍රී ලංකා ක්‍රීඩිකාවන් සමත් වූ අතර, ජපානය ලකුණු 06ක් ලබා ගනිමින් තරගයට අවතීර්ණ වුනා.
දෙවැනි කාර්තුව තුළ තවදුරටත් තම ග්‍රහණය දැඩි කළ ශ්‍රී ලංකාව තවත් ලකුණු 22ක් ලබා ගනිද්දී ජපානයට ලකුණු 05කින් සෑහීමට සිදු වුනා.
- 2024 වසර වෙනුවෙන් ශ්‍රී ලංකා දැල්පන්දුවේ බලාපොරොත්තු
- සිම්බාබ්වේ හමුවේ ශ්‍රී ලංකාවට තවත් පරාජයක්!
- ශ්‍රී ලංකාවෙන් වේල්සයට ප්‍රබල අභියෝගයක්
- හයිඩ්‍රාමණී ශ්‍රී ලංකා දැල්පන්දුව සමඟ අත්වැල් බැඳ ගනී!
- හොංකොං පරාජය කළ ශ්‍රී ලංකාව ආසියාවේ තෙවැනි තැනට!
තරගයේ තෙවැනි කාර්තුව තුළ ද ශ්‍රී ලංකාව ලකුණු 23ක් ලබා ගැනීමට සමත් වූ අතර, එහි දී ජපාන ක්‍රීඩිකාවන් ලබා ගැනීමට සමත් වුනේ එක් ලකුණක් පමණයි. ජපානය සිව්වැනි කාර්තුවේ දී ලකුණු 06ක් ලබා ගැනීමට සමත් වූ අතර, එහි දී ශ්‍රී ලංකාව ලකුණු 23ක් ලබා ගනිමින් පහසු ජයක් ස්ථීර කර ගැනීමට සමත් වුනා.
- ශ්‍රී ලංකාව 85– 18 ජපානය
ශ්‍රී ලංකාව සහභාගී වන මීළඟ තරගය හෙට (23) මැලේසියාව සමඟ පැවැත්වීමට නියමිතයි.
තරගාවලිය පිළිබඳ සියලු උණුසුම් තතු විත්ති ඔබ වෙත සමීප කිරීමට ThePapare සූදානම්, රැඳී සිටින්න ශ්‍රී ලංකාවේ අංක එකේ ක්‍රීඩා නාලිකාව ThePapare සමඟින්.
 සමත් වුනා.){kind=link}