உலக மெய்வல்லுனர் கண்டங்களுக்கிடையிலான சுற்றுத் தொடரின் வெண்கலப் பிரிவின் கீழ் ஜப்பானின் ஒசாகாவில் நடைபெற்று வருகின்ற 10ஆவது கினாமி மிச்சிடகா ஞாபகார்த்த மெய்வல்லுனர் தொடரில் பெண்களுக்கான 800 மீட்டர் ஓட்டப் போட்டியில் பங்குகொண்ட இலங்கை வீராங்கனை கயன்திகா அபேரத்ன முதலிடம் பிடித்தார்.
3 இறுதிப் போட்டிகளைக் கொண்ட பெண்களுக்கான 800 மீட்டர் ஓட்டப் போட்டியில் கடைசி இறுதிப்போட்டியில் பங்குபற்றிய கயன்திகா, போட்டியை 2 நிமிடங்கள், 04.26 செக்கன்களில் நிறைவு செய்து முதலாம் இடத்தைப் பெற்றார்.
அத்துடன் 24 வீராங்கனைகள் பங்குபற்றிய 3 இறுதிப் போட்டிகளுக்கான ஒட்டு மொத்த நிலையிலும் அவர் முதலிடம் பிடித்தார்.
முன்னதாக கடந்த சனிக்கிழமை நடைபெற்ற (29) 38ஆவது ‘ஷிஸுஓக்கா’ சர்வதேச மெய்வல்லுனர் தொடரில் பங்குகொண்ட கயன்தினா அபேரத்ன, பெண்களுக்கான 800 மீட்டர் ஓட்டப் போட்டியை 2 நிமிடங்கள், 04.35 செக்கன்களில் நிறைவு செய்து முதலிடம் பிடித்தமை மற்றுமொரு சிறப்பம்சமாகும்.
>> ஜப்பானில் மற்றுமொரு மைல்கல்லை எட்டிய அருண தர்ஷன
இதனிடையே, 10ஆவது கினாமி மிச்சிடகா ஞாபகார்த்த மெய்வல்லுனர் தொடரின் முதல் நாளான நேற்று (06) நடைபெற்ற ஆண்களுக்கான 400 மீட்டர் ஓட்டப் போட்டியில் பங்குகொண்ட அருண தர்ஷன 2ஆவது இடத்தையும், பெண்களுக்கான 3 ஆயிரம் மீட்டர் தடை தாண்டல் ஓட்டப் போட்டியில் பங்குகொண்ட நிலானி ரத்நாயக 4ஆவது இடத்தையும் பெற்றிருந்தமை குறிப்பிடத்தக்கது.
>> மேலும் பல மெய்வல்லுனர் செய்திகளைப் படிக்க <<
